那些年，我等待的那個男孩子: 41

「喂!妳兩個咁好傾呀?」
 
「咁…妳地又掛住睇野」
 
我睇一睇錶「呀…我差唔多要返診所幫手啦，要返屋企換衫先啦」
 
「Jessie妳咁樣落診所唔得咩」
 
「妳地有冇見過診所姑娘著涼鞋開工丫」
 




「Jessie妳仲要做兼職呀?」
 
「唔係啦，佢爸爸係醫生，開診所。」
 
「咁妳地係咪一齊返去?」
 
於是我地幾個就一齊返去，而Jonathan就好有風度咁送我地幾個走，但當我換好衫落樓之後，就發現佢仲等緊我
 
「你仲唔返去?」
 




「都要送埋妳去診所架嘛」
 
佢送埋我入診所果一幕，就俾Ivana同Joanne望到，當佢走左之後，佢地就衝入診所
 
「嘩!妳兩個唔舒服呀?一齊黎嘅?」
 
「佢送埋妳返診所喎，係咪有機會發展呀?」
 
「普通朋友者，咩有冇機會發展」
 




「但妳好似都有d意思喎」
 
「邊係呢…」
 
「對人有好感?」
 
「咪理啦」
 
「哎呀~終於大個女啦」
 
「妳地係咪想打針呀」
 
「唔係」
 
佢地好快就走左，其實Jonathan係幾好嘅，有冇機會發展下?又唔可以話冇嘅




 
「姑娘姐姐唔該」
 
「係!睇過未?電話?洗唔洗探熱?好，坐低等陣啦」
 
「林醫生呢到d姑娘姐姐咁靚嘅?」
 
「呢個係林醫生個大女黎架」
 
「上次係到搗亂果個姐姐呢?」
 
「果個係細女」