自從同Miss喺一齊，我就忽然變得好受歡迎: 第190章 都係咸濕惹嘅禍
回頭望向屋裡面嘅四個女仔，阿媽同阿妹對望咗一眼，好有默契咁扮冇嘢上番房，小琪拍拍周穎膊頭，喺上房前充滿同情咁向我點咗下頭，然後就係周穎，雙眼紅紅咁望住我，臉上嘅淚痕都未擦乾。
知道自己令周穎咁傷心，我都好心痛，Judy件事已經告一段落，聽落Chloe會幫我善後，應該冇咩手尾跟，根據頭先Chloe同Judy嘅對話，令Judy喺我身邊消失嘅幕後主腦似乎就係Chloe，如果Patrick係受到Chloe指使而接近Judy，咁最後大肚單嘢無論係Chloe授意定Judy自願，都玩得有啲大。照咁講，周穎係咪都有啲危險呢？
我唔敢再諗落去，而家最緊要嘅都係眼前嘅周穎，周穎見我戇居居企喺度冇乜表示，好似又想喊過咁，佢當然唔知我係喺度驚緊Chloe會對佢不利，以為我對Judy仲有感情，轉身就向樓下行咗去。
咁情況我當然唔會俾周穎一個柄埋亂諗嘢，即刻追落去，可能因為心情激動，周穎忽然變得好敏捷，唔好話我趕唔切去捉住佢，落到樓下佢仲已經閂埋房門匿咗入房。
「阿穎，我可唔可以入一入嚟。」我冇即刻打開房門，企喺門外問。
周穎冇回答，只係喺房度傳出隱約嘅低泣聲，周穎唔係冇為我喊過，不過為咗我同其他女仔嘅事而喊就係第一次，今次好明顯係我錯晒，第一錯就係隱瞞Judy嘅事，第二錯就係差啲搞大咗人哋個肚，第三錯就係傷咗周穎嘅心，一個處理得唔好，呢件事日後或者就會成為我哋關係上嘅癥結，導致不可勉回嘅後果。
我伸手輕輕扭咗下門柄，冇鎖門喎，咁即係俾機會我道歉喇，房入面周穎背對住門口坐喺床上，雙肩微顫，傷感還傷感，呢個長髮披肩背影真係好靚，我坐上床，從後伸手環抱住周穎。
「對唔住，係我唔好，你專登山長水遠走嚟搵我，一落機就俾啲咁嘢你嘆。」周穎冇掙開我，只係任由我抱住佢。
我將懷裡面嘅周穎攬得更緊啲，長髮上嘅香氣傳入鼻腔：「你唔好嬲喇，我都知自己衰咸濕，以後就算再想搞嘢，都唔會出去搞三搞四，最多用手解決，當然最好你肯出手幫忙，咁樣起碼健康啲、又舒服啲…」
「喂！你係咪真心嚟同我道歉㗎，三句唔埋兩句又講埋啲衰嘢。」今次周穎掙開咗我雙手，擰轉身睥住我。
嗱，其他人咁睥我，我就一定同佢鬥睥，但係周穎呢個嬲嬲地嘅兇狠樣令我諗起未同佢一齊嗰陣，佢平時見到我就係呢種帶少少鄙視嘅神情，當時我就成日諗，總有一日我會推倒佢執番劑，睇下佢仲敢唔敢輕視我，不過周穎跟咗我之後，就再冇用咁嘅神情對我，大部份時間都係溫柔體貼、賢妻良母型，今日因緣際會，俾我再見到當年呢個死樣，真係天從人願，可以一報當日之仇。
周穎見我眼裡升起熊熊慾火，雙手叉腰：「做咩咁望住我呀，你想點呀？今晚唔俾你做呀，你返房好好反省下先喇。」
雖然周穎口裡面咁講，但係喺咁環境下，就算我霸王硬上弓佢都走唔甩㗎喇，不過今次始終係我做錯，點都要先安撫咗周穎先：「好喇，唔做就唔做喇，不過唔知點解，你嬲緊呢個樣特別靚，搞到我成身㷫烚烚，仲諗起以前喺香港嘅日子，嗰陣你就係成日咁睥住我。」
「嗰陣我見你同王小富上堂成日發夢，小息就掛住講打機睇漫畫，唔睥住你，唔通仰慕你呀。」周穎見我講起以前，臉上浮起懷緬神色。
我見成功淡化咗Judy單嘢，就繼續轉換話題：「係喇，嗰時你成日同梁偉霆出雙入對，諗起個心都梗住梗住。」
「你梗住又唔主動追我，你唔係諗住等我倒追你呀…」周穎講到呢度停咗停，諗起自己好似真係有啲倒追我嘅嫌疑。
為免周穎臉嫰又再老羞成怒，我即刻打完場：「我只係後悔冇大膽啲去追你，搞到浪費咗咁多相處嘅時間，如果早啲同你一齊，起碼我啲成績會好啲，英文都唔使差到𧶄啲入唔到大學，嚟緊一年又冇得同你日日見。」
「你唔好成日介懷入唔到UT喇，你而家開始努力都唔遲，出年轉番過嚟咪一樣。」周穎靠前按住我隻手安慰我。
我乘機打蛇隨棍上，一手抱起周穎放上大腿，挨落佢條頸度：「我哋咁難得可以喺埋一齊，你唔好離開我呀。」
「邊個話要離開你啫，我專登過嚟加拿大都係為咗搵你，除非你唔要我喇，如果唔係我唔會離開你。」周穎輕輕撫摸我個頭，揞細路咁揞我。
其實我都知周穎唔會真係嬲我，之不過啲門面嘢點都要做下，叫做俾番個下台階大家，Judy嘅事始終係我唔啱，如果個肚係我嘅，咁就真係前途盡毀，我雖然唔係嗰啲頂天立地嘅英雄好漢，但係都唔會衰到叫Judy落咗自己嘅親生骨肉，結果就唯有娶Judy過門，真係稍為諗下都全身起雞皮。
「你做乜無端端打冷震呀，你凍咩？」周穎好關心咁問。
「唔係，只係有啲後驚。」見氣氛咁好，我趁機將同Judy嘅嘢詳細講番俾周穎聽，我唔主動提起，周穎未必會再問，但係心裡面總會有啲懷疑：「我以後唔會再亂同其他女仔發生關係，因為佢哋唔係個個都好似你同Miss Cheung對我咁好，好有可能係另有企圖。」
「呢件事對你嚟講都唔係完全冇好處，起碼叫做學到啲嘢，我同Miss Cheung對你梗係好喇，係你唔珍惜啫。」周穎微笑話，見我讚佢有啲暗喜。
「既然事情已經解決，咁我哋不如做下飯後運動。」抱住周穎喺懷裡面咁耐，細佬一早已經喺周穎雙腿中間冒出頭嚟，頂起晒條裙。
周穎望下細佬，望下我，本來仲想講啲乜，最後都係含羞答答咁點咗下頭。
Yes！今次總算又大步檻過，我一定會遵守剛才嘅承諾，以後都唔再隨便同其他女仔扑嘢。