［愛情純愛］由嗰一個Kiss開始，我地唔再係青梅竹馬: 54. 好呀！

最終宋千辰都係一直陪住梁玥嘉，直到梁玥嘉瞓著冇再講嘢之後，宋千辰先收線

「呵～欠⋯」宋千辰企喺玄關著上皮鞋，邊打喊露邊開門，「我出門口啦～」

「早晨～」梁玥嘉以精神飽滿、容光煥發嘅模樣同宋千辰打招呼

「早晨喎，你精神好好啦⋯」宋千辰無奈地講向梁玥嘉

「Okay啦～畢竟一覺瞓天光～叉足電！」梁玥嘉笑道，「你好夜瞓咩？」



「哈哈⋯你覺得呢？」宋千辰虛偽地笑咗兩聲，然後立即收起笑容，「都唔知因為邊個囉！自己瞓得好舒服，難為我眼瞓到死都等到你瞓著先收線。」

梁玥嘉本來掛喺臉上嘅笑容瞬間好似止住了一樣，臉上嘅表情夾雜了一絲嘅愕然，緩緩地抬頭望向宋千辰

「原來千辰係特登等我瞓著咗先收線⋯」梁玥嘉喺心中講道，慢慢地收起了愕然嘅表情，露出一個甜絲絲嘅微笑

「你仲笑！你打算點樣多謝我？」宋千辰微微揚起嘴角，視線落喺梁玥嘉嘅身上，「我因為你而冇精神，你點多謝我？」

「請你飲咖啡囉，得未呀？」梁玥嘉微笑道，一下子就答應咗宋千辰嘅請求



「淨係請我飲咖啡咋？」宋千辰假裝唔滿意，想睇下淨梁玥嘉嘅反應，「喂，我因為你而搞到琴晚成4點幾先瞓喎！淨係請我飲個咖啡點得呀？」

「講到你平時唔夜瞓咁，明明你自己都好夜先瞓啦平時，又關我事⋯」梁玥嘉用力咁捏咗宋千辰嘅手一下，「請你飲咖啡仲唔夠呀？以身相許比你好唔好？」

「好呀。」宋千辰冷靜地回答，然後一下子伸手攬過梁玥嘉嘅肩博，想將梁玥嘉攬到懷中一樣，宋千辰緩緩地微微低頭望向梁玥嘉，臉上仲掛上了淡淡嘅笑容，「我唔介意。」

梁玥嘉一時三刻之間都唔知可以講啲咩答宋千辰，本來平靜嘅心境就因為宋千辰一句「好呀。」而掀起海浪，海浪一下子湧到梁玥嘉嘅面前，幾乎要直接將梁玥嘉吞噬似的

「你做咩咁嘅表情？」宋千辰望住梁玥嘉呆咗一樣，當宋千辰一咁樣問完之後，梁玥嘉頓時擺出一副嫌棄嘅表情，宋千辰搭喺梁玥嘉博頭上嘅手托住梁玥嘉嘅下巴，捏住佢兩邊嘅臉頰



梁玥嘉仰起頭，雙手捉住宋千辰嘅手腕，頭左右左右的搖着，想要從宋千辰嘅手中掙脫；宋千辰望住梁玥嘉嘅舉動，淨係覺得好好笑梁玥嘉抬頭瞪住宋千辰

「鬆手呀！」梁玥嘉捉住宋千辰嘅手腕，宋千辰正笑得開心，「淨係識恰我！」

「唔恰你恰邊個？」宋千辰擺出一副理所當然嘅態度，「我就係中意恰你一個。」

宋千辰嘅呢句話暗藏了弦外之音，唔只係梁玥嘉對宋千辰嚟講嘅特別存在，更係有另一種含意

宋千辰望住梁玥嘉嘅眼神早就同以前唔一樣，臉上掛着對其他人都唔會露出嘅笑容，係梁玥嘉獨有嘅福利

中意一個人，從佢嘅眼神中就可以睇得出，望住意中人嘅時候，眼中會亮起亮點，漫天星辰都可以喺佢嘅雙眸中搵到

「嘉嘉有冇聽明白我嘅意思⋯？」宋千辰望住梁玥嘉笑時喺心中諗道，「嘉嘉咁蠢會唔會唔get我想講咩⋯」

「放手呀宋千辰！」梁玥嘉用手指一下一下咁拍宋千辰嘅手背



「我偏唔要～」「你整到我好醜樣呀！」

兩個人又開始吵鬧起嚟，此時忽然有人輕拍宋千辰嘅博頭，宋千辰頓時望向左邊

「嗨～早晨！」楊楠恩微微笑向二人打招呼，「咁都撞到你地，今日咁好彩嘅～」

楊楠恩嘅視線落喺捏住梁玥嘉臉頰嘅手上，梁玥嘉抬眼望一望宋千辰，宋千辰亦望一望梁玥嘉

「放手呀！」梁玥嘉感覺到宋千辰所用嘅力度細咗，一下子就撥開咗宋千辰嘅手，喺校褸袋中拎出手機，用反光嘅手機螢幕當鏡照，「我塊面呀！宋千辰！」

「Okay啦，都一樣咁醜。」宋千辰笑道，「冇令你變得更醜。」

「哎呀！我都費時同你講呀！」梁玥嘉瞪咗宋千辰一眼



宋千辰忽兩個女仔夾住喺中間行，左邊楊楠恩，右邊梁玥嘉，兩個女仔仲要隔住佢咁講嘢

「點解佢兩個唔可以企同一邊？」宋千辰喺心中苦惱地講道，「呵～欠⋯」

楊楠恩見到宋千辰打喊露，心中忽然覺得機會嚟，雙眼瞬間一亮

「一朝早咁攰嘅？」楊楠恩借意同宋千辰講嘢關心道，同時想藉此機會打聽一下宋千辰嘅習慣，「你都好似玥嘉咁煲劇唔瞓呀？」

楊楠恩望住宋千辰微笑，其實心中有啲擔心宋千辰會唔答佢，怕宋千辰會討厭佢，所以宋千辰未回答時，楊楠恩感覺到有啲尷尬又有啲慌，正當楊楠恩嘅微笑要變成一個尷尬嘅笑容時，宋千辰開口：「都唔知拜邊個所賜囉可。」

楊楠恩臉上嘅微笑止住了一樣，默默地望住宋千辰同時嘴角都塌下咗一半，因為宋千辰回答緊佢嘅問題，但雙眼卻望住梁玥嘉






IG Link: https://www.instagram.com/nd_cotttocandy/?hl=zh-tw