🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.7.2 人生的抉擇

David最後講曬佢心事比我聽。

我：希望你經一事，長一智
我冇責罵佢，只係微笑地安慰佢。

呢句話，都好啱我嘅situation。

點解我以前咁唔識保護自己，成日比小學同學恰? 點解我會on9地去做阿四，比人點我去買薯片?

自己曾經做過愚蠢嘅事，就希望自己以後唔好再做。





明智與愚昧嘅決擇，只差一線。

同Grace嘅事亦然，希望自己從失敗中學習，學懂點樣經營愛情/兩性關係。

希望從小學嘅不愉快經歷之中，成長過來，感謝Kelvin 經常扶持我。

同David一齊行到m就記，阿玲就WhatsApp咗我。

阿玲：考試點啊? :)





今次，我唔可以再失去機會。

我：非常順利，今次讀硬phy chem m2 😎

阿玲：幾時再一齊食飯呀？

我：你幾時放暑假? 我帶你去食紅墈一間冰室 ;)

阿玲：下個月中，但我應該返工忙到爆炸 😢





我：一係我接你收工，然後一齊食糖水？

阿玲：好啊，咁幾時?

我：7月20號啦

我要把握機會。

簡呢個日子係有原因，雖然明知阿玲遲早會同校，但話曬始終阿玲仲未係真正同我同校嘅人，而7月18號之前阿媽會喺香城，暫時我唔想咁快將我同阿玲嘅事公開，如果唔係阿媽會話我出面亂識人，甚至阻止我同阿玲來往。要講起碼都過咗9月先講。

唯有趁阿媽再出外地工作時，先至約阿玲食飯，然後到咗遲啲大家關係發展成熟時，先再公開，咁樣大家都好做。

David：就快出pool喇你~
(佢好似偷睇到我wts，然後奸笑地說)





我：未來3年小心你對眼盲左。
(我也回以一個微微挑逗的笑)