女神呢個稱號令我食左唔少仔(有甜）: 收兵

若你渴望愛情，那麼別嘗試愛上我，我只是一隻燕尾蝶，我不能為你而停下來，我的一生，每分每刻都是在飛翔。

黎到星期六，我著左一件男仔見到都肯定會拎轉頭嘅真理褲，再加一件白色T-Shirt同波鞋，咁樣已經夠哂令到啲男仔把持唔住。

好快我就見到阿朗，佢係到玩緊手機，佢著嘅係一件波衫，如果其他人見到佢，應該都會覺得佢好鍾意打波而且打得好勁。

我偷偷地行左去佢後面，然後用雙手去遮住佢兩對眼，係男仔都鍾意呢樣野。

我：「估下我係邊個~~估中左比你錫我一啖~~」我有啲後悔講左後面個句，不過都無咩所謂。



阿朗：「聽把聲咁溫柔一定唔係Emily黎啦。」

我：「車，都唔好玩嘅。」我鬆開隻手，扁哂嘴咁樣望住佢，正常人都會以為我地拍緊拖。

阿朗：「咁你講過要算數呀。」佢抬起我個頭，然後咀左落黎，對比起個嗰迪迪，呢啲先係男仔黎架嘛。

我：「咁我地行囉。」我拖起佢隻手，向住戲院嘅方向行。

做女神嘅好處就係，你買野、睇戲、食飯等等全部都可以唔洗自己比錢，就算要，用嘅錢都係人地比你去洗，我開始享受宜家嘅一切。



阿朗話去想去廁所先，於是就比左錢我去買野食，呢個時候你就要買一支汽水，唔可以各有各飲，咁樣亦都係提升食仔嘅機會。

等埋佢去完之後我地就入場，期間我一直都係拖住佢，錯覺，無錯就係錯覺，一種令到佢以為我鍾意左佢嘅錯覺，佢自自然然就會好易心動。

佢同我睇嘅係一套恐怖片，我都已經知咩事，有時你明知道一樣野，但係你都要令到佢發生，去配合，唔係嘅話佢就以為佢衰左。

我：「哇！！！好恐怖呀！！！」我嚇到叫左出黎，我扮自己嚇到叫左出黎。

我叫完之後即刻捉實佢，比佢食下波餅，我感覺到佢嘅體溫有上升嘅趨勢，不過就唔知扯左未呢？



阿朗：「有我係到，有我係到。」咁嘔心嘅說話你都講得出，我差少少就想走人。

佢伸隻右手過黎攬住我，而我就挨落佢膊頭到，佢以為我好專心睇戲，於是就偷偷地摸我個波，但其實我一早就知佢想點。

睇完戲之後，我地行到一間Nike到，我咁啱睇中左對波鞋，呢個時候就要變到好自然，眼甘甘咁望住呢鞋，然後又放返低。

阿朗：「做咩呀？你唔係鍾意咩？點解又放返低嘅？」佢好奇咁問我。

我：「無呀，雖然鍾意姐，但係太貴啦，我無錢買，而且要唔要都無所謂啦。」我拎轉頭準備離開，咁做就會出現你想聽到嘅答案。

阿朗：「唔...一係我送比你啦。」我行埋去佢到，咀左佢塊面一啖。

我：「多謝你。」就咁，我就免費咁獲得一對新波鞋，所以話，比啲男仔抽下水，佢地就會送野比你，事半功倍就係咁解。

跟住佢就帶我去食Lunch，當男仔問你想食咩嘅時候，你就講你想食咩，我地就食咩，咁做會令到你同其他港女顯得特別唔同，佢對你嘅好感度都會跟住上升。



食野嘅時候，最重要就係個食相，唔可以好似餓狗搶屎咁食，這是第一條帶應許的誡命，而且一路食嘅時候，仲要時不時望下佢。

我：「係喎，你鍾意啲咩類型嘅女仔架？」時間都差唔多，係時候加快個進度。

阿朗：「哦？我鍾意啲比較斯斯文文，同我性格差唔多嘅女仔囉，你呢？」我鍾意...嘅類型....？

「一個都無，我已經唔會再鍾意任何人，即刻佢有幾好都一樣，所有男仔都只不過係睇樣嘅低賤生物。」

我：「我鍾意啲比較陽光嘅男仔囉，最緊要嘅佢會好好咁照顧我，而且唔會同其他女仔有曖昧。」我仲要對佢放一放電，係男仔都會中招。

食完飯之後，我地就準備結束今日嘅約會，佢送我行到去巴士站。

我：「今日同你一齊真係好開心呀，你果然無令到我失望呀。」我上前攬住佢，而佢摸一摸我個頭，其實女仔係好憎比人摸頭。



阿朗：「咁...不如...你做我女朋友...好無？」我都預左佢會講呢句野，呢個時候要點做？打電話問朋友？問現場嘅陌生人？

我：「留返下一次...再答你...」我再咀佢一啖，然後就鬆開佢，上車之後再對佢揮揮手。

然後就可以唱出

條女很清楚收兵好過嫁人
真的身份不過女神
只要女神未夠開心
便集齊萬馬千軍