《我用廣東話征服世界》第一季 已完結: 第二十七篇 計畫有變

鳩：「洪吉⋯你冷靜啲先，唔一定殺咗佢嘅⋯拆散佢地咪得囉⋯」
洪吉望住鳩：「鳩⋯你有咩方法先⋯」
鳩：「你抹乾眼淚先！我地再從長計議！」
當然鳩並唔知茉里奈嘅男朋友就係自己啊哥，否則一定唔會咁大逆不道。
洪吉抹乾眼淚重新振作起來：「鳩，我地應該點做！」
鳩：「嗱⋯我地今日放學跟住茉里奈，睇吓佢男朋友係乜水。」
洪吉：「咁之後呢？」
鳩：「之後就⋯⋯你知唔知茉里奈最憎人做咩？」
洪吉：「我知，最憎人食煙！」
鳩：「咁我地就偷偷放包煙仔去佢男朋友個袋，茉里奈見到一定嬲死佢。」


洪吉有啲質疑：「吓⋯咁有無用架⋯⋯」
鳩信心滿滿：「放心啦～啲女人見到深愛嘅男人食煙一定無晒好感。」
洪吉：「咁好啦⋯咁一間放學係門口等。等我地鳩吉二人組守護茉里奈嘅幸福啦！」
鳩：「⋯⋯⋯鳩吉？」
洪吉：「無錯就係鳩吉！」班上啲人陸續返到學校。
「喂，鳩你地傾緊咩啊？」童童拍一拍鳩膊頭問。
鳩嚇一跳童童突然企係自己後面。
鳩：「無啊⋯傾功課囉⋯係咪啊洪吉！」
洪吉：「係啊！係啊！」
童童皺一皺眉：「你地兩個古古怪怪咁⋯⋯係咪想做咩衰嘢？」


洪吉：「無啊⋯⋯點會做咩衰嘢⋯⋯」
女仔嘅直覺真係好準，不過鳩同洪吉打龍通卒之蒙混過關。

「係啦！童童，請你食啊～」鳩無端端係褲袋攞咗筒水果糖出嚟送比童童。
雖然只係一筒水果糖，不過依種小驚喜對女仔來講卻有意想不到的效果。
童童開心到極：「多謝晒喎！特登買比我架？」
鳩：「係啊～記得你鍾意食咪買囉⋯」
童童喜上心頭，鳩嘅行為仲甜過筒糖。
洪吉故意用撒嬌嘅語氣問：「鳩～點解我無架！」
鳩：「頂～下次買埋俾你囉～」


若果佢地唔喺學校嘅話，童童一定會向鳩而身相許～鐘聲響起了～第一課堂原先係最沉悶嘅歷史堂但係今日好好彩，
平時嘅歷史老頭請了病而假取而替之嘅係一個隔離班嘅Miss 。
Miss:「今堂自修～唔準傾計啊。」然後就坐低改卷。
依個miss都算係容顏秀美，側面同朱茵紫霞仙子有幾分相似。
令人留意嘅係貼身嘅毛衣突顯出她的胸部豐滿，好想揸上手玩弄一番。
下身純白嘅短裙更是引人犯罪⋯Miss橋起腳坐在木凳上，
從她桌子下偷偷望著，裙裏的風光若隱若現，令人不禁留意住修長哲白嘅美腿裏面有無走光。
我相信唔只我一個，其他同學都係咁諗：「依個Miss一定係淫底啦⋯⋯」

有個同學好奇問：「老師，你叫咩名啊？」
Miss：「我叫周淑敏囉～你地鐘意點叫就點叫啦⋯」
個同學又問：「淑敏～你有無男朋友架？」
班上嘅男同學特別興奮一齊附和：「係囉～有無男朋友啊？」
「係咪單身架？」
Miss周見班上嘅男同學各自起哄有啲唔耐煩。


Miss周：「我結咗婚好耐啦，唔好再嘈啦～你地再嘈我就同你地班主任講架⋯⋯」
誰不知有幾個頑皮嘅學生仲唔知驚：「老師～咁你同老公夜晚會做咩架？」
「會唔會做啲奇怪運動架？」
鳩一聽就明佢地講緊嘅”運動“係咩一回事，不自覺同童童對望左眼。
Miss周更是無明火起拍枱：「邊個再嘈就留堂！係咁。」
班上嘅同學終於肯安靜下來，睇嚟個個都驚留堂。


過咗一段時間之後鳩細細聲問洪吉：「喂～陣間晏就食咩好啊？」
洪吉：「不如食嗰間拉麵啊！茉里奈成日去嗰間食架～」
鳩反起白眼：「頂你咩⋯是但啦冇所謂。」
Miss周：「喂～你地兩個做乜傾計？」
鳩嚇一跳心諗「唔係掛咁都聽到⋯⋯⋯」
洪吉：「無啊⋯」
Miss周：「明明就有，你地一間放學嚟搵我！」


鳩同洪吉今次唔好彩啦⋯⋯放學跟蹤茉里奈嘅計畫可能要凍過水了⋯