女神呢個稱號令我食左唔少仔(有甜）: 意外的約會

今日係放假，我一個人癱左係張床到。

我望住部電話，一個通知都無，好悶，但係又無人搵我。

無理由架喎，平時啲兵仔就算唔理佢地，佢地都會約我架喎，點解今日咁靜嘅。

我WTS左阿傑，過左半個鐘佢都無理我。

於是我打開IG係到睇啲人嘅動態，其實都無乜特別，都係咁上下。



最後我太悶，於是影左張自拍，再PO上動態問邊個可以陪我食野。

過左十分鐘就已經有幾十條狗公話可以，仲出現左一個好特別嘅人。

我：「你可以？」

阿彤：「我宜家可以呀，無野好做。」

我：「咁好啦，一陣見啦。」



我無諗過佢會同我出街，仲以為佢宜家同緊景雄搞緊野添。

我換好衫就出發，我地約左係MK到等，同埋我又遲到了。

阿彤：「Hi八婆，乜你咁撚耐架。」

我：「屌你Sorry囉，沖涼沖耐左呀嘛。」

阿彤：「點樣可以沖耐左？唔通同男仔一齊沖呀？晨早流流咁撚癲。」



我：「癡線咩，我先唔似你呀。」

互相屌左幾句之後我地就行下街，唔知點解個感覺好奇怪。

同一個唔熟嘅人出街，但係又可以互相串對方，又唔會Dead air，奇奇怪怪。

阿彤：「喂頂帽好似好靚喎，你覺得呢。」

佢戴住頂帽望住我，好似想我比啲評價佢。

我：「幾靚呀，你戴白色帽個感覺又幾似韓妹。」

人總需要其他人嘅讚美，唔好覺得人地靚都唔應該讚佢，簡單啲講唔好妒忌人。

讚美一直都係增進關係嘅方法，當然係要由心而發嘅，講假話就變左係虛偽同擦鞋嘅表現。



阿彤：「其實我覺得佢襯你多啲。」佢除左然後戴落我個頭到。

我：「係咩，一般般咋嘛。」我照一照鏡，其實都幾靚女。

阿彤：「我一直都唔明點解你着咩都咁靚。」

我：「係咩？咁都係一個字架姐，就係個樣，靚仔光頭夠好靚仔架。」

阿彤：「但係你前三年都個樣都無乜特別架，點解一個暑假就轉變咁大？」

我：「唔話你知。」

睇多一陣衫我地就走去食野，過程仲見到唔少靚仔。



阿彤：「喂九點鐘方向！！」

我：「哇...好似G Dragon呀佢！！你又快啲睇下三點鐘方向！！」

阿彤：「屌！！好撚型呀！！」

女仔就係咁架啦，你估得男仔先係？女仔睇仔都可以好癲，有時仲會偷偷地影仔呀。

睇到着哂火嘅我地，終於行到去餐廳叫野食。

我：「無諗過原來你都咁癲添。」

阿彤：「係我地之前無認識過對方姐。」

我地互相望住對方，忍唔住笑左一笑。



明明係志同道合嘅人，卻偏偏成為不共戴天嘅敵人。

阿彤：「係呢，我前幾日同景雄分左手。」

我：「做得好呀，係咪因為你最後都係頂佢唔順呀？」

阿彤：「嗯，同佢一齊始終都係得性，永遠都無愛，講分手個刻佢仲係到打機。」

我：「呢啲仆街，鬼唔望佢一世都無女呀，唔係，鬼唔望佢屌女屌到生愛滋。」

阿彤：「哈哈，你都係同個樣靚，個心就咁毒辣。」

我：「係咁架啦，唔通仲祝福自己嘅敵人咩。」



阿彤：「不過我想講，搵一個適合自己嘅人真係好難。」

我：「點解咁講？」

阿彤：「唔係咩？性格唔啱唔得、個樣唔OK又唔得、唔夠180cm又唔得。」

我問，為何人總是對自己的伴侶不滿意？

他說，人就是貪心的生物，總是想要一個完美的另一半。

卻忘記一個事實，便是無人完美，只有愛情才能填補人那不完美的一面。