野性呼喚: 第四十章 ： 搵寶馬解悶

第二日van仔如常咁送貨上我公司。

佢上到去，我唔喺度，由門口接待同事做交收，佢叫van仔送貨交收唔使搵我，搵佢就得。

同佢第一次上床後，發覺佢呷我男友醋，同佢唔做都做咗，但我怕俾佢錯誤訊息，令佢諗多咗。

成件事唔可以怪佢，要怪我自己，做事咁仼性，我嘗試避開佢，所以叫其他同事代替我。

“喂，哥哥仔，聽日唔好咁晏呀，我收五點半架！”



“好晏咩，不嬲到差唔多架啦！”

“咩差唔多呀，我要買送煮飯，你唔好阻住我放工！”

我公司一向管理比較鬆散，老闆注重員工工作效率，多過工作時間，好多時未夠鐘，啲同事已經趕返屋企，門口做接待嗰位同事，本身已經唔係太願意接我手，佢見van仔咁遲先送貨嚟，當然唔滿意啦。

“屌，你公司多數係飛機貨，我揸車，唔撚係揸飛機，飛機遲到我先遲架啫，關我撚事咩，你唔撚滿意，去屌柒航空公司丫笨。”

“喂，你送貨準時係應份喎，我好聲好氣同你講，你做乜咁粗口呀，唔忿氣同我主任投訴丫！”



“乜撚主任呀！主任大撚晒呀？肥西，擘大你對撚屌眼睇吓幾點，我遲到咩？”

“你…你….”

我同事俾我佢一輪嘴咁鬧，佢連說話都講唔出，扐起個電話搵主任。

主仼衝到咁走出嚟，不過，佢之前已經同van仔霎過氣，今次見到佢凶神惡煞，面都紅晒，想食人咁，主任都唔敢同佢正面衝突。

“咩事呀？”



啱啱我同老闆喺出面做完嘢返到公司，我哋親眼見到佢大吵大鬧，喺公司搗蛋，當自己大晒，老闆黑起晒面。

我企喺佢老闆後面，粒聲唔出，只係覺得自己好醜，識到個咁嘅人，想喊出嚟。

“你係送貨嘅？交收好未？你走先，我會查清楚發生咩事，然後同你公司講！”

老闆好有修養，㩒住佢把火，好客氣咁趕van仔走。

佢臨走前望吓我，我擰歪面，無理佢，佢已經唔係第一次，覺得佢無藥可救，但係已經流緊眼淚。

“我一世人就係衰衝動，火氣大，唔撚怪得人話我讀書少，老粗一名。”

唔夠一分鐘，我收到佢wts app，想同我解釋。

佢咁解釋我仲嬲，讀書少就可以唔講理由隨便搗亂咩！



“其他人點睇我，我唔撚介意，我後悔衰喺你面前，我之前同條管理員霎氣，你已經好嬲，今次仲撚大鑊，你最唔鍾意人講打講殺，同埋怕得罪人，我就偏偏得罪你啲同事⋯⋯”

佢又send咗音頻俾我，我嘅脾性，van仔已經掌握得七七八八，知道我心軟，佢盡量令到我覺得佢只係care我，不過，我聽唔到一半就刪除咗佢。

“無事！無事！”

老闆以為佢嚇親我，拍吓我背脊安慰我。

Van仔不停咁wts app我，我全部睇都唔睇就刪除晒，嗰一刻我有衝動想block咗佢，但係我對住個制，硬係㩒唔落手。


我好唔開心，好想見男友，想聽朝買張機票過去搵佢。

“發生咗事？”



男友問我。

我事先已經吸一大口氣，扮成無嘢，先同佢視頻，不過佢一眼就睇出我唔妥。

“我心裡面唔舒服，好想見你，好相你陪吓我！”

男友清楚我性格，我想講嘅，一早我會講得一字不留，我唔想講嘅，只要佢問多一兩次，我都會同佢講。不過佢一向都唔會咁做，唔想迫我，唔俾壓力我。

“不如下星期都齊出去玩吓？”

男友知我悶，主動約我。

“哈哈，你得閒咩？”



佢係我避風港，對住佢唔使幾耐，我輕鬆返，同佢傾去邊度玩，住咩酒店，傾到半夜。

我同男友傾完，心情好番好多，見到van仔留咗好多message。

“睇嚟你都係準備打打殺殺咁過一世！”

“我下星期去旅行，翻嚟先算啦！” 

我覆完，跟住嗰幾日無論佢點what’s app我，我都無睬佢。

..............................................

好早已經知道van仔一向不愁寂寞，不過無諗到佢呢頭同我講後悔，嗰頭就走咗去搵女朋友風花雪月。

我一直無回覆佢啲message，過咗幾日佢send咗一段佢同寶馬玩嘅手記。



佢今次反常咁快就寫咗我唔睬佢呢幾日佢所發生嘅情色約會俾我睇，我唔知佢目的係咩，可能係想刺激我掛。

..........................................

van仔覺得寶馬最了解佢，佢決定搵寶馬。

寶馬一個人喺香港，佢幾乎都會定時同van仔相聚，解決佢性需要，自從van仔同我來往密咗，同寶馬都疏遠咗少少。

“哈哈，以為你有心上人添！”

寶馬開咗一個電話號碼，專係俾佢同一啲特別嘅朋友聯絡用，van仔係其中之一。

“今晚？”

寶馬主動俾個時間佢。

“今晚無問題，不過我想多個人！”

“多個人？！男？”

“女！”

寶馬同van仔始終都係床上朋友，對van仔咁突然要求，佢都有啲憂慮。

“信得過？”

“信得過！”

“Okay，我信你！哈哈，不過我反為想知你發生咗咩事！”

“今晚先講，上酒店，唔好去你屋企！”

“當然啦，等我電話！”

Van仔心目中已經有一個人選，今晚帶埋佢同寶馬一齊過一晚。