女神呢個稱號令我食左唔少仔(有甜）: 冒險
Love makes man grow up or sink down.「500 DAYS OF SUMMER」
愛情，要麼讓人成熟，要麼讓人墮落。
而我，不但成熟，而且墮落。我就好似18禁薯片，你愈食，就愈辣，但係又恨不得將我全部食哂，最後卻引火自焚。
思思：「哇，今日又有咁多嘅，佢地真係唔會停架喎。」佢講緊我櫃桶入面個啲朱古力同埋情信，啲男仔好鍾意係我返學之前塞哂入去。
我：「真係麻煩，你幫我搞掂佢呀。」我比左幾盒思思，等佢幫我處理哂佢，佢每次都會幫我食哂啲朱古力，但係佢食極都唔肥，真係好撚羨慕。
講一講先，自從個次之後，迪迪好似鍾意左我，我每日都聽到佢係到撩我，又借啲意去摸我隻手，有時你要明白「人帥真好，人醜性騷擾」呢個道理。
但係為左等佢繼續送野比我，我又要扮到好似好有心動嘅感覺，要記住，毒撚總是以為自己好成功，所以你就要比佢覺得自己好成功。
係小息嘅時候，我見無老師，於是就拎部手機出黎睇下IG，睇睇下見到有人DM我，居然呢個時候會有人搵我。
我睇一睇個名，發現係我唔識嘅，即管睇下你小魚定係鯊魚，雖然係咩魚我都未驚過。
I_am_the_shark_：「你好呀，可唔可以同你做個朋友？」典型嘅詐騙集團嘅手法，但係我樂意奉陪。
我：「哦？可以呀，我最鍾意同陌生人做朋友架啦。」我禁一禁入去佢IG，發現一張相都無，佢個頭像仲要係一個黑色眼嘅女仔，見到都覺得心寒。
I_am_the_shark_：「唔好怪我直接，我想問你一陣得唔得閒同我食個Lunch？」你個直接都幾直接下。
我：「咁快？但係我都唔識你，會唔會唔係幾好呀？」雖然我唔驚，但係都要有少少自我防衛，唔係比人捉去輪姦咁點算。
I_am_the_shark_：「所謂：人生就是一場未知的冒險，沒有人會事先知道結局，話唔定你黎到會有驚喜呢。」
我：「咁好啦，一陣見啦。」佢話佢會黎接我，於是我就同佢講左我讀邊間中學，結果，呢場冒險真係夠哂冒險。
放Lunch嘅時候，我同思思講我約左人之後，就行到去學校出面，點知一出到去就見到一架白色嘅法拉利泊左係出面，老實講真係嚇親我。
然後我就見到一個金色頭髮，帶住黑色口罩，睇落去應該得二十幾歲嘅男仔行左出黎，就咁睇有啲似姜濤，都幾靚仔。
shark：「你就係Emily？差少少就忍唔到你呀，因為你真人靚過IG啲相好多。」靚仔講情話總是能挑起女仔的芳心，只可惜我係一個女神，一早就已經見怪不怪。
我：「係咪架？唔好哄我開心喎，你都一樣啦，見你IG相都無張，仲以為你係啲咩怪叔叔添。」我講笑咁講，但係有時講笑都帶認真嘅成分。
shark：「哈哈，你唔比我表面唔似，但係內心其實係架咩？邊行邊講啦我地。」然後我地就並排咁行去食野。
行緊個陣，我地講左好多野，佢話佢係一個富二代，老豆係一個富豪，同李嘉誠仲有合作關係，唔多唔少都令人感歎，有個成功嘅老豆，你人生唔單止贏左一半，可以話贏哂。
而我就求其作啲興趣呀，平時鍾意啲咩，個人背景比佢，欺騙從來都係保護自己嘅最好方法，唔好亂講真正嘅個人資料比其他人。
我：「話時話呀，點解你會主動搵我嘅？我地明明連見都無見過，陌生人嘅關係黎架喎。」
shark：「咁情侶同埋朋友，呢啲都係由陌生人嘅關係去開始架啦，而且無人講過陌生人就唔可以一齊食飯架喎。」
我：「好囉好囉，但係呢個世界咁多女仔，而且你又幾靚仔，肯定唔需要主動搵我，都自自然然會有好多「陌生人」想同你食飯啦。」
shark：「咁都要睇感覺架嘛，我一見到你之後，直覺就話比我聽想同你食飯，所以就即刻搵你囉。」咁嘅大話都講得出。
記住，人地講咩都唔可以亂咁信，呢個世界充滿住謊言，真相一直都只有自己知道，既然你唔知個真相，咁就唔好信。
講下講下，我地就入到去一間餐廳到食野，叫完野食之後就你眼望我眼，如果你唔夠膽正面望人地，咁就代表你已經輸左一半。
shark：「有無人話過你好似一個人？」佢突然開口，個樣仲有少少迷迷惑惑咁。
我：「無喎，咁係邊個呀？」我已經估到佢下一句會講啲咩，我相信你地都一樣，舊招總係有人仲會用。
shark：「我下一個女朋友。」佢微笑咁望住我，雖然係舊招，但係靚仔用總是沒有問題的，如果換係迪迪嘅話，佢實比人笑死。
我：「咦~好衰架你，你咁講人地會怕羞架嘛。」我下意識低一低頭，扮到自己好怕羞，有時我都會覺得自己可以去攞奧斯卡最佳女主角獎。
shark：「你望下個邊。」我拎過去，發現咩都無，於是我又拎返過去，結果比佢用隻手掂到我塊面。
呢招真係令我有少少感覺，令我覺得佢其實係一個高手，有少少似蔡煒燕嘅影子，可惜嘅係青，取之於藍而青於藍，令我有感覺唔代表我心動左。
食仔嘅其中一個秘訣就係，除左講啲情話比男仔聽之後，就係盡量去扮到自己好似好易哄，而唔係對情話絕對免疫，唔係嘅話無人會鍾意你。
食完飯之後，我就諗住同佢講ByeBye，因為都要返去學校到，唔係嘅話遲返去又會比人屌。
我：「好啦，我都要返去先啦，我地下次再見啦。」我拎轉身，行左一步之後，我就唔夠膽再行埋第二步。
shark：「我唔捨得你咁快就走喎，留係到，陪多我一陣先啦。」我好乖咁拎轉身跟住佢行。
因為頭先有野頂住我後面，唔係佢條賓州，而係一把刀。