《霹啪文壇頒獎典禮》: 最佳女配角

「燈鄧凳鄧燈凳敦凳躉凳躉……」
-
歡迎大家嚟到《霹啪文壇頒獎典禮》。繼續都係我-澄叔，為大家頒發獎項。之前收到投訴，話啲投票率係咪自己吹出嚟。想清清返，所有投票都係讀者「一人一票」投票出嚟嘅。投票過程絕對公平、公開、公正。
-
今日頒呢個獎嘅受歡迎程度係僅次於「最佳女主角」。今日要頒嘅就係「最佳女配角」。
-
霹啪文壇2020最佳女配角。
-
嘩！咁多人投佢，佢係咪種票㗎！叫佢出嚟回應啦-歐陽蕊心。
-




歐陽蕊心《夾出一個她》飾演男主角-歐陽浚彥個阿妹。阿妹爽直、放蕩性格深受學校嘅毒男歡迎。其歡迎程度拍得住Youtube片段《20110218台北世貿電玩展之Mega戰鬥哥》，可以話係紅出一個新境界。
-
蕊心：「首先我要多謝各位讀者咁支持我。另外，我冇種票㗎！我淨係叫學校啲兵仔投票。」
-
聽聞你喺學校好受歡迎，講嚟聽下。
-
蕊心：「邊係呢！我唔受歡迎㗎！我知道，我想要啲咩，開口就得。」
-
咁都話唔受歡迎，真係吹你唔脹！不如講下你嘅新男朋友-希逸，故事入面你睇嚟好似好想食咗佢咁喎。
-




蕊心：「梗係啦，雖然嗰次唔小心篤中小希逸，係細咗啲，但佢啲腹肌真係好鬼死正。」
-
阿囡，咪話阿叔長氣，記得要做足安全措施吖！唔好害咗BB，
-
蕊心：「我未夠16㗎！我唔會亂咁「造人」嘅。」
-
咁都好啲，其實我想代各位觀眾問一個問題，唔知你介唔介意呢？
-
蕊心：「梗係唔介意啦！」
-




我想問你其實有冇曾經埋怨過屋企？例如冇父母、阿哥俾嘅零用錢少等等。
-
蕊心：「開頭真係有，父母離去嗰陣時，我仲細，我曾經埋怨自己冇家庭溫暖。我亦都曾經埋怨過窮，屋企冇咗經濟支撐，阿哥放學就去你嗰度返工，佢就擔任埋我嘅米飯班主。細細個成日埋怨零用錢少。但大個之後就明白阿哥嘅辛苦，佢一個人承受晒所有嘢，所以我之後都冇埋怨屋企。」
-
咁就好喇！咁你覺得楚翹份人點？
-
蕊心：「簡直正爆啦！又靚女、身材又好、仲要勁nice。對我同阿哥超級好。我超鍾意佢。」
-
第時會唔會介紹下你學校啲兵仔吖！
-
蕊心：「唔知㗎，睇下作者之後會唔會寫啲兵兵嘅戲份啦！」
-
係囉！我又問下澄澄幾時加我同老婆係「燒夜店」啲甜蜜戲份先。
-
蕊心：「你見唔見到坐喺觀眾席嘅澄澄睥緊我哋？」




-
咦！係喎，都係唔好講咁多喇！費事之後冇角色做，或者要執屎。
-
蕊心：「係啦！我哋私底下再傾啦！澄澄嬲嬲豬㗎喇！」
-
好啦！再次恭喜歐陽蕊心獲得「最佳女主角」，聽日都係照舊22：00再見。

IG：chingchingstory