那些年，我等待的那個男孩子: 30

「Miss孔，呢位同學想同妳認錯，希望妳可以原諒佢」今次我真係坐係超等席到欣賞獅哮功啦，因為Miss孔嘅殺氣不停咁傳出黎，睇黎Jasmine一定係犯左超級大錯
 
「Jessie妳同Helen企係到做證」
 
「知…知道…」
 
同時間，我地位大師姐Miss Lee都開口啦，終於，Jasmine嘅迷團終於解開啦
 
「Jasmine，我同Jessie姐姐都係到，妳有咩要同媽咪講架?」
 




「媽咪?Jasmine…妳係…」原來我眼前呢個小妹妹，就係Miss孔最錫嘅獨生女。我望清楚少少，佢地兩母女真係好似樣，如果將Jasmine條辮拆落黎，佢基本上係後生版嘅Miss孔，當年被稱為校花嘅Miss孔，原來佢個女都係咁靚
 
「冇錯Jessie，呢個係我獨生女，我嘅心肝寶貝、掌上明珠，Jasmine妳講俾姐姐聽妳做錯d咩」
 
「我…瞞住媽咪，同男仔拍拖，俾佢係街上邊摸我屁股同個胸…果時我仲著住校服…」
 
「Miss孔…咁樣…」我聽一聽發生咩事之後，都唔知點反應，因為呢個真係好大好大嘅錯，係嚴重影響校譽嘅事
 
「Jessie妳身為學校模範生，妳覺得應唔應該原諒佢?」
 




「Miss孔…我認為…Jasmine係一時好奇，細路女剛入青春期係會反叛d，以老師角度，應該要俾教訓佢，以媽咪角度…可以俾次機會囡囡」
 
「我已經將呢個女趕左出屋企一個月，妳認為罰得夠唔夠?」
 
一個月?將自己個獨生女趕出屋企一個月?叫佢係恐怖雞都真係益左佢啦，仲要用藤條打?我拉一拉高Jasmine條裙，的確仲見到少少未散嘅藤條印，究竟佢用藤條定棒球棍打個女?
 
「夠啦Miss孔，佢應該會知錯架啦，而且妳仲用藤條打左佢一身，Jasmine快d同媽咪道歉啦」
 
「大師姐，Jasmine應承哂所有老師架啦，妳念在陀佢咁辛苦，念在Sally姐姐份上，妳原諒佢一次啦，佢日日上堂都專心唔到，妳以前做我班主任果幾年，我見住妳有幾唔開心，到妳陀住Jasmine果陣妳好小心先可以生到佢出黎，我地成班同學都當佢親生妹咁睇，妳就當俾個面子我地呢班學生，原諒我地個妹妹好嘛，我地成班教職員都簽哂名原諒佢架啦」
 




Sally?我腦中再響起當年小學果句
 
“我地英華女校出黎嘅人，唔會咁易就會被失敗打低，Sally非常堅強，佢要樹立榜樣俾對仔女睇”
 
唔通佢父母同恐怖雞有咩關係?等等?Jasmine叫張詩敏，當年係小學門口……
 
「我叫張詩敏，今年5歲，讀K3A班」
 
唔通呢個女仔…就係當年果個小妹妹?