《我用廣東話征服世界》第一季 已完結: 第一百二十四篇 謊言
鳩背著背囊休閒地和啊花散著步，入晚後的後山有點涼風陣陣。
「乞嗤～！」啊花抱起手臂擦擦鼻子，有點著涼了。
「嘩⋯洗唔洗俾件衫你著下啊？」鳩放下背囊，伸手入去巢來巢去。
「吓⋯唔洗好小事啫⋯⋯」啊花擦著鼻子說，突然癢癢的感覺又來了⋯⋯
「乞嗤～！」啊花揞住鼻子又噴了出來。
鳩笑了笑，然後拿了件外套出來：「嗱～著住佢啊！」
啊花皺起眉頭看著他手上巢掹掹的黑色外套有點嫌棄：「唔要呀⋯⋯」
「著啦～」鳩把外套掛在她身上。
「喂！唔鬼要呀！！！」啊花煩躁地撥開他的外套，生氣地走咗去。
「喔？」鳩愕然地嚇了一跳，乜我件衫好柒咩？
他摸不著頭腦，然後執起外套跟上了啊花。
可能她本來就是個獨來獨往的女孩子，很不喜歡受人恩惠，鳩猜是這個原因。
鳩趕上前跟在她身旁，偷看到她板起了臉，受冒犯的樣子。
「哎吔～最佳拍擋喎，唔好嬲好喎～」鳩輕輕拍拍她的肩頭開玩笑的說。
啊花怒盯了他一眼，反駁地說：「咩最佳拍檔啊！識你唔係好耐咋喎！」
「咁⋯好朋友囉～」鳩尷尬的笑說。
「收皮啦，咩都唔係啊！」啊花反了白眼，生氣地說。
「⋯⋯⋯」鳩驚愕地看著她：「居然係咁⋯⋯」
「俾我知係邊個寫嘅！我一定捉佢出嚟打鍋甘！」少年A生氣地踢向地上的石頭，激動地說。
「算啦⋯由件事就咁完啦⋯⋯」少年C害怕地說，他被那封血信嚇破膽了。
「好似就係佢地三個喎⋯⋯」鳩遠遠的看著他們三人。
啊花拿了公文袋裏的相片出來，看了看：「應該就係啦⋯⋯」
鳩放下背包，低著頭在背囊裏巢來巢去。
「你搵咩呀？」啊花好奇地問。
「我把刀仔囉～」鳩起勁地巢，但不知為何找極都找不到。
啊花反了個白眼，然後就沒有理會鳩，自己行了上前。
「喂⋯⋯嗰邊有個人行緊過嚟喎⋯⋯」少年B看到啊花惡煞的盯著他們，一步一步地行近。
「應該係行過啫⋯⋯」少年A皺起眉頭地說。
「唔係掛⋯⋯依個鐘數？」少年C疑惑地問。
「好似係嗰幾靚嘅女仔嚟喎⋯⋯」少年B瞇著眼睛，看得更清楚了。
「但係好奇怪喎⋯⋯」少年C有點作賊心虛的感覺。
「你驚死佢係寫信嘅人咩～」少年B開玩笑的說。
鳩找不到刀，但見啊花越行越近他們就連忙背起書包跑上前。
「喂⋯後面仲有個男人跑緊過嚟喎！」少年C慌怕起來，縮到少年A身後。
少年A感覺有點不對勁：「喂！咩人呀你地係！？」他對著啊花大聲吼說。
從樹林裏有對紅眼睛看著，他認真地看著這三個少年在死前的最後時刻。
「止める。」啊花直接用日文言靈把他們三個停在原地動彈不得。
「咩⋯咩事呀？」少年C嚇了一跳，身體突然動不了。
「嗯！係言靈嚟架。」少年A用力地掙扎著，也完全無能為力。
啊花見他們三個是毫無還手能力的小混混，心裡開心了一下，這次任務真是輕鬆。
「想點呀你！？」少年B驚嚇地問。
啊花沒有理會他，從衫袖裏拿了把靚靚的匕首出來。反正她的任務只是殺了他們三個，再把他們的人頭帶去明宴會。
「咪住呀⋯⋯」鳩衝上前，叫停了啊花。
