電影少女 (2): 淫眼碌碌逐個郁 (6)

淫眼碌碌逐個郁 (6)
~~~~~~~~~~~~~



「你保護我？？」Percy抬起頭望，望到佢一貫健康笑容個心定一定，回贈返一個甜笑俾佢。

靚仔靚女互相交換笑容，Jay慢慢將Percy拉近，個頭亦都慢慢向住Percy接近。

接近嘅唔止頭，仲有佢個嘴唇向前進發。望住Jay嘴唇迫近，Percy知到佢想Kiss…



佢竟然咁大膽？？

當街當巷拖住miss錫錫？？

咁瘋狂行為應該推開佢，但係Percy細膽唔敢去做…

又因為佢由第一日開始就俾Jay迷惑咗，對哩個學生產生異常好感所以無推開…

只係企响度震，唔識反抗…



睇住佢嘴唇越迫越近，視線開始糢糊所以合埋眼，靜待佢下一步…

當感受Jay貼近面頰，感受到佢塊面貼住自己塊面，耳蝸聽到佢講：「以後我叫妳Percy好唔好？」

「叫我Percy？？」

「係。」Jay講：「妳都唔好叫我王智琛，叫我Jay。」

叫我英文名，唔叫Miss Chan？？



Percy諗緊果時又望見佢個笑容，令佢溶化嘅笑容就點點頭同意。

「你可以叫我Percy，不過响學校就叫番我做Miss。」

聽到Percy同意，Jay都點頭明白。

「我哋去食下午茶。」

「食下午茶？」Percy講：「我哋去補課喎。」

「補課都要個肚飽。」Jay講：「妳今日無出去食飯，又無去小食部食嘢一定肚餓喇。」

「你又知？」



「我都話保護妳，咁都唔知就抵打喇。」Jay講：「妳想食咩？」

「無所謂，你話事喇。」

「果然聽話，抵錫。」Jay講完就拖住Percy去搵嘢食，佢話自己抵錫又十指緊扣拖到實，咁嘅舉動同拍拖無分別，但係無應承做佢女朋友喎？？

咁拖法佢想點？？

「王智琛…」Percy停低，問：「你想…」

「都話叫英文名，無啲記性。」Jay輕力拍拍Percy Pat Pat，Percy笑笑口講：「人哋一時講錯之嘛，咁都要打！」

「好喇，好喇，我呵返。」Jay用手掌輕輕撫摸Percy個Pat Pat，講：「呵返唔痛嘞。」

「衰人打完我仲要搏懵！」Percy拍返Jay個Pat Pat，講：「我又呵返你！」



「咁夠膽打我！」Jay又拍Percy Pat Pat，兩個响街頭追打Pat Pat嬉戲。

補課？？

咩嚟嫁？？

由Lunch Time補課變做放學補課，一次都無補過次次都行街睇戲，每次都手拖手動作親密，不過亦只限於拖手…同埋打Pat Pat，無sex之餘Jay無講過拍拖，哩種曖昧關係Percy既享受亦難受。

享受既係可以同個靚仔學生拍拖，唔止師生更加係姐弟戀，佢唔強迫公開咁就可以去享受哩種戀愛。

難受嘅係佢到底係咪想做我男朋友？無問過我就拖住我，又無示愛想點呀？？

忐忑不明關係令Percy心裏不安。



又到咗放學時間，自從上次响學校門口俾其他學生撞破之後兩人會面地點約好咗隔幾條邨個商場等。兩個都係一放學就九秒九衝出學校，大家搭埋同一架巴士，當到站時就前後腳去約會地點，自欺欺人咁去到先拖手相認。

「Jay先生，終於見到你喇！」

「Percy小姐，我終於俾妳見到喇！！」

兩個講完又大笑，笑聲吸引到附近街坊。佢哋日日都係哩個時間會合，一個校服一個西裝裙，好明顯係姐弟戀。姐弟戀都唔係大問題，因為Percy樣貌好青春，大問題嘅係Jay著住校服，咁嘅佩搭就有種怪怪哋嘅感覺。


（待續）