《我用廣東話征服世界》第一季 已完結: 第二十六篇 恨之入骨

茉里奈迷迷糊糊醒來，原來已經天光啦，大雨過後嘅晴天特別舒服。
突然間一陣刺痛傳入茉里奈腦中，睇嚟應該係宿醉未醒。
茉里奈打算去飲啖水舒緩一下頭痛，
突然感覺自己身上面好似少咗啲嘢，她望一望被窩大吃一驚：「咦！！！點解我無著衫架！？」
茉里奈嘗試回想琴晚發生咩事「琴晚⋯我同遊等停雨⋯之後就⋯⋯」越諗茉里奈塊面就越紅越羞恥，她望一望旁邊見到遊仲瞓緊覺，隻手仲攞住咗支自慰棒⋯⋯
「死啦⋯琴晚玩到好癲⋯⋯」
茉里奈摸一摸自己下面「屌！大鍋！」，仲有啲精液係到⋯⋯
「啊！死啦⋯死啦⋯點算好啊⋯琴晚竟然無戴套就做咗⋯⋯⋯⋯」
茉里奈攞起電話打俾姊妹求救。
姊妹：「喂～」


茉里奈：「喂～係我啊⋯⋯」
姊妹：「做乜啊～咁早打嚟～～～」
茉里奈：「我琴晚飲大咗之後同人咩咗啊⋯⋯」
姊妹：「吓！！！邊個嚟架！？好靚仔架！？有錢仔？邊度識架？」
茉里奈：「唔係啊⋯⋯重點係無戴套就做咗啊⋯⋯」
姊妹：「吓！唔似你喎⋯」
茉里奈：「係啊⋯咁點⋯點算好啊？」
姊妹：「er⋯⋯事後丸囉，不過其實無咁易中嘅，我同我老公次次都唔戴咪又係無～」
茉里奈：「係啊⋯咁⋯好啦，我遲啲再搵你出街啊⋯⋯」
姊妹：「好啦，再約啦～到時帶埋男朋友出嚟喎！」


茉里奈：「好啦～拜拜⋯⋯」
茉里奈望向窗邊心諗「唉～點解會咁唔小心架⋯」
然後就去攞幾件衫去廁所沖涼準備一陣返工。茉里奈沖完涼著返衫出嚟，遊仲瞓緊覺。茉里奈望住遊瞓覺嘅樣不知不覺就看沉迷了。
茉里奈：「衰人⋯快啲起身啦⋯⋯」
遊連射兩發元氣大傷，茉里奈拍一拍遊：「起身啦⋯⋯」
遊緩緩醒過來，張開眼睛就見到茉里奈一臉認真望著自己。
遊：「咦⋯早晨～」
茉里奈：「我有咗。」
遊嚇到成個人彈起身：「吓！？咁快！？」
茉里奈：「點算好？」


遊：「吓⋯⋯咁⋯⋯⋯結婚？」
茉里奈笑咗出嚟：「嘻嘻～講笑咋，快啲起身啦⋯⋯」
其實茉里奈只係想試探下遊係咪叫人去落仔嘅仆街嚟，
遊鬆一口氣：「嚇死我啦BB⋯⋯」
茉里奈溫柔說：「傻豬～去沖個涼啦～陣間去食早餐？」
遊：「好啊～」錫一啖茉里奈就去咗沖涼。

經過一晚之後遊同茉里奈嘅愛情就開始咗，
食完早餐之後遊送咗茉里奈返工。
遊見到間學校愕然：「咦⋯乜咁啱嘅，我細佬係到讀書架喎。」
茉里奈：「真係架？！你細佬叫咩名啊？」
遊：「佢叫上官鳩。」茉里奈：「吓！佢係我嗰班架喎⋯⋯」
遊笑咗出嚟：「哈哈～又會咁橋都有嘅～咁你幫我好好睇實佢。」
茉里奈：「放心啦，佢都唔算跩嘅。」
遊多口問多句：「係啦，佢女朋友係咪都係你個班架？」


茉里奈皺起眉頭問：「乜佢有女朋友架咩？」
遊發現自己好似講多咗嘢，但係又唔可以出賣兄弟。
茉里奈捉住遊追問：「講嚟聽吓啦～邊個啫？」女人嘅天性點都係有啲八卦。
啊遊都唔知講唔講得⋯⋯遊內心經過一番掙扎後，都係決定唔出賣細佬。
遊：「er⋯⋯我唔講得架⋯」
茉里奈亦唔想為難遊所以都唔再追問，靠自己搵好過。
茉里奈：「算啦，你今晚嚟唔嚟我屋企啊？」
遊聽到巨龍都扯扯地就即刻答應：「好啊，咁我嚟接你放工？」
茉里奈：「哼！算你識做啦～」
兩個人錫左啖之後茉里奈就入咗學校。

鳩因為掛住童童嘅關係所以今日特別早返到學校，而佢只係第二個早返到班房嘅學生。洪吉居然比佢更早就返到學校，而最令鳩驚訝嘅事係洪吉坐喺班房內面喊緊⋯⋯
鳩：「喂⋯洪吉⋯做咩事啊？」
洪吉：「嗚～嗚～～鳩！！」
鳩從來未見過洪吉喊到咁誇張，好奇到底發生咩事呢？


鳩：「做咩啊你⋯有無啲咩可以幫到你啊？」
洪吉：「嗚～嗚～鳩！！你可唔可以幫我殺一個人？！」
鳩嚇到呆左：「吓⋯殺人？」
洪吉：「係啊⋯求下你啦⋯⋯」
鳩：「發生左咩事啊⋯⋯？」
洪吉：「鳩⋯⋯我淨係同你講⋯嗚～～我鍾意咗一個女仔好耐，但係⋯⋯我發現佢有新男朋友⋯嗚⋯嗚⋯你可唔可以幫我殺咗個男人佢。」
洪吉嘅眼神並不是開玩笑。
鳩心諗：「你唔會係鍾意童童掛⋯⋯」
鳩試探下問：「個女仔⋯係邊個嚟架？」
洪吉悲痛欲絕地舉起食指指向教師枱⋯⋯ 鳩：「吓！？茉里奈！？」
原來洪吉暗戀好耐嘅女仔就係茉里奈，而今朝返學嘅時候見到茉里奈同遊親吻嘅一幕當場崩潰。