我好鍾意玩通靈遊戲，今鑊我瀨咗嘢: 第三日

佢終於瞓着。你以後要小心行事，知唔知？
佢開始癲，越陷越深，今日仲差啲出事。我都好似有啲唔同。開始唔明趙家寶到底想點。

• Suppose Y could save C if he opens the door,but he must’ve done this = this is NOT the way.
• C tricks Y to find her using a death threat.
• BUT games have costs. (C想Y死？) or 要Y救到佢 or both?

我唔想再諗，開始攰。

佢今日連粥都煲唔到，開始照顧唔到婆婆。婆婆係咁叫趙家寶，佢問我叫咩名，我話寶寶，佢搖頭。佢好似知好多嘢，即使余永樂搞到佢咁。不過婆婆都肯同我傾計，話佢整嘅嘢好鹹，仲成日喝佢，收埋佢啲嘢，連公仔麵都唔畀佢煮⋯⋯我當下覺得佢都係想婆婆好，仲幫佢講好說話，但依家覺得佢好衰，係咪我都就癲喇？

我唔知點解要突登扮到好似冇走咁，更加mess up 咗佢，但我就係想搞到佢咁，算係一個小報復？ 唉，應該謹慎啲。





佢趕咗我出去，去咗李俊豪屋企玩遊戲，佢都仲係唔信我。我相信佢唔會出事，起碼唔會死，只要唔死就得。

我同婆婆去咗深水埗，我覺得我需要去。婆婆似乎係余永樂嘅死穴，只要搞得掂婆婆就ok。咁諗係咪好衰？但我唔係完全為咗咁樣，我覺得我同婆婆somehow connected，可能因為我哋都係犧牲品。

出咗去嘅婆婆同喺屋企嘅完全唔同，精靈活潑好多，仲好靈活，我懷疑有啲嘢。
婆婆好興奮，我哋仲去睇布同衫，佢好有taste！我帶咗佢去屋企樓下，想上去睇吓，扮㩒錯門鐘望一眼都好，但婆婆拉住咗我，唔畀我上去，佢扯得好用力。望住大廈門口，我突然有種好割裂嘅感覺，覺得呢道唔再屬於我，好似釋懷咗。最後我哋去咗茶餐廳，蛋撻再加埋杯奶茶⋯⋯我出奇地平靜，竟然冇喊。婆婆冇講啲咩，但食得好開心。

我送咗個鈴鐺畀婆婆，more of a friendship charm，每次佢叫「鈴鈴」，我都覺得好溫暖，點算，我開始有啲似余永樂，haha。

我有一刻覺得，之後係點都冇所謂，對佢愈嚟愈不屑，我想贏佢。唔知家寶係咪就嚟頂唔順呢？





行行下街我感覺到余永樂有危險，非常危險。我即刻同婆婆趕返屋企煮落飯，同李俊豪講咗。我知道余永樂會嬲，咁樣佢就會更加care我一啲，雖然會害咗佢⋯⋯之後佢就爆發咗喇，unexpectedly，好彩算係搞得掂，但再咁落去真係唔知會點。

李俊豪可以幫到你同我。

P.S. 菠蘿包明明係甜嘅，唔明趙家寶諗緊乜。