《我用廣東話征服世界》第一季 已完結: 第三十五篇 收集人腦的女生

鳩一邊走一邊睇下啲相，鳩睇到個心有少少拿住拿住。
啲相真係好鹹濕，相中嘅禮行表露出好幸福嘅表情。
鳩一諗到禮行同四眼仔以前嘅關係咁親密，就唔忍心再睇落去。
鳩袋埋啲相入褲袋，
「到底佢地咩事變到宜家咁呢⋯」
「個四眼仔講個明宴會大佬又係邊位呢⋯？」
鳩發呆思考著⋯不知不覺就去咗一層唔知咩地方，鳩望一望門邊寫著地下3樓。
正當鳩打算推門入去嘅時候有個女仔嗌停佢。
女仔：「喂！依到唔入得去架～」
鳩嚇一跳：「吓？點解嘅？」


女仔：「入面研究所嚟，得幾個人可以入去架咋。」
鳩黑人問號望一望對門：「原來係咁⋯」
依個女仔都幾得意，清純溫柔嘅感覺。
女仔：「係呢～你咁新面口嘅，你叫咩名啊？」
鳩r一r頭：「我叫鳩，新嚟無耐。」
女仔：「我叫啊寶啊！」
鳩心諗：「依個啊寶睇落去幾正喎⋯⋯」
鳩：「係啦啊寶！我個問題想問你啊！」
啊寶：「咩問題啊？」
鳩：「知唔知邊個係大佬⋯？」


啊寶見到鳩咁無知嚇左一跳：「你連首領都唔識？」
鳩：「係啊⋯」
啊寶：「嗱，明宴會最大就係首領，然後副首領，長老，成員。咁你就係成員囉。」
鳩聽到一頭霧水：「咁點先做到首領？」
啊寶笑咗一笑：「無咁易架～你嘅言靈可唔可以改變到世界？」
鳩：「吓？改變世界？」
啊寶：「係啊，如果得就可以做首領啦。」
鳩更一頭霧水：「有乜言靈可以改變世界啊？」
啊寶：「我地首領係世界上第一個成功用英文言靈傳送人嘅人，所以做到首領。」
鳩慨嘆一聲：「原來係咁⋯⋯」


啊寶：「咁我走先啦！拜拜～」
鳩：「嗯～得閒再講啦！」然後就返出去搵禮行。鳩：「我嚟啦！」
禮行好似無咩心情：「我地出去行下啦⋯⋯」
鳩：「哦⋯」其實鳩知道禮行煩惱緊裸照嘅事，所以鳩係嚟之前已經燒晒啲相。
鳩見禮行唔開心就試下講爛gag：「我考下你啊！你知唔知世界上咩動物最串啊？」
禮行諗咗陣：「貓？」
鳩：「唔係～」
禮行：「熊貓？」
鳩：「都唔係喎～」
禮行：「唉～諗唔到啊⋯⋯」
鳩：「係羊啊～因為咩啊咩啊！」
「哈！哈哈哈！」兩個人不約而同笑出嚟，禮行心情好似好返點。
鳩：「係啦⋯今日任務係咩啊？」
禮行：「陪我囉～」
鳩自信滿滿咁講：「咁好易啫～」


禮行：「你唔洗返去搵女朋友咩⋯⋯」
鳩突然醒起：「係喎！」
禮行：「你好幾衰囉～連女朋友都唔記得～」
鳩：「一時得意忘形啫～」
禮行好奇咁問：「咁⋯你會陪我定返去陪你個童童啊⋯⋯？」
依條問題同啊媽跌落水一樣咁難答，鳩error 404就索性唔答扯開話題。
鳩：「咦！今日天氣幾好喎！」
禮行：「仆街仔～我知你會揀童童啦～」
鳩：「都唔係嘅⋯有時間一定會陪你架⋯」
禮行：「算啦～～～講返正題先，今日要去殺個女人。」鳩愕然睜開眼睛：「女人？點解要殺佢？」
禮行：「佢之前係明宴會嘅成員嚟⋯後來偷咗一啲嘢逃走左。」
鳩無法接受：「吓⋯咁就要殺佢？攞返啲嘢咪算囉⋯」
禮行：「我諗真正殺佢嘅原因係佢嘅特殊癖好⋯」
鳩不解問：「咩特殊癖好⋯⋯？」
禮行：「收集人腦。」


鳩難以置信深深吞一啖口水：「收集⋯人腦？」
禮行：「你睇吓啲相你就明架啦⋯⋯」
禮行從衫袋攞左幾張相出嚟，數具男屍體攤倒在地下，雙目無神，後腦開了個大洞，裏面血肉模糊，數隻蒼蠅黏在血淋淋的後腦骨上。
鳩當場反胃把剛才的食物都嘔出嚟，這個畫面不是一般人能受得了。

禮行遞樽水比鳩：「點啊你⋯飲啖水先繼續？」
鳩飲著水：「嗯⋯嗯⋯嘿～咁佢人宜家係邊？」
禮行：「跟我嚟啦，我地直接上佢屋企。」
鳩跟著禮行去到一座平庸的公寓，公寓大堂的燈光給人一種溫馨的感覺。完全想不到有個殺人魔就住在這裏。
鳩：「咁一間應該點做啊？」
禮行諗左陣：「陣間你扮送貨員直接上去，然後話借廁所入屋殺左佢。」
鳩擔心問：「我殺⋯？」
禮行：「無辦法，因為佢認得我，而你係新面口，佢唔識你。」
鳩雙手有點抖震：「我⋯我唔想親手殺人⋯⋯」
禮行安慰著：「無事架，有咩事我會救你！」


鳩：「咁⋯⋯咁我應該點做啊⋯⋯」
禮行：「你陣間用言靈迷惑佢先，然後用刀⋯⋯⋯」
鳩深深吸一口氣再呼出：「我明白啦！」
禮行：「記得最後要割佢條舌頭出嚟同埋唔好留低把刀。」
鳩好奇問：「點解嘅？唔留低把刀我都明，點解要割左條舌頭呢？」
禮行：「因為要證明已經殺左佢囉。」
鳩諗咗陣：「原來係咁⋯」
禮行：「咁你依家上去啦，我係窗邊睇住你。」
鳩：「嗯！」