那些年，我等待的那個男孩子: 22

「各位同學，有冇信心挑戰我地學校歷來最多A嘅校友呀?」
 
「Miss孔…學校只俾我地報8科……我地想挑戰DGS同協恩都唔得…」
 
現場傳來一片埋怨聲
 
「嘩…成班食錯藥呀?」「唔知呢」
 
「我地學校想低調少少，唔想太出位」
 




「Miss孔，咁我地學校最多咪得8A，點會仲可以多D?」
 
「我指妳地A-Level時挑戰，係，妳地而家只可以報8科，但係...廿幾年前，我地學校係有一個9A狀元黎左入讀，佢係我同班同學，仲係一個外校生」
 
聽到恐怖雞咁講，大家都非常驚訝，我地個大師姐，恐怖雞都會輸俾一個外校生，係台下有同學靜靜咁講
 
「咁佢咪係超級恐怖雞囉…」台下有同學不停偷笑
 
「咳咳!!!」恐怖雞即將發言
 




「冇錯，我地學校最高紀錄係9A升預科，係外校生，最重要嘅係…」
 
大家靜靜咁期待恐怖雞講野
 
「佢係一個男仔，係我地學校嘅女校男生」
 
恐怖雞咁講，全場只有一個字講出黎
 
「下」之後就靜哂
 




「希望大家可以打破佢A Level全A紀錄入U啦」
 
「Miss孔」
 
「咩事」
 
「果位同學…叫咩名…佢而家做緊咩?」
 
Miss孔面有難色，好似唔太開心咁
 
「佢姓程，Tony程，程偉忠，不過佢係7年前已經過左身」
 
Tony? 我突然回想起當日係小學教員室聽到嘅說話
” Tony果時都好堅強咁作戰，雖然佢輸左，但佢係作戰到最後一刻”
 




我地返到課室，收埋通告，就落左去Starbucks坐低飲野
 
「丫…妳估恐怖雞果陣係咪暗戀果位9A狀元?」
 
「不過竟然係外校生，仲要係女校男生」
 
「所以佢咁先吸引到恐怖雞囉，妳地估佢係唔係恐怖雞個老公?」
 
「點會呀!!!公雞經常黎接恐怖雞放學架，咁多年都冇死冇換過人，係換車者」
 
「9A狀元咁就冇左，好可惜」
 
「妳地估下我地果年會唔會有女校男生丫」
 
「有嘅話我實玩殘佢!!!」




 
「例如?」
 
「除佢條褲將佢下邊拉長打結!!」
 
「嘩…如果佢好短呢」
 
「彈JJ遊戲!!!!」