那些年，我等待的那個男孩子: 57

「冇錯，所以詩敏契家姐就係程逸怡，佢契哥，就係妳一直好想見嘅人，程逸風」
 
「所以…舊年Jasmine就係去左HKU student hall到住?」
 
「冇錯，佢地兩姊弟近年來都係住係hall到，兩個除左讀書之外，都係hall到玩到癲哂，差d走到去墳場玩，我有時俾佢地激死」
 
「但係…佢地唔住返屋企?」
 
「呢層…關於佢地屋企私隱，我唔太方便講」
 




「我明嘅」
 
「至於詩敏呢，佢係有鍾意嘅男仔，呢層我好清楚，佢會唔會一廂情願或者佢最後嫁到俾人呢，就係睇妳啦Jessie」
 
「我?Jasmine終身幸福係我手上?」
 
「可以話係，我只可以透露咁多，將來佢要同妳爭嘅話，我會保持中立」
 
「Miss孔，妳唔好咁講，我自己都有鍾意嘅男仔…只不過係….咦…?」我望一望Miss孔，佢都知道我發現左果樣野
 




「Jessie妳係聰明女，妳應該知道左詩敏鍾意嘅係邊個」
 
我點一點頭「所以…上次係維園…佢想好快咁趕我走…就係唔想俾我同佢相認?」
 
Miss孔微笑對住我「後生仔女嘅野，我唔會干涉，妳就好好地跟我學煮飯啦」
 
「知…知道」
 
然後我終於見到我地學校歷來家政最強廚神，孔美玲老師嘅功力，佢係當年家政學會主席，每次家政都係滿分，犀利，刀法一流，雖然話近年請左姐姐幫手，係屋企少左落廚，但係佢嘅功力真係一流，可以話係廚藝高手。佢比我更快煮好飯，我由一個主廚，變為Miss孔嘅助手
 




然後，佢用獅哮功叫哂全班返黎食飯，大家望到一檯餸後，都對我報以佩服眼光
 
「唔好望住我呀…係Miss孔煮架」
 
「食完飯之後，妳地集體洗碗」
 
「洗碗?」大家都好驚訝
 
「定係妳地想做英文Past paper?」
 
食完飯後，大家都去哂洗碗
 
「估唔到恐怖雞煮野食咁好食喎」 「咁妳係咪想日日佢煮俾妳食?」
 
「Jessie妳係咪受到恐怖雞廚藝上嘅真傳呀?」




 
「下…佢…有教我兩手嘅」
 
「Jessie妳同恐怖雞好好傾喎，莫非…佢想妳做佢新抱?」
 
「痴…痴線啦，咩新抱呀…Miss孔得Jasmine一粒女架咋」
 
「不過Jasmine唔係話佢自己有個契哥架咩?佢咪即係恐怖雞契仔囉，哦…Jessie妳唔乖啦，不知不覺咁樣攻陷左恐怖雞」
 
 「邊…邊係呢…我連Jasmine個阿哥都未見過」
 
其實我係未見過而家嘅佢者，如果佢真係住我屋企附近，我都應該有機會係街上撞到佢嘅
 
聖誕過後，好快好快就到AL，代表會考即將來臨，study leave嘅時間，我每日都返學校圖書館自己溫書，唔知點解，我係慣左扎住對孖辮先溫到書，唔知你而家溫成點呢?