我好鍾意玩通靈遊戲，今鑊我瀨咗嘢: 第二日

Sorry...
我單刀直入啦。我同Dylan上咗床。佢摸我果陣我唔反感，我知道佢想要我，我決定畀佢，佢要啲咩我都會畀佢。好痛苦。我好污糟。佢冇講到。雖然預咗，但都係有啲失落，睇嚟冇咁簡單。其實我只係想留喺佢屋企，冇諗過要做啲咩。可能有一閃而過嘅，但真係冇諗咁多。

佢掂我果陣，一開始我仲可以控制到，仲識得推開佢，但慢慢趙家寶好似佔領返個身體咁，我好想佢繼續，好想要，定係純粹係我頂唔順呢？ 我真係唔知，我好混亂，我真係唔知。
HELP...Am I still who I was? I just couldn’t...

離奇嘅係，我果陣突然好知點樣先可以令佢舒服，做咗好多明明唔識嘅嘢，果種支配住佢操縱佢嘅感覺，我好enjoy，我係咪已經變壞咗喇？ 網上面用「魅魔」嚟形容我哋，其實都幾恰當。但我好痛苦，身體入面好似有三個靈魂咁，畀佢攪緊嘅時候我覺得自己好污糟，好似畀佢強姦緊，但我又會不自覺咁去迎合佢，甚至畀更多佢⋯⋯好辛苦啊！最後我都係忍唔住走咗。

但我仲可以有顧累咩？我根本就冇得揀。





今日去咗驅鬼，李俊豪同我講咗啲佢哋中學嘅嘢，幾好笑，佢seems係幾好嘅朋友，但家寶覺得佢成日叫走咗余永樂，我嘗試壓低佢呢部分嘅意識，其他部分都係。Dylan呷醋。睇嚟佢哋感情唔係太好，to be exact，係佢唔信佢。個師傅好奇怪。李俊豪去咗飲符水，最後仲留低，一定有啲嘢。

Dylan話家寶活潑可愛，好善良，我竟然好開心。我仲笑住寫呢句嘢⋯⋯痴線！唔得，我要清醒啲。師傅話可以趕走佢，我諗住試下無妨，但turn out幫咗佢，我真係好蠢，點解會信？好蠢。

中途我好暈，忍唔住入廁所坐咗喺道，我好似睇到余永樂睇到嘅嘢，但一想睇真啲就會冇咗⋯⋯最後我由得佢係咁播，直到佢返嚟先出返去。好唔舒服。
我鍾意佢哋食我煮嘅嘢食得好滋味個樣。

身體依家仲係好灼熱，仲感受到果種酥麻同熾熱⋯⋯好辛苦。我控制唔到。
我究竟想點？我究竟可以點？不如算啦？
No, please.




PLEASE.