《我用廣東話征服世界》第一季 已完結: 第三十四篇 要脅

「叮～」鳩手機響了一下，係禮行傳嚟嘅訊息。
禮行：「鳩～今晚過嚟！」
鳩：「好啊，不過宜家食緊飯。」
禮行：「同女朋友？」
鳩：「係啊。」
禮行：「衰人～食快啲啦！」
鳩：「我盡快啦！」


童童：「邊個嚟架？」


鳩：「無啊⋯朋友約我去買嘢啫。」
茉里奈：「真係可疑～咁夜去買嘢？」
鳩心虛起來：「咩啊⋯好正常啫⋯順便去飲杯嘢囉。」
茉里奈：「男定女嚟架？」
鳩：「緊係男啦，點會係女仔啊⋯⋯」
童童：「咁我今晚係屋企等你啦～快啲返喎！」
鳩拍一拍童童膊頭：「嗯！」食完飯鳩就去搵朋友，童童佢地就返屋企睇陣電視傾下心事。
其實鳩都唔算係去偷情，因為明宴會今晚有嘅新任務！鳩一個人去到明宴會嘅基地，當佢去近禮行間房附近就聽到有人嘈交。
鳩匿埋係一邊聽吓佢地嘈乜先。



男人：「喂！！你同嗰個新嚟玩玩下咋嘛⋯你唔係諗住當真啊嘛？」
女仔：「我係咪當真都唔關你事啦⋯⋯」
禮行把聲喎！鳩偷偷望一眼，原來又係嗰個四眼仔。

四眼仔係衫袋到攞咗壘照片出嚟：「唔關我事？你記唔記得依啲相啊？你啲裸照啊。」
禮行：「痴線架你⋯你想點啊⋯⋯」
四眼仔：「同返我一齊⋯如果唔係就pornhub見。」
禮行：「無可能啊⋯⋯」
四眼仔：「咁你唔好怪我唔客氣啊！」
禮行：「喂！」


四眼仔嬲爆爆咁走咗，依個四眼仔果然係個仆街。
鳩接受唔到鍾意嘅女仔被人用裸照威脅，所以偷偷跟住四眼仔尾，至少都要打佢鍋甘！

四眼仔行樓梯去到地下室，此刻地下室一個人都無，睇嚟係機會啦⋯⋯
以防萬一搵啲工具先，鳩攞起個垃圾筒慢慢行近四眼仔，依個時候四眼仔專注咁欣賞手上嘅裸照，完全留意唔到鳩就企係佢後面。

鳩吐咗啖口水落垃圾桶然後一嘢粒落去四眼仔個頭，
四眼仔：「喂⋯咩事啊⋯」
鳩起腳踢個四眼仔落地，四眼仔當場瞓低，手上嘅裸照跌落周地。
四眼仔打算拎開頭上嘅垃圾筒，鳩攞起個士巴拿一嘢扑落佢隻手到，再對住四眼仔個肚踢幾腳，四眼仔：「哎啊⋯邊個！到底係邊個！我係明宴會大佬個仔，邊個咁夠膽打我！」
鳩心諗：「我理撚得你係邊位咩。屌你老母⋯」用力踢多幾腳，四眼仔突然郁都唔郁好似暈咗。鳩踩多幾腳確認佢真係暈咗，然後就執返晒禮行啲裸照即刻跑走。
鳩咁大個仔第一次打人打得咁爽，可能係因為有上次殺人嘅經驗所以大膽左好多。