自從同Miss喺一齊，我就忽然變得好受歡迎: 第148章 中場休息

喺正式開始加拿大嘅生活之前，無論張子龍定係我，都要稍稍休息一下，所以喺呢個位，會再有一段短暫停低嘅時間，同上次一樣，預計應該都係一個月喥。
 
因為工作上嘅關係，每日出post其實對我有少少難度，當然我都可以轉為不定期咁發稿，但係對於睇定係寫嘅人，我都覺得唔係最好嘅選擇，所以要花啲時間措下稿，而且一直唔停咁寫，感覺有少少質素下降嘅問題。
 
唔知大家有冇感受到故事形式嘅轉變，但係翻睇以前嘅篇章，我個人就覺得有好大分別，起碼由重甜變咗做中甜，純為扑嘢變咗有啲感情牽絆，我估現階段嘅寫法會繼續維持，甚至可能深入啲描寫人物之間嘅情義，唔止張子龍同各女角，張子龍同石克隆嘅關係都會有更多篇幅。
 
故事方面，張子龍去到呢個位，心裡面已經唔係只容得下Miss Cheung，周穎都確實佔咗一席位，不過佢哋兩個都要暫別張子龍，喺正式再登場前會以番外形式出場，而喺加拿大迎接張子龍嘅，會係兩位新女角，呢兩個人嘅份量等同於香港時嘅Miss Cheung同周穎，將會導致將來嘅四國大封相。
 
我好鍾意寫呢個故，呢個故亦都做到當初所想嘅娛人自娛效果，所以我會繼續寫落去，希望可以繼續有人支持，但係就算冇人支持，我都會好好寫完佢，因為對於我嚟講，即使只係一個甜故，都已經用咗我有生以嚟最多嘅時間同最大嘅努力去寫。
 


最後都係嗰幾句，無論係追故、定係留言嘅人，我都衷心感激，再次說聲謝謝！如無意外，一個月後再見！