那些年，我等待的那個男孩子: 40

第二次補習果日，天氣好熱，所以我決定著背心短裙加涼鞋出去啦，不過我都帶定件褸上堂用
 
果然我地一入到課室，上次想識我地果幾個男仔已經坐左係我地附近
 
「嘩…Jessie妳今日咁進取呀?背心短裙涼鞋，唔似妳喎」
 
「咁天氣熱嘛…我又唔係專登露肉」
 
「妳都露下對C奶出黎啦」
 


「唔露呀」
 
好快補習天王又入黎，大家又繼續上堂，但係今堂開始，已經有男仔瞭佢地兩個講野啦。落堂果陣，佢地已經同男仔傾去邊到飲野，所以佢地就拉埋我去
 
「下…我都要去?」
 
「幾位男同學，呢個呢係Jessie，係我地學校長年模範生加全級第一，標準村姑代表」
 
「唔係呀，Jessie佢幾靚女呀，呀…我係DBS嘅Jonathan ，妳好」
 


「蝦…蝦佬」
 
「Jessie妳好好同人相處下啦，知唔知?」
 
「咪…咪亂講啦」
 
其實第一眼見到呢個男仔，佢都唔差嘅，經常微笑，上堂又靜又專心…唔…當識個朋友囉，冇壞嘅
 
我地幾個人一齊去食飯，順便行下街。Joanne同Ivana真係好似做媒人咁，係咁係到將我同Jonathan拉埋一齊，佢地唔記得佢地兩個同我一樣都係A0咩?
 


佢地兩個係到睇衫睇鞋，將D衫係咁比較，而我就每次都負責俾意見
 
「Jessie妳唔去揀衫?」Jonathan對於我唔去揀衫覺得有d意外
 
「我?我好少買衫，呢到d款唔啱我」
 
「妳今日…都著得唔差呀」
 
「我…平時好少咁著…今日太熱…所以先著成咁出街，平時我真係成個村姑咁架」
 
「村姑?點解咁講呀?」
 
其實要解釋自己點解叫村姑又真係幾….
 
「因為我經常都係睇書呀…溫書呀之類…好少參加課外活動，最多體育堂打下波」


 
「咁妳係文靜者，唔係村姑」
 
「咁有時我又係屋企煮飯…我地班同學已經好少會係屋企自己煮飯…」
 
「識煮飯嘅女仔，而家好少有啦」
 
「你讚緊我呀?」我笑住咁同佢講
 
「係呀，妳好叻」
 
「你過獎啦」
 
我同Jonathan傾得好開心，所有事都逃唔過Joanne雙眼