［愛情純愛］由嗰一個Kiss開始，我地唔再係青梅竹馬: 81. 兄弟裝？姊妹裝？

「你覺得你好High Quality咩？連基本嘅gentleman同尊重都冇，講咩High Quality？」張子萊反駁道，「比人飛仲咁多嘢講。」

「你講咩？」Joshua聽到張子萊嘅反駁，瞬間咬牙切齒的

「講事實，你所謂嘅High Quality嘅標準咁低，睇嚟你都係一個低Quality嘅人。」張子萊冷笑一聲道

「作為一個水泡仲講咁多嘢？知唔知個醜字點寫？」Joshua反駁道，佢以為佢可以喺言語上攻擊到張子萊，但佢諗多咗

「唔識寫個醜字嘅人應該係你先啱，就當我真係水泡，咁你就應該好好反省下自己點解會輸比個水泡啦～」張子萊一臉輕鬆咁講道，然後回到望向李穎容，「仲唔行企喺度做咩？未比人踩夠？」



李穎容望住張子萊，平日成日都同佢鬥氣嘅張子萊，今日為佢挺身而出，佢愣了一下後便邁步行

張子萊同李穎容喺Joshua嘅身邊行過

「累你比佢話係水泡，sorry⋯」李穎容對張子萊講道

「是旦啦，你唔好真係當我係水泡就得啦～」張子萊望向李穎容笑了笑講道，「既然係佢嘅錯，咁你都冇必要為佢傷心。」

「嗯⋯」李穎容笑了笑，點點頭



「快啲變番嗰個會同我鬥氣嘅李穎容啦～」張子萊用眼尾嘅餘光瞄咗李穎容一眼

李穎容聽到之後只係笑咗一笑，並冇講啲咩作為回答

⋯

梁玥嘉同宋千辰食完嘢行出茶餐廳，宋千辰微微低頭，望到自己手上嘅手繩，視線移到梁玥嘉嘅手上

「真係好似情侶裝。」宋千辰不禁喺心中笑咗出嚟



「你笑咩呀？」梁玥嘉眼尾嘅餘光留意到宋千辰喺度笑，抬頭望向嘴角上揚着嘅佢，「奇奇怪怪咁⋯」

「冇咩。」宋千辰微笑着講道

「真係呀⋯奇奇怪怪⋯」梁玥嘉無奈地講道，悄悄地撇開了臉，卻又用餘光偷瞄宋千辰

舒適嘅相處令梁玥嘉感到安心同時亦感覺到淡淡嘅不安，手上戴住嘅手繩已經係佢踏出嘅一大步，怕心事被睇穿、怕失去一段維持咗好耐而不變嘅關係，但，亦因為一直以嚟平穩嘅關係令梁玥嘉嘅內心感到不安

中意一個人，真係要鼓起好大嘅勇氣，特別係中意一個密友⋯雖然話，「能成為密友大概總帶愛」，但大家心中嘅「愛」未必一樣，當其中一個人嘅「愛」變咗質，咁呢段關係大概都注定唔再平凡

「喂！食唔食雪糕呀？」宋千辰見到前方嘅7仔便主動地問道

「食雪糕？」梁玥嘉先係一臉疑惑，但好快佢就留意到前方嘅7仔，記起上次同宋千辰一齊食雪糕，便笑起嚟，「好呀！」

「咁仲唔行！」宋千辰一把牽起梁玥嘉嘅手然後跑起嚟



宋千辰手心嘅溫暖傳到梁玥嘉嘅手心，梁玥嘉任由宋千辰拉住佢嘅手小跑起嚟

到咗7仔之後，宋千辰自然地鬆開咗梁玥嘉嘅手，行入便利店，手心嘅溫暖一下子就冇咗，令梁玥嘉覺得有啲失落

「嘉嘉，你食咩味呀？」宋千辰企喺雪櫃前面低頭望住放喺櫃中嘅雪糕

「唔⋯」梁玥嘉行到去宋千辰嘅身旁，低頭望向雪櫃中，然後順手地拉一拉宋千辰嘅衫袖，「食嗰個。」

梁玥嘉嘅手指住雲尼拿味嘅甜筒，宋千辰推開趟門拎咗兩個雲尼拿味甜筒出嚟，然後就行去收銀處比錢

「嗱。」宋千辰將雪糕遞比梁玥嘉，梁玥嘉好快手咁就撕開咗包裝紙，然後一口咬喺雪白嘅雪糕上

梁玥嘉一手捧住了臉頰，單起一隻眼



「好凍好凍⋯！」梁玥嘉原地小跳咗兩下

宋千辰望住梁玥嘉嘅舉動，不禁笑了一笑

只有佢地兩人獨處嘅時光對宜家嘅佢地嚟講係最珍惜嘅時間，喺抬眼同對方對望然後微笑時有種難以言喻嘅默契同心動

「咦？玥嘉？」忽然有人從門口行入嚟，行到宋千辰嘅身旁停低，「咁啱嘅～又會撞到你。」

「嗨～楠恩你又會喺呢頭嘅？」梁玥嘉笑了笑打招呼道

「咁啱嚟開呢邊買嘢。」楊楠恩臉上掛上柔和嘅微笑，佢望向宋千辰，抑壓住內心嘅興奮假裝平靜地講道，「嗨～」

宋千辰只係微微一笑，楊楠恩嘅心裏有啲失望，但喺人前佢唔可以表露出嚟

楊楠恩好細心亦好眼利，應該話，佢特別留意宋千辰，一下子就留意到喺宋千辰拎住雪糕嗰隻手嘅手腕上戴咗一條手繩，唔知點解有種感覺令佢順勢地望向梁玥嘉，眼睛偷偷瞄向梁玥嘉嘅手腕



「佢兩個條手繩⋯一對嘅？」楊楠恩喺心中道，對梁玥嘉嘅妒忌一下子就從心底湧上嚟




IG Link: https://www.instagram.com/nd_cotttocandy/?hl=zh-tw