［愛情純愛］由嗰一個Kiss開始，我地唔再係青梅竹馬: 110. 有點在意

「平時好少見到你呢一面嘛～」梁玥嘉望住宋千辰露出甜美嘅笑容

梁玥嘉笑起嚟時，臉上有淡淡嘅紅霞，宋千辰睇喺眼裏，不禁又心動起嚟

「不過咁樣都幾好呀～」梁玥嘉笑着講道， 「咁先顯得可愛㗎嘛～」

「我要咁可愛做咩？」宋千辰無奈地笑了笑，「你可愛先有用。」

梁玥嘉聽到宋千辰咁講後，一時間唔知比咩反應好，於是微微耷低頭，笑了笑





「又會突然咁識講嘢嘅⋯」梁玥嘉嘅心中講道，「都唔知佢係唔係特登⋯」

宋千辰見到梁玥嘉嘅反應，不禁一笑，喺佢眼中，梁玥嘉有時就係咁可愛，冇咩特別嘅原因，就係單純地覺得佢好可愛，然後就會想捉弄佢一下

⋯

「玥嘉⋯！」上堂嘅時候，李穎容身子前傾，對坐喺佢前面嘅梁玥嘉細聲道，「嚟緊考試一齊溫書呀～」

「唔⋯」梁玥嘉回頭面有難色地望向李穎容，「我同千辰講好咗一齊溫書⋯」





「你重色輕友呀！」李穎容拎起筆記簿輕力地打咗梁玥嘉一下

「冇囉！我同佢都係今日先講好。」梁玥嘉細聲地講道，嘴角都不自覺上揚起嚟

「你睇你呀⋯變心啦，唔要我啦！有佢冇我啦宜家⋯！」李穎容抱怨道，「我唔理呀！你一 定要搵一日同我一齊溫書呀！叫埋佢出嚟囉～你唔見佢會死嘅話～」

「我唔見佢我點解會死⋯」梁玥嘉無奈地笑問道，「佢又唔係氧氣⋯」

「點知呀，可能對你嚟講係㗎嘛！」李穎容笑着挪揄梁玥嘉，梁玥嘉無奈地搖搖頭





「你諗多咗啦！太多添啦！」梁玥嘉只好無奈地笑了笑，「一齊溫咪一齊溫囉～費是比你話我啦～」

到咗小息嘅時候，梁玥嘉見宋千辰仲坐喺位，便攝手攝腳行到宋千辰嘅座位，坐到宋千辰前面嘅座位

「做咩？」仍然低頭做緊題目嘅宋千辰感覺到有人坐咗喺自己前面，而呢個人唔係本來坐佢前面嘅人

「穎容話嚟緊想搵我一齊溫書⋯」梁玥嘉對宋千辰講道

「嗯，跟住呢？」宋千辰點一點頭，「咁咪去。」

「咁你一唔一齊呀？」李穎容忽然間行到過嚟對宋千辰問道，「一齊溫書都可以㗎喎！我Okay㗎唔介意㗎！」

宋千辰望住李穎容，李穎容露出一個同平日唔一樣嘅笑容，完全就係知道咗啲咩秘密一樣嘅笑容

「不過唔知你同玥嘉介唔介意呢～」李穎容同梁玥嘉坐喺同一張櫈上面，一人坐半邊





「李穎容，唔知我要介意啲咩呢～」梁玥嘉托住腮望住李穎容，用眼神

對李穎容表示：「你唔好亂講嘢⋯」

「可以呀，你地想一齊溫書咪一齊溫書囉～」宋千辰望住兩人嘅眼神交流不禁笑咗一笑，然後望住梁玥嘉講道：「唔洗特登問我拎permission嘅～」

「咁講聲比你聽嘛～」梁玥嘉同宋千辰對望着，梁玥嘉露出甜美嘅笑容，兩人相視而笑

李穎容喺旁邊，似乎察覺到啲咩一樣，默默低頭偷偷地笑咗一笑，悄悄地伸手拍一拍梁玥嘉嘅手

「做咩呀？」梁玥嘉望向李穎容，只見李穎容抿着唇忍笑，定睛地望住梁玥嘉

「冇～只係覺得我好似做緊電燈膽咁咋嘛～」心水清嘅李穎容緩緩地起身，行咗去旁邊嘅locker前企着





「咩電燈膽啫？」梁玥嘉不禁羞紅了臉頰，望一望宋千辰之後，伸手捉住李穎容嘅手腕，將李穎容拉番過嚟

此時張子萊剛好去完廁所番嚟，梁玥嘉拉李穎容嘅時候，李穎容行前咗一步，張子萊躲避不及，兩人撞上了

「你成個人撞落嚟，想撞死我？」張子萊開玩笑講道同時側側身從李穎容身旁經過

「你死咗啦咩？」李穎容望向張子萊，「再講，我又唔係坦克車！」

「我點知你，你唔好撞傷我呀！要你賠醫藥費！」張子萊坐低喺霍思傑嘅座位，「佢人呢？」

「去交功課。」宋千辰轉頭望向張子萊

張子萊坐喺霍思傑嘅座位拎出手機睇，李穎容見張子萊望住手機笑便好奇行去張子萊身旁，偷瞄咗佢嘅手機一眼

張子萊感覺到有人直盯着佢，抬起頭見李穎容已經喺佢隔離





「你想點⋯？」張子萊問李穎容

「睇你笑咩笑得咁開心囉！」李穎容望住張子萊，又望一望佢嘅手機螢幕，「睇到邊個靚女呀？」

「 關你咩事⋯」張子萊無奈地反白眼，「睇你以外嘅都係靚女。」

李穎容聽到之後咩都冇講，只係面帶微笑，用力地踩咗張子萊一腳，痛得張子萊頓時放低手機抱着膝

「李穎容你⋯！」張子萊抬頭望向李穎容

「哼⋯」李穎容哼咗一幸之後撇開臉，喺心中道：「死人張子萊！」

望住兩人每日都要好似小學雞一樣吵鬧，梁玥嘉無奈地笑咗一笑





「玥嘉，陪我去廁所！」李穎容拉起梁玥嘉，朝課室門口走去

「睇嚟你好不滿啵～」梁玥嘉笑着對李穎容講道




IG Link: https://www.instagram.com/nd_cotttoncandy/?hl=zh-tw