🏫 👩🏼‍❤仲講中學生「應否」拍拖？不如講下「如何」拍拖啦！🏫 【校園】【愛情】【鬥智】: Ch.3.4 人造•緣份?

時間黎到五點正，Sunflower舞團表演連同抽獎環節都完左，大家各自散場。

雨晴向我同David提議入去後台化妝間搵Anna。

David：你同佢好熟咩？

雨晴：係呀！

雨晴將佢同Anna相識嘅經過話比David知。





David：原來係咁，唔怪之得啦。

我地入去化妝間，見到Anna已經換返日常裝，上身一件白色冷衫，胸部位置有金色突出嘅英文藝術字，下身就搭卡其色布裙，長度啱啱好到小腿位置。

原來日常嘅佢都著得幾文青feel。

雨晴：Anna！俾你估下呢兩個男仔係咩人？

Anna：唔⋯⋯同學？





我：係呀～我係Issac

David：我係David

雨晴：Issac係我小學同學黎，我最近一轉校又撞返佢。

Anna：wow，大家真係有緣，我係你地中學師姐喎！
(她溫柔笑著說)

雨晴一早同Anna識，我相信佢一早就知Anna係嘉里舊生；而我同David曾經起過人地底，所以我地都冇咩驚訝。





Anna：不過我畢業咗兩年喇。

David：師姐你好！

Anna：話時話我聽Iris(雨晴嘅英文名)講今日係嘉里嘅open day喎，仲咩唔去撐場呀？

David：因為嗰度都唔好玩，都係嚟睇舞團然後同班frd吹水食飯好過啦。
(佢一邊講一邊望住我地全部人，笑了一笑。)

Anna：識做喎！多謝嚟撐場。

我：你知唔知我地學校呢三年出咗個男神？

雨晴、Anna：邊個？





David：雨晴你啱啱新入黎應該唔知喇，Anna你應該都未必知。

跟住David就打開FB，搵咗一張由一個女仔今日po嘅合照比佢地睇，嗰張係一個女仔同當時身穿王子服嘅Raymond合照。

然後佢講Raymond嘅故事比Anna同雨晴聽，同時講埋今年drama club嘅安排。

Anna：男神果然係男神
(她笑了一笑)

雨晴：真心覺得佢襯得起王子！

之後，Anna望住我幾秒，微笑同我講：Issac，我覺得你個樣都唔差呀，你應該都有女朋友掛？

David：係囉，點解你仲未溝到女嘅？




(玩世不恭嘅佢喺度笑笑口附和)

雨晴：係囉？咁靚仔唔去open day 表演，要走黎呢度同成班毒撚一齊爭女, 嘥唔嘥d呀？
(估唔到連雨晴都係咁)

我：我唔鍾意出名嘛，你知啦，上得台一出左名就日日返學都比人煩架啦。
(我也笑之回應)

其實真正嘅原因係我唔鍾意對住一大班人，我寧願享受三五成群一個小圈子。

佢地講啱一半. 我喺學校呢三年入面間唔中就有一至兩個女仔走埋黎嘗試同我做frd，但未試過因為咁就出pool。

我本來係一個 「extroverted introvert」，雖然好鍾意某些特定類型嘅社交活動，但我平時鍾意獨處。

雖然大家有傾兩句，但係絕大部分頂多就好似而加我同雨晴咁樣，能夠有計傾又約到出黎玩已經係十年一見嘅進步。





對於社交圈子，我係有選擇性。我好鍾意留喺屋企溫書打機做自己野，同時我又好鍾意選擇性同人地出街。

例如我會同兄弟上cafe四人一枱吹水，又例如自己一個人去塔羅牌班，見到自己覺得有興趣嘅人，就去同佢做frd(當然而加未有)；但係一叫我今日返學校open day見一大班同學就不了，我寧願選擇陪David黎Idol event。

加上我做人有要求（其實要求都唔係好高，正正常常就好），質素唔好嘅女仔真係寧願唔要，覺得呢一刻諗點樣增值自己重要過諗點溝女，所以點解仲未有pool出就係咁解。

人要出pool其實好易，女神食唔到，去食豬扒咪得囉；所以個問題唔係冇女食，而係你有得食但選擇唔食。

Anna：其實以你嘅打扮，你可以去考演藝喎。

她眼神打量了我全身，然後說。

我：演藝喺香城要做到好勁先搵到食嘛，仲要有人支持先係。
我：都係腳踏實地讀書好過。





Anna：真心覺得你可以同Raymond一樣，打扮得好靚仔。
Anna：所以Issac，你唔好睇死自己呀！
(佢以鼓勵嘅眼神望住我)

我：我對鞋比你刷到爛喇！
(我微笑，帶點高冷的回應)

讚美嘅說話，平常心看待就好。

David：我知Issac你唔缺女嘅！
(他對我奸笑)

我：但我少搵佢地呀嘛！

Anna：喂Issac，我想要你個FB呀，可唔可以俾我add你呀？
(佢望住我講)

我：好，咁你加埋我個frd David喎。
(我平淡回應)

我順便幫David爭取機會。

Anna：唔啦唔啦，我剩係要你個FB就夠。
（有點不好意思地說。）

Anna咁仆街都有嘅？？

最後只有我同Anna大家互相交換FB，David都係冇份。

抄完牌，就離開九展。