大鑊啦今次!我坐錯船去左人妖島: 01. 人妖島

01.人妖島

我今次真係大X鑊啦，我坐錯船去左人妖島!我好驚我菊花保唔住，點算好?

講起都覺得自己低能，件事就係咁既，今日我同班朋友係銅鑼灣唱完K LUNCH，我朋友就話過中環一齊坐船過長洲入CAMP，好衰唔衰我突然間好鬼急屎，都唔知係咪因為K LUNCH D野食有問題，所以我就叫班朋友坐船去先，我就坐下班船黎，佢地笑完我想打J之後就坐左班船走。

我急到直跑去廁所，係我入男廁之前，見倒女廁有個似男人既女人走出黎，佢仲對住我微微笑一笑。
雖然我好驚佢會係我痾屎果時爬入黎偷睇我，甚至HEHE?埋我，OH NO!一諗起我菊花就縮緊哂。但係因為太急屎，我咩都無諗就跑左入廁所。

好彩咩都無發生，我痾完屎之後，就快快手著返條褲，之後出到去就見倒有架船就開，我諗都唔諗就跑左上去，之後就是但搵個位坐低，但係好奇怪突然間好鬼眼訓眼訓到忍唔倒，之後就訓著左。





噔噔噔噔... 聽倒D死人廣播音效之後我就醒左，個廣播話「本船即將到達人妖島，請乘客準備落船」我望一望手機...無訊號...我一諗就知今次大X獲，最奇怪既係全架船既乘客得我一個，不過聰明既我緊係第一件事走去船長室睇睇。我搵左陣先搵倒船長室，鎖左......

「喂!開門呀!開門呀!」我叫左幾聲，但係無人理我。

我火都黎,跟住就學果D飛虎隊咁樣一腳一腳咁想踢開道門。
砰砰砰! 但係踢左陣我就知電視果D片段係呃鬼我，我根本就唔夠力踢開道門。所以我就想搵D工具打爆道門佢，點知我一轉身，道門竟然自己開左。

「哇!」我嚇倒跌左落地下，痛死我啦。當我諗住走入去鬧爆個船長既時候，點知入面咩人都無，只見倒有本HEHE書?,係呢個時候又有廣播。「本船已到達人妖島」我一走出船長室就見倒有個人落緊船，我諗都唔諗就跑過去想叫停佢，點知佢無理我落左船，我迫於無奈跟埋佢落船。





-----------------------------------------------------------------------------------------------------

落到去之後見倒個島同長洲差唔多大，我見倒岩岩果個人係前面停左係度。

「喂!」

今次我終於叫停左佢，但係當佢另個身過黎果時，我就知今次大X鑊，佢就係之前我係廁所門口見倒果個似男人既女人，唔洗講大家都知佢係人妖。最可怕既係佢一轉身就講

「你有一顆少女心嗎?」之後佢就對住我奸笑





岩岩講果D就係由朝早到呢家發生既事，死啦今次見倒佢既奸笑樣，我好驚我保唔住我菊花。