那些年，我等待的那個男孩子: 林雪凝日記(13)

24-8-2000
今日係補習班最後一日啦，成個暑假我除左溫書同返診所之外，就係同Joanne & Ivana補習，其實去到第三次左右，佢地兩個已經飛甩我幫我同Jonathan製造機會。我真係對佢心動過，有幾次如果佢肯開口嘅話我係會答應做佢女朋友架。
 
但係上次我係維園見返佢，佢一貫係咁嘅笑容，做咩事都係一樣咁盡力，我仲好記得細個點解會鍾意佢架，佢好肯幫人，無論有咩事都好，佢總係第一個企出黎保護大家。雖然我同佢之間而家多左Jasmine係到，我都唔肯定佢地兩個係唔係拍緊拖，但我可以肯定我自己仍然鍾意佢。
 
係Jonathan送我返屋企果時，佢真係對我表白啦。果一刻我有d想應承佢，天使同魔鬼係我心中不停戰鬥。我同其他女仔一樣，係一個青春期少女，對異性有興趣係好正常，加上睇得多愛情小說，自不然會對愛情有憧憬。當時我只要點一點頭，Jonathan呢個咁好嘅男仔就會做我男朋友，係我望住佢對眼，就快俾佢吸走果時，我聽到「天空之城」呢首歌。Pasu係追求夢想而飛行，而佢夢想係做個飛機師，呢個就係我一直都扎麻花辮嘅原因，我想好似Sheeta咁係佢身邊陪伴佢。
 
所以我立即拒絕左Joanthan，始終我心中仲有果個男仔存在，我唔可以接受Jonathan。
 
10-9-2000


今日放學果時，Jonathan黎左學校等我。佢一企係校門就引黎好多人望住，如果我唔去解決呢件事，我諗大家都唔洗放學。Joanne & Ivana帶左好多同學黎陪我，而Jasmine就拖住Miss孔
 
Jonathan咁樣死纏爛打真係唔得，佢捉到我隻手好痛，之後雪晴拎起球拍出黎保護我，Jonathan竟然推跌雪晴，呢個係我心中係死罪黎架!!冇人可以係我面前蝦我妹妹。我咁大個女第一次郁手打人就係今日，我一把打去Jonathan塊面到，呢一次我同佢真係連朋友都冇得做架啦
 
正當Jonathan想纏落去之際，Jasmine帶左兩個樂善堂嘅男仔黎，當我一見到有男仔幫我地果時，我先識放心，因為出黎阻止Jonathan嘅男仔，係上次維園同Jasmine火星撞地球果個，我認得佢地，佢兩個都係阿風d同學。不過最後都係要Miss孔出黎收拾殘局
 
果兩個男同學同Miss孔講左陣之後，佢地就帶左Jasmine走
 
我地返到入學校都俾Miss孔問左好耐，好彩佢今次話我地冇做錯，唔會紀錄在案
 


估唔到Jonathan係咁嘅人，如果我當初應承佢做佢女朋友真係唔知會點啦