「咩事呀你又！？」啊花不耐煩的怒盯著鳩。
鳩拎轉身看著他們三個，神色凝重地問：「你地係邊個搞到啊樂自殺？」
「你係咪白痴架！鬼會同你講真話咩～」啊花無奈地反了個白眼，就覺得鳩特別黑人憎。
「唔係我呀！」少年B嚇到馬上否認，冷汗也流了出來：「係佢啊，佢日日搶晒啊樂啲食飯錢去玩！」他看著少年A無辜地說。
「仆街⋯⋯你影佢裸照要䝱幫你偷拍啲女裙底喎！」少年A推卸責任地說。
「係你指示我影架！」他們兩個一直互相推卸著，啊花越聽越嬲，一話不說就行上前一刀插落少年A的頭上。
嚓⋯⋯⋯
「呀！！！」少年B嚇得尖叫，連尿也瀨了出來。「你地仲做咗啲咩衰嘢呀！？」啊花拿著刀指著他們兩個還未死的少年，嚴肅地問。
「無啦⋯⋯無啦⋯⋯我咩唔知啦⋯⋯」少年B嚇得眼淚也流了出來。
神秘婦人看到少年A被殺害時，心頭如同放下了其中一舊恨石。
「罪無可恕⋯一定要殺埋依兩個⋯⋯特別係迫死我個仔嗰個賤種！」神秘婦人咬著下唇痛忍眼淚。
「咁你呢？你做過啲咩？」鳩好奇地問少年C，看他膽怯懦弱的樣子很難想像他會欺凌人。
「我⋯笑咗佢個樣⋯⋯」少年C嚇壞地說。
「係得咁多？」鳩皺起眉頭黑人問號。
「我唔敢架啦⋯⋯嗚嗚⋯⋯我貪好玩先笑佢架咋⋯⋯我唔知佢會自殺架⋯⋯嗚嗚⋯⋯」少年C突然乸埋口面暴喊，可憐得鳩也有點同情。
鳩看了看瀨完尿在痛哭的少年B，剛才不斷出賣朋友的他又沒有說什麼少年C的衰事⋯⋯
看來這個少年C真的是有點無辜。
「花⋯⋯不如唔好殺依個啦，佢好似唔係好關事。」鳩凝視著啊花問。
啊花皺起眉頭，理直氣壯地說：「殺啊，佢看到我地個樣架啦，就算無辜都要殺～」
「吓⋯⋯」鳩愕然。
「唔好啊⋯⋯嗚嗚⋯⋯我發誓我唔會講出去架⋯⋯」少年C緊閉起雙眼，哀求地說。
「我都知錯架啦！！！放過埋我啦⋯⋯」少年B又哀求地說。
嚓！！！
啊花順手的一刀插落少年B的頭頂，冷冷地說：「你一間負責鋸佢地個人頭返去啊！依兩個都係我殺架！」
嚓～她拔出插在少年B頭上血淋淋的匕首，拋到鳩腳邊，無情地說：「快手搞掂埋佢。」啊花已經不耐煩無眼睇了，就行去河邊用清水洗乾淨手上的鮮血。
鳩猶豫不決的執起小刀，凝望著慘哭的少年C不忍心殺掉佢⋯⋯加上他還很年輕⋯⋯
「嗚嗚⋯⋯嗚嗚⋯⋯」
「仲有依個賤人！最要落地獄就係佢⋯⋯」神秘婦人緊緊按著胸口，捵緊衣領紅著眼睛。
「唉⋯⋯你走啦⋯⋯」鳩真是完全下不了手，嘆了口氣說。
少年C還在哭泣，但嘴角微微上揚的奸笑。
嘿⋯依個殺手真係蠢⋯⋯
「嗚嗚⋯⋯我真係知衰架啦⋯⋯多謝你啊⋯⋯」少年C的身體被鳩恢復能郁動了，他抹一抹臉上的眼淚說。
鳩偷看一下啊花離他們遠遠的在沖手，有點心虛地說：「快啲走啦⋯⋯」
「嗯⋯我知啦！」少年C才鬆了一大口氣，就嚇得慌忙急急腳地逃走。
他害怕鳩會知道他在裝無辜⋯⋯
「喂！做咩俾佢走啊！！！」神秘婦人驚愕大嗌，嚇了鳩一跳，依到仲有其他人？
啊花連忙探頭去看到底發生什麼事情。
只見少年C背著鳩亡命狂逃，而遠處有個女婦人躲在樹旁大嗌。