那些年，我等待的那個男孩子: 31

「Helen，妳講佢知當年我點教妳地，做錯事要點」
 
「Jasmine，妳媽咪當年教我地成班，做錯事要大聲道歉，承認自己做錯。認錯唔係男人專利」
 
「對唔住呀媽咪…我以後唔敢啦」Jasmine偷偷泣泣咁細聲講
 
「大聲d，我聽唔到!!!」Miss孔好大聲咁講，全校目光集中係我地幾個身上
 
「獅哮功呀Jasmine，妳係佢個女，妳一定識」我細細聲係佢耳邊講，我真係想知佢有冇得到恐怖雞嘅真傳，係，我今次比較貪玩
 


佢吸左一口氣，用佢媽咪招牌嘅獅哮功大聲講左所有事出黎，原來佢真係獅哮功傳人黎
 
「對唔住呀媽咪!!!我以後都唔敢瞞住妳同男仔拍拖架啦!!!我求妳俾我返屋企啦!!!我係外邊一個月….我知錯啦!!!」講完之後，就係Jasmine悟住面嘅喊聲，係大聲到全部人都聽到，同時亦話俾全校同學知，恐怖雞個獨生女，小恐怖雞就係佢
 
“佢係…恐怖雞個女?” “小恐怖雞?” “佢將自己個女趕出屋企一個月?” “好恐怖呀…”
 
「媽咪….我求妳俾我返屋企啦……」Jasmine仍然悟面喊緊，俾媽咪趕出屋企成個月，真係好慘嘅，所以我都幫佢求情
 
「Miss孔，我諗Jasmine真係知錯架啦，妳就原諒佢一次啦」
 


係呢個時間
 
「Miss孔!」係一個素未謀面係同學
 
「點樣!!!!!」Miss孔以獅哮功回應，但係呢位同學竟然唔怕，仲反擊
 
「妳囡囡已經知錯啦，如果唔係佢就唔會係咁多人面前同妳道歉同喊，希望妳以媽媽角度出發，我地任何人都犯過錯，只要知道自己錯咩，唔好再犯就得，我相信妳囡囡已經受到教訓，妳就原諒佢一次啦」
 
「Miss孔，原諒Jasmine啦」有好多同學附和
 


恐怖雞靜左一陣…
 
「Jessie!!過黎」
 
「係!!」
 
「我個女所犯嘅事，係學生之中我希望只有妳一個知道，我唔想佢俾男仔摸均全身嘅事俾任何學生知，有冇問題??」
 
「係…我知道…」
 
 
終於，恐怖雞肯原諒自己個女，我睇得出佢真係好緊張好錫Jasmine，恐怖雞係一個好媽媽，一隻好母雞
 
 
「我知錯啦媽咪……」


 
「姐姐帶妳返屋企先，今晚我先再慢慢教訓妳，Jessie，妳地可以放學」
 
「知道…Jasmine，妳要乖乖地啦，妳有哥哥同姐姐咁錫妳」
 
「知道Jessie姐姐」
 
正當我轉身走果時，Jasmine叫停左我
 
「Jessie姐姐!!」
 
「係!!咩事?」
 
「我…我唔會輸俾妳…」
 


「唔?發生咩事?」
 
「遲d過幾年…我好大機會…會同妳爭一樣野… …雖然我知妳一定會贏我…但我唔會認輸架!!」
 
我微笑左一下「咁我等妳向我挑戰啦」
 
當我行返去Joanne佢地身邊時，佢地都非常八掛，我地返屋企時佢地不停咁問我
 
「Jasmine真係恐怖雞個女?」 「因咩事俾恐怖雞趕出屋企呀?」
 
不過我應承過Miss孔唔會講件事出黎，就一定唔會講，講左嘅話我怕我連命都冇
 
Jasmine同恐怖雞兩母女，應該同佢屋企有關係…因為當時，Jasmine契家姐企左係佢身邊，佢叫程逸怡