大鑊啦今次!我坐錯船去左人妖島: 02. 少女心?

02.少女心?

「你有一顆少女心嗎?」聽倒呢句野我好不安。

下一秒，佢就慢慢咁行緊過黎。

「你想點呀!死開呀!我唔係GAY架!」我一路向後行一路對住佢大叫，聽倒我大叫個死人妖笑得仲奸，由慢慢行過黎，變做跑過黎。

今次仆街了，我諗都唔諗，轉身就跑。大家都知背面係船，所以我就諗住跑入船避下。呃!?仆街!架船係我唔驚唔覺自動開走緊!明明應該無人係架船度架，架船呢家同岸邊相差只係一兩米左右!所以我諗住直接由岸邊跳上去。





「嘻嘻!我要解放你既少女心!」

「救命呀!」我邊大叫邊用盡我全身既力氣跳過去。好野差少少就上倒船架啦,正當我好型咁準備擺出一個落地POSE既時候，突然我左腳比人用手一拉，我即刻伸隻手出黎想捉住船邊D欄杆，點知個死人妖,好鬼大力,一手就將我拉返去岸邊。

----------------------------------------------------------------------------------

比佢拉返上岸之後我即刻轉身想抵抗，呢個死人妖著住一條有花邊既連身粉紅色短裙，上身D肌肉勁爆到好似就快爆衫咁，著住一對高跟鞋，下身D腳毛露哂出黎，仲化左個好厚既妝，個嘴擦左好厚既紫色唇膏，哇再睇落去我真係要嘔!

我即刻拎起武器，之前入CAMP帶既BBQ燒烤叉，我拎住兩枝燒烤叉，準備使出我既「雙叉流」。我學動畫人物擺出一個POSE，跟住一野叉去佢到。點知佢威都唔比我威返陣,一手捉住一枝燒烤叉，跟住用手指公就整彎左兩指燒烤叉。呢個時候我係我背包是但拎D野掉佢，係佢接住我掉既野果時，我就把握呢個機會向佢後面跑。我9秒9咁跑,但係好奇怪聽唔倒佢既腳步聲追黎，我跑入最近岸邊既樹林入面，我偷偷地向岸邊轉頭一望...OH MY GOD!原來我拎黎掉佢既係我條底褲，佢仲係岸邊好開心咁拎住我條底FING黎FING去大叫「正呀喂!」





講都無人信，我竟然比自己條「底褲」救左，心諗唔通我去左海X王「三治」去果個人妖島!唔得我要冷靜!

嘻嘻!正當我想冷靜既時候，我聽倒D笑聲，跟住就見倒有幾個人妖係路邊經過，我即刻哩係樹後面，等佢地既奸笑聲無哂之後，我先放心。一放心，突然眼前一黑，我失去意息之前望一望背後，見倒背後係岩岩果個追我既死人妖，跟住我就暈左。