那些年，我等待的那個男孩子: 56

Miss孔為左幫我地一班同學減壓，大約聖誕節前，佢特意安排左一個3日2夜嘅宿營俾我地。而個地點，就係我小學嘅畢業宿營果個營地，為左真係俾我地減壓，每個同學可以帶一位朋友或屋企人去，結果我帶左雪晴去，Ivana之前提議帶樂善堂班男仔去架，但係因為我地咁多女仔關係，所以我地否決左，但係一個宿營，冇男性幫手係好麻煩，所以我地就由Miss Lee做誘餌之下，呃左體育張sir去camp，冇辦法啦，想娶Miss Lee就先要過我地果關
 
「林雪凝!!!!!!」Ivana拎住條水喉追住我噴，佢真係傻傻地架!!!天氣咁凍仲玩水!!
 
「好啦!!!喂!!!!天氣凍呀!!!唔玩啦」真係走慢d都俾佢淋到全身都濕
 
「喂~Jessie~妳鋤dee俾我地大炒喎，妳唔接受懲罰點得架」
 
「咁妳地幾個想罰我d咩呀?」Ivana諗出黎嘅一定唔係好事
 


佢地成班將我安排左去廚房，要我煮飯俾全班食
 
「拿Jessie!!呢到有菜有蛋有蝦有肉有米有蜆，今晚果餐就交俾妳啦」
 
「我一個人煮呀??」
 
「如果唔想煮就俾錢啦，妳輸左成300隻，每隻一蚊妳都死啦」
 
「咁我煮啦…不過有冇人會幫我手呀?」
 


「冇」佢地成班好快就走哂
 
正當我煮得如火如荼之際，Miss孔就入左黎
 
「Jessie妳一個人煮得哂?」
 
「Miss孔?我一個人搞得掂架啦，妳可以放心」
 
Miss孔望實我煮飯嘅樣，我有d唔慣
 


「Jessie點解妳會學煮飯?而家好少女仔肯煮飯，我叫詩敏去學煮個公仔麵佢都話唔制，我真係擔心佢嫁唔嫁到人」
 
「其實係我鍾意煮飯者……Miss孔我有樣野想問妳好耐，但又關於妳屋企嘅事…所以…」
 
「冇所謂，妳可以問架」
 
「其實有傳聞當年妳小產左幾次先可以生到Jasmine，妳當佢寶貝咁睇，妳舊年點解可以咁狠心趕佢出屋企?妳唔會擔心?」
 
「呵呵，我當然係知道個女會去邊我先會咁做。冇錯，當年我流產三次，我先陀到詩敏呢個女，陀佢果陣又有兩次差d小產，我食好多藥住好耐醫院佢先可以平安出世，就係佢差d小產，我先當佢如珠如寶，當年醫生話再小產就冇機會生小朋友，我先生話生仔生女冇所謂，唔生都得，但係唔生小朋友，就唔係一個家庭，Jessie妳明唔明?」
 
「我明…所以我將來都想生小朋友」
 
「舊年，我一趕詩敏出門口果時，我就知道佢會去邊、搵咩人、去邊到寄居，果時佢只可以去契家姐到住，所以我先放心趕佢出門口」

「所以…Jasmine果排咁靜?」


 
「冇錯，妳都應該見過，佢放學果時有人接佢走啦，係咪?」
 
「係…有一大班男仔接佢走。但係點解Miss孔妳又會俾Jasmine繼續拍拖…仲…去人地屋企過夜?妳唔怕佢…」
 
「拍拖?詩敏冇拖拍喎，我只係知道佢有男仔追緊，妳幾時見佢拍拖?」
 
「暑假果陣…我補完習…同上次個DB仔..佢送我返屋企時，我見到Jasmine雙手撓實個男仔，仲挨住佢膊頭，然後聽到佢話…妳俾佢去人地屋企過夜…所以…我果陣有d擔心佢嘅」
 
Miss孔聽完之後就笑左出黎
 
「Jessie，妳真係好留意人，暑假果陣呢，詩敏的確係經常係外邊過夜，只不過佢去親都係同一地方，佢契家姐屋企，而果陣佢撓住果個男仔呢，係佢契哥」
 
「Jasmine契哥….即係…」
 


「妳唔記得左?妳三年級果時已經遇上佢同詩敏」
 
「當日…果個小妹妹就係Jasmine?」