自從同Miss喺一齊，我就忽然變得好受歡迎: 第212章 Miss Lee的危與機
又係一個星期嘅開始，因為Chloe嘅事，我返學都有少少冇心機，我冇再費心思去估背後嘅原因，只係被動咁等當事人向我解釋。
June仍然失踪，聽珍姐講June唔知為乜努力減緊肥，仲好似有啲成果，以珍姐嘅評價就係成個唔同晒，比起之前要靚10倍。
對於呢方面我有少少保留，因為如果個基數太低，0.01分乘100倍都只不過係1分，不過我冇同珍姐深入研究呢個人生大道理，只係有啲擔心June係為咗我而減肥。
或者日子過得太過平淡，所以心底裡隱約希望可以發生下啲特別事，而呢個寄望，結果就應驗咗喺助教Miss Lee身上。
嗰日係星期四下晝5點，前一日落堂幫Miss Lee攞嘢返房後，走嗰陣佢吩咐我第二日同樣時間去搵佢，咁啱我星期四全日冇堂，睇在Miss Lee有幾分Miss Cheung影子份上，即使佢冇講原因我都一口答應。
理論上我係應該4點半去到，但係臨去之前忽然感受到強烈嘅生理需要，為免一陣喺佳人面都係咁放屁，遲到都惟有去廁所爆埋石先。
就係呢個一念之差，當我去到Miss Lee間房時，對門已經閂咗，如果唔係聽到裡面有聲，我當時應該會轉身離開。
以下係英文對話，為咗方便我用番中文，因為內容比較簡單同似足我睇開啲荷里活四級片，我竟然大部分都聽得明，唔明嗰小部分就靠估。
「唔好喇，你已經有老婆，我唔想破壞你家庭。」呢把嬌喘緊嘅係Miss Lee把聲。
「我同我老婆已經冇晒激情，你成日喺我面前著到咁性感，你估我唔知你想點？你俾咗我想要嘅嘢我，我都一樣會俾番你想要嘅嘢你。」呢個一聽就知係心理學教授Dr Malcolm，平時懶正經，而家聽落就淫淫地。
跟住就係一陣衫褲磨擦聲同錫來錫去嘅「接接」聲。
雖然我好有興趣欣賞下四級片真人show，但係我更想係可以順利攞到足分數出年轉校，如果我打擾咗Dr Malcolm嘅雅興，好難想像佢仲會俾我合格，冇錯我對Miss Lee 係幾有好感，因為佢俾到我一種接近Miss Cheung嘅特殊感覺，但係畢竟佢唔係Miss Cheung，唔值得我為佢冒險。
當我準備悄悄離開，房裡面再次傳出對話聲：「你唔好咁喇，我約咗個學生嚟，佢應該差唔多到，俾佢撞到就唔好。」
咦？好似講緊我喎，其實我不嬲都覺得Miss Lee有意無意間係專登俾啲暗示Dr Malcolm，為嘅就係可以攞到個博士學位，而呢種枱底交易喺大學嚟講似乎係有晒共識嘅潛規則，起碼我睇戲嗰陣係咁講，無論學生對教授、定係助教對教授，付出少少嚟換取一個較佳起步點，計落都有著數廿。
不過既然提到我，我就唔可以就咁走咗去，Miss Lee今日無端端叫我嚟又冇講咩事，之前都確實令我有過少少遐想，但係而家睇嚟係為咗應付Dr Malcolm，如果我冇遲到，應該可以阻止到現階段嘅情況，而家因為我搞到Miss Lee陷入困境，再詐蹄走咗去，會唔會好衰呢？
「你唔好再用呢啲藉口推我，我一早話咗會過嚟搵你，你仲點會約其他人。」Dr Malcolm呢啲起晒火嘅人，點會因為一、兩句說話就收手。
「呀！」Miss Lee忽然傳出一下幾大嘅叫聲，似乎Dr Malcolm做咗啲幾大嘅入侵性行為，唔通已經搞緊？
人好多時會做出啲後悔嘅事，尤其係事態唔容許你細想嘅時候，喺呢一刻，我唔知點解突然好唔想Miss Lee俾Dr Malcolm上，喺未諗清楚之前，已經踏前一步一手擰開門把。
對門冇上鎖，一開門，就見到Dr Malcolm已經將Miss Lee上身嘅恤衫拉開，露出裡面俾粉紅色蕾絲通花胸圍包住嘅巨大雙峰，仲將個頭𢵌緊埋去錫胸，而Miss Lee就雙手掩胸，一臉驚慌咁反抗緊。
睇到呢幕，我忽然有種血往上湧，想打鑊Dr Malcolm嘅衝動，可能係因為Dr Malcolm個樣太猥瑣，而Miss Lee個樣又太過楚楚可憐，不過想還想，現實始終係現實，我見Dr Malcolm俾人撞破好事，一副想殺咗我嘅凶狠模樣，第一時間攞手機出嚟，幫兩位主角影咗幾張相。
「你做咩呀？！」Dr Malcolm老臉一紅，㷫沖沖咁走過嚟想搶我電話。
冇咩，保障下自己啫，我用手稍為大力咁撥開Dr Malcolm，只見佢打咗個轉，好巧妙咁跌坐咗喺梳化上，Miss Lee臉上閃過一抺嫌惡，然後極速著番好件衫。
「Dr，不如你走先，呢度交俾我處理。」Miss Lee恢復常態，滿臉誠懇咁同Dr Malcolm講。
Dr Malcolm企起身，啱啱企穩想再過嚟同我過招，聽到Miss Lee咁講停咗停，狠狠咁望咗我一眼，然後就喺我身邊離開咗。
Miss Lee示意我閂好門，然後招呼我坐低，同頭先俾Dr Malcolm施暴緊個弱女子樣唔同，而家嘅佢唔單止泰然自若，仲隱隱透出一股強勢。
「你遲到喎。」Miss Lee劈頭第一句就話。
「係咩？我仲以為啱啱好。」我暫時唔知Miss Lee想點，所以只係簡單答下。
「張相你會俾個copy我㗎呵？」Miss Lee指下我手裡面嘅手機。
「好呀，你俾個電話號碼我，轉頭send俾你。」既然你係當事人，都有權攞番份copy，而且有咗呢張相，可能以後就唔使俾Dr Malcolm騷擾。
「你唔會留底啩？」Miss Lee眼神凌厲咁問我，一邊講咗個電話號碼。
我send咗張相俾Miss Lee：「唔會，正如你同Dr都唔會因為今日件事fail我啩？」你似Miss Cheung啫，畢竟唔係Miss Cheung，我都要保障下自己。
Miss Lee定定咁望咗我幾分鐘，然後長長呼咗口氣：「既然大家都係明白事理嘅人，咁你可以走喇。」
我起身離開，不經意咁望咗Miss Lee喺領口露出嘅乳溝一眼，雖然佢有接近Miss
Cheung嘅實力，但係觀乎佢搵我嚟對付Dr Malcolm嘅手段，似乎冇乜內在美，同表裡如一嘅Miss Cheung差天共地。