《霹啪文壇頒獎典禮》: 最佳男主角
「燈鄧凳鄧燈凳敦凳躉凳躉……」
-
哎頂！唔講咁多介紹喇！嘥晒自己啲口水，澄澄又俾得少出show費我喎！大家快啲留言叫澄澄加人工啦！都係嗰句，歡迎大家嚟到《霹啪文壇頒獎典禮》。今日頒「最佳男主角」。
-
霹啪文壇2020最佳男主角。
-
咦！又係有兩個名嘅？結果不負眾望，係你哋喇！歐陽浚彥同埋呀一！
-
歐陽浚彥-《夾出一個她》飾演歐陽蕊心個阿哥。性格：活潑開朗、性格樂觀，每日放學後要返工都冇怨言。遇到逆境時都唔會有唔開心嘅情況出現。最鍾意對住女朋友-楚翹，對住女朋友會變咗三歲細路仔咁。雖然有啲稚氣，但有時都幾貼心，會識點樣安排活動，令人好舒服。
-
呀一-《106與她的邂逅》飾演車上乘客。一個平平無奇嘅年輕打工仔，其率直、戇鳩性格令同車嘅女人-Rachel迷上。
-
呀一：「雖然呢句好老土，但係真係多謝各位讀者支持，我想用Rachel嘅一段小文字：鬼故並非精密科學，以上內容只供故事重點。你看過的鬼故可能不相信其真偽，但面對社會警權濫暴，你能分辨黑白嗎？期望你是有良知的讀者。希望大家勿忘初衷，多謝。」
-
多謝你嘅分享，我相信香港人一定勿忘初衷，一世都會記得呢啲賤人嘅所作所為。跟住就歐陽浚彥分享下得獎感受。
-
浚彥：「楚翹！多謝你。沒有你，我甚麼都不是。請問呢度可唔可以唱歌。」
-
你估呢度係音樂頒獎典禮咩？
-
浚彥：「Music。」
-
喂！你究竟有冇聽我講嘢㗎！
-
［引擎是你，向前是我，時間似煙捉不到已飛墮］
-
浚彥：「除咗好多謝讀者咁鍾意我之外，有兩位女人都係喺我嘅Thank You list入面。」
-
［若是命運沒有你的火，我人生擁有什麼。沒有你最普通的我，制度裡盲目去蹉跎。］
-
浚彥：「一個係阿妹-歐陽蕊心。佢真係好可愛嘅，喺我面前成個細路女咁，但喺出面成個大姐姐咁，不過係矮版。」
-
［榮幸有你放任伴我傻，頑固地喝采，繼續頑固的高歌。］
-
浚彥：「另一個梗係我最愛嘅楚翹BB啦！你知唔知今日係咩日子。」
-
［如果一個等。如何有這種犯錯的勇敢。唯有你企得很近，向夢想出發的忠粉，你或許比我信任。］
-
浚彥：「今日係我哋相識7個月嘅紀念日，呢7個月，我哋經歷咗好多嘢。」
-
［做我的我便吸引，高高低低翻滾有你用光陰鑲嵌，你人生的齒輪，開啓我摩打發奮。］
-
浚彥：「我哋一齊落「燒夜店」返工，新年一齊去澳門玩，之後一齊溫DSE，考完DSE就去camp，中間仲遇到大家好唔開心嘅事。」
-
［有時自滿，有時內疚，從你眼中欣賞到我荒謬，自問路上沒有你星斗，靠什麼光照著走］
-
浚彥：「呢7個月入面，你陪我度過咗好多人生嘅唔同關卡，你肯聽我講心事，俾咗好多好好嘅意見我。」
-
［遇上你我變得罕有。我踏上奇遇裡漂流 無論結尾眼淚做報酬，評語或拍手，旅程難過都豐收］
-
浚彥：「7個月前嘅今日，我喺天悅廣場見到你嘅畫面仲記憶猶新。」
-
［如果一個等。如何有這種犯錯的勇敢。唯有你企得很近，向夢想出發的忠粉，你或許比我信任。］
-
浚彥：「高貴嘅你瞬間變做一個小市民，平時食開名貴嘅，而家要食雞子；平時伸手就咩都有，而家就唔介意夜晚返工賺錢。」
-
［做我的我便吸引，高高低低翻滾有你用光陰鑲嵌，你人生的齒輪，開啓我摩打發奮。］
-
浚彥：「我能夠遇上你真係三生有幸，你帶俾我嘅快樂簡直係用墨筆形容唔到。你嘅溫柔係呢個世界無法取代。」
-
［如果一個等。如何有這種犯錯的勇敢。唯有你企得很近，向夢想出發的忠粉，你或許比我信任。］
-
浚彥：「不論貧窮或富貴、健康與否，我承諾，我一定會俾最幸福嘅家你。令你成為一個最幸福嘅人。」
-
［做我的我便吸引，彎彎曲曲翻滾我缺乏身邊的你 我什麼都不是，只不過小小配襯，奇妙的生命，得你跨出腳印。］
-
浚彥：「最後我想請在座各位見證呢個moment。楚翹，可唔可以嫁俾我。」
-
楚翹：「你話呢！歐陽生！梗係願意啦！」
-
恭喜晒阿仔！以後對楚翹好啲喇！
-
浚彥：「知道喇！澄叔。」
-
恭喜呀一同歐陽浚彥。亦都恭喜一對新人。聽日22：00再見，聽聞歐陽冚家都有獎，唔知邊個而家暫時未有獎呢！大家就估下喇！真係唔知佢哋成家俾咗幾多錢澄澄。
IG：chingchingstory