女神呢個稱號令我食左唔少仔(有甜）: 大隻佬

一個普通人，即刻有幾特別，都唔會比人發現或者留意。相反，一個靚仔或者靚女，去到邊都自自然然成為萬眾嘅焦點。

我記得我之前一年都可能只係得兩三個男仔同我表白，宜家變左係個陣嘅十倍都有，所以話，愛情根本可以唔洗講心，你個樣夠靚就已經可以令人鍾意。

真愛呢樣野，我已經睇透哂，人類只係會比外在美所吸引，我之所以放棄愛情，就係因為咁樣，每個人都想屌我，先會話愛我。

蔡煒燕講過：「我地一直都傷害緊人，而係因為我地如果愛左一個人，呢條路就唔洗行埋落去，你會為左佢而停止。」

只有傷害人地，先可以保護到自己。只有傷害人地，先可以令到自己唔會再愛人。只有傷害人地，先可以令到自己唔會再有心動嘅感覺。



我都比好多人傷害過，從來自己嘅痛苦係無人會真正明白，所以，為左自己唔受到傷害，咁傷害人個嗰就係由我黎做。

宜家嘅我，同好朋友思思係小食部一路食野，一路傾計緊，老實講其實思思都幾靚女，不過我記得佢曾經好似比蔡煒燕食過。

思思：「喂你睇下，隔離個啲男仔全部都望哂過黎我地呢到，我諗你已經取代左個嗰上一代女神雯雯啦！！」

我：「邊有咁誇張呀，可能人地係望你唔係望我呢。」有時候，你明知自己係優勝嘅一方，但係偏偏都要扮謙虛，就係為左融入其他人。

當我飲緊我最鍾意飲嘅朱奶個陣，突然有兩個男仔行入過黎，如果我無記錯，其中一個男仔好似係籃球隊隊長，阿朗。



阿朗因為打籃球好叻，個Body又好Fit，唔算話好靚仔，但係佢咁樣都夠佢溝死唔少女，不過我自己就無乜興趣。

另一個男仔係思思耳邊講左幾句野之後，思思就好興奮咁跟住佢走，唔知個嗰男仔係話自己好有錢，定還是話自己有30cm嘅Big JJ呢。

阿朗：「你好呀Emily，介唔介意我坐係到呀？」你都已經坐左落去囉，仲問黎做乜鳩？

我：「哦？我唔介意呀，不過你朋友同我朋友兩個人去左邊呀？佢地仲好似好開心咁樣。」

阿朗：「無呀，我諗應該係約出街玩掛，呀，講起出街，我諗起我有兩張星期六嘅戲飛，不如你同我去睇囉？」



我：「唔要喎，個日我好似要同家姐去買衫。」食仔第一步，就係佢約你嘅時候，唔可以一開波就應承，咁會令到佢以為你好易搞。

阿朗：「咁呀...咁呀...唔...唔唔....」佢dup低頭成個整爛野，但係唔知點樣解釋嘅小朋友一樣。

我：「但見係你，同埋我同家姐幾時都可以去買衫...」呢個時候你就要扮偉大，因為你，我決定推左我家姐咁樣嘅錯覺比佢。

阿朗：「姐係你話你肯同我睇戲呀？好呀！！好呀！！」佢開心到一野就揸爆左支水，搞到成張枱都濕哂。

阿朗：「唔好意呀！！！對唔住！！對唔住！！！」佢伸手比張紙巾我抹手，但係我藉機捉住佢隻手。

我：「唔緊要。」再用一個電死人嘅眼神去望住佢，我終於明白，原來大隻佬都係會怕羞。

我：「我期待星期六，你會比啲咩驚喜我。」我錫左佢隻手一啖然後就走左，其實都幾浪漫，夠哂令到佢暈暈地。

至於思思同埋個嗰男仔，我事後先知原來佢地去左搞野，個男仔話包養佢，所以思思先咁開心。