那些年，我等待的那個男孩子: 42

返到屋企打開電腦，已經見到Jonathan add左我msn，而我同佢都開始傾計
 
佢同我一樣係理科人，不過佢入u想讀Global business，想出入CBD做財經界鉅子。其實個個人都有目標係好事，總好過一條咸魚咁
 
我同佢由普通學校事，傾到學校是非，開始慢慢傾心事。原來佢係獨生子，所以屋企對佢期望好大，而且佢係傳統名校，同學之間會好大比較，有時口和心不和，除左陳庭佳之外。
 
「Jessie妳地女校就好啦，可以成班同學咁老友」
 
「其實我地學校好多圈子架，只不過我唔去理佢地之嘛」
 




「例如?」
 
「好似有D有男仔追嘅同學，係學校就好高調,引黎唔少同學羨慕,又有D大胸同學成日教個胸出黎果D囉」
 
「妳唔係講緊Joanne呀?」
 
「Joanne佢有男仔追，不過佢好低調架，而且佢都唔鍾意人地，所以咪冇理到佢地囉」
 
「咁妳呢?妳都好似好多人追喎」
 




「我呢d村姑邊到會有人追呀haha」
 
「妳邊到係村姑者」
 
「你咪聽Ivana講啦，我之前係有人追嘅…不過我都唔鍾意佢，咪拒絕左人地囉」
 
「咁妳心中嘅對象要有咩條件呀?」
 
「唔…對我好，唔好呃我囉」
 




「咁妳拍過拖未呀?」
 
「當然未啦，你呢?有冇對象?」
 
「我呀?之前試過一次囉，不過三個月左右就分左手啦」
 
「因咩事呀?」
 
「唔知呀，死左都唔知咩原因」
 
我地兩個係暑假經常傾計，有時補完習之後，Ivana同Joanne會走先，掉低我地兩個人。同Jonathan相處時其實好舒服，今日補完習後，我地兩個約左行街