自從同Miss喺一齊，我就忽然變得好受歡迎: 第149章 重回加拿大
踏進候機室，心情有啲沉重，但係又唔可以話好唔開心，因為有周穎同Miss Cheung兩個咁好嘅女仔喺香港等我，喺分開嘅傷感情緒裡面，仲夾雜咗對重逢嘅熱切期待，呢刻我唯有相信少別勝新婚呢個道理，雖然我哋要分別嘅時間絕對唔算短。
等咗唔係好耐就要登機，今次得我一個，既冇突然出現嘅周穎，亦冇招呼周到嘅瑜姐姐，名符其實係一個人在途上，十幾個鐘嘅旅程，我將要孤獨渡過。
可能瑜姐姐太高質，機上嘅空姐比起佢差咗一大截，完全吸引唔到我我閉上眼，自從同啲女開始咗快樂嘅扑嘢人生之後，我好少有機會好似而家咁一個人靜落嚟，每日都喺度做愛做嘅事，腦裡面充斥住嘅就係唔同Cup數嘅胸同各適其適嘅B女。
我喺學校嘅成績唔算標青，去到加拿大多咗語言上嘅困難，更加要用雙倍努力去儘快適應，讀好書係我而家唯一要做嘅事，跟住就係搵份養到自己，亦都養到屋企人嘅工，到時先可以決定留喺加拿大定返香港發展，其實返唔返香港對我嚟講唔係最重要，重要嘅係周穎同Miss Cheung喺唔喺身邊。
本來我入大學係諗住讀心理學嘅，不過如果唔讀到碩士以上，基本上畢業後都唔知可以做乜，所以我或者會轉讀啲實用少少，好似電腦或者工程嘅學科，心理學比較似係我嘅興趣，第時有時間同錢再慢慢追求都未遲。
經過咗呢兩個月咁豐富嘅性生活，去到加拿大要修心養性係有啲難，不過面對新環境，快速適應同融入至係最緊要嘅事，而且呢幾日總算盡情做到飽，仲去咗轉澳門，享受過三人行嘅快樂，叫做有啲底俾我用嚟打下飛機，喺遇到新對手之前，唯有搵番五姑娘。
啱啱先同周穎、Miss Cheung含住淚講拜拜，咁快就諗呢啲嘢好似有啲唔係幾好，但係講緊幾年時間，就算周穎出年真係過嚟陪我都仲有成年，嚟緊日日自己手洗都唔係咁實際，對發育緊嘅年輕人嚟講，亦都唔係咁健康，況且難得出國，唔試下各色人種第時老咗應該會好後悔。
諗起周穎即時有啲扯扯地，唔通過到加拿大第一件事就係facetime同佢玩下視像sex？呢方面我有少少保留，唔係話唔鍾意，而係驚搞㷫咗條女，到時我就係射完當冇事，佢有起需要上嚟解決唔到點算？尤其係周穎同Miss Cheung呢啲咁高質素，擪下手條捐精隊起碼可以排幾條街。
諗到呢度當堂不寒而慄，啱先扯起嘅細佬即時縮番埋，人都係自私嘅，尤其係男人，我出去風花雪月冇問題，但係自己條女俾其他人搞，即使一次我都接受唔到，甚至係喺唔自願情況下都係咁講，上次周穎差啲俾鬼仔搞咗單嘢，而家我都仲猶有餘悸。
喺亂諗嘢之中，十幾個鐘嘅飛機比想像中易過，到落機嘅時候，我先忽然醒起竟然冇擔心過情況突然轉差嘅阿爸，嘩！我都幾不孝吓。
嚟接機嘅照舊係阿妹，隨行嘅仲有久未見面嘅小琪，係喎！仲有小琪喺度，睇嚟唔使打飛機。有一陣冇見嘅小琪同印象中冇乜大分別，反正都係幾個星期啫，天氣開始涼，小琪優美青春嘅胴體俾連身裙遮起咗。
「都係照舊去睇阿爸先，不過阿爸已經渡過咗危險期，係身體仲有啲虛弱。」阿妹見面第一句就咁講。
咁我趕返嚟做咩呀？早知喺香港逗留多幾日喇。
「龍哥哥，你好！」小琪含羞答答咁望住我，有啲怕醜咁講。
吓？乜表現到咁生外嘅，喺我疑惑期間，我見小琪好俏皮咁同我打眼色，於是順住佢嘅語氣話：「你好，小琪。」
「小琪係好女仔，你唔好搞人呀。」阿妹喺側邊冷不防爆咗句。
「你當我係咩人。」搞咗十世喇！小琪咁正又主動，仲係除咗Miss Cheung同周穎外，同我最親密嘅女仔，再加埋我哋暗地裡嘅「兄妹」關係，簡直可以話係親上加親。
小琪專登避開我嘅視線，一副想笑又忍住唔笑嘅欠打樣，來日方長，有機會先慢慢泡製你。
去到醫院，我入房睇阿爸，阿爸同我走之前冇咩分別，仍然瞓得好腍，只係周圍插多咗幾組儀器，阿妹同小琪喺出邊等，俾我單獨同阿爸喺房相處。
「阿爸，乜今次玩啲咁嘢呀，唔係話催你，不過你都唔好瞓咁耐，起身做下運動對身體好啲。」以前都冇同阿爸咁多嘢講，呢個時候反而當咗佢係傾訴對象：「仲有做證婚人單嘢，你唔好諗住走數呀。」其實我好想問阿爸關於小琪嘅事，但係人哋話昏迷嘅人有時可以聽到身邊人對佢講嘅嘢，呢單嘢都唔知阿爸知唔知、或者想唔想知，費時一陣嚇到佢醒番都扮昏迷。
同阿爸傾多陣，我就join番阿妹同小琪返屋企，因為佢哋要返學，所以擺低我就走咗，剩番我一個喺屋企。
短暫離開呢度個零星期，眨下眼又返番嚟，我安置好行李後，走咗去後花園睇我同周穎嘅愛情結晶，棵蘋果樹生得好好，玫瑰花樹都冇問題，周穎呢招都幾高明，我一望到兩棵樹就不其然諗起佢。
而家九點零鐘，周穎同Miss Cheung應該未瞓，我先打咗俾Miss Cheung報到，Miss Cheung聽落冇乜嘢，喺度做緊嘢，咁樣令我個心有啲唔舒服，雖然比起聽到Miss Cheung係咁喊，知道佢可以正常生活係較好嘅事。
至於周穎，把聲就沙沙地，好明顯仲未喺分別嘅悲傷中回復過嚟，但係佢都好堅強咁話會努力讀書，出年嚟搵我。
或者呢啲就係年輕同成熟嘅唔同，亦都係夢想同現實嘅分別，Miss Cheung始終係成年人，出咗嚟做嘢，唔可以戀愛大過天，要返工賺錢生活，唔同周穎，可以喺唔使煩惱生計嘅情況下邊讀書邊談戀愛。
而我呢？聽日就要跟阿妹同小琪返學，開始全新嘅生活。