［愛情純愛］由嗰一個Kiss開始，我地唔再係青梅竹馬: 53. 習慣

梁玥嘉一番到屋企之後就直接將佢喺Log-on買番嚟要送比宋千辰嘅禮物放咗喺衣櫃入面；然後又開始循環做同平日一樣嘅嘢：煲劇、食飯、沖涼、灘床耍廢、瞓覺

本來早早就已經灘咗落床嘅梁玥嘉久久不能入睡，一直喺床上輾轉反側

「宜家都幾點啦⋯？」梁玥嘉轉身拎起放喺書枱上差緊電嘅手機，手機嘅螢幕亮了起嚟，「成點鐘啦⋯！我聽日又要釣住魚咁上堂啦⋯！」

梁玥嘉側身面向書枱瞓，手拎住手機，手機嘅感光系統自動將螢幕亮度調到最低；梁玥嘉打開IG嘅相機，隨便影張相然後加上時間

「唔知千辰瞓咗未呢⋯」梁玥嘉攬住被細細聲地講道，然後將畫面向左滑，見到聊天記錄喺最頂嘅宋千辰，便send咗個message：「瞓咗未？」





梁玥嘉望住明明係「在線中」但係冇覆佢嘅宋千辰，心裏覺得有啲失望，但唯有同自己講宋千辰應該可能瞓咗

「算啦，睇下瞓唔瞓到啦都係⋯」梁玥嘉心諗同時將手機螢幕鎖上，將手機放番去枱面上面

正當手機掂到枱面時，手機突然震咗一震，螢幕亮了，梁玥嘉嘅注意力頓時再次落喺手機上

宋千辰：未瞓

梁玥嘉見到宋千辰嘅回覆，頓時將手機從書枱上拎番落嚟





「做咩？我啱啱沖完涼，頭髮都仲滴緊水」宋千辰剛從浴室出嚟冇耐，手上扔然拎住毛巾，「仲未瞓嘅你？」

梁玥嘉心裏喜滋滋，今晚本來冇同宋千辰喺IG傾計，大家都各自做緊嘢，但宜家又傾緊了，好似成為咗一個習慣一樣，係每一日中唔可以缺少嘅環節

「瞓唔著」梁玥嘉側身瞓，螢幕嘅光打喺梁玥嘉嘅臉上，忽然間覺得精神咗啲，「你又會咁夜先沖涼嘅？平時好早。」

「今日太攰，一番到嚟就灘喺梳化度瞓咗，起身之後又食得飯，食完飯之後又唔可以即刻沖涼」宋千辰坐喺電腦椅上，舒適地靠着椅背坐，頸上仍然搭住條毛巾，「食完飯又睇咗陣電腦，最後就咁遲先沖涼」

「成一點先沖涼⋯」梁玥嘉揉揉眼，暗暗嘅螢幕亮道喺黑暗嘅睡房中顯得格外光亮，強光令雙眼感覺格外疲倦，「我已經灘咗喺床好耐啦，瞓唔著想搵人傾計，但啱啱你又唔喺度」





宋千辰收到梁玥嘉嘅message時，總覺得梁玥嘉呢個表達方式嘅意思怪怪的

「講到好似你喺床度等我咁」宋千辰一邊打字時，耳根都泛紅起嚟，笑意都忍不住

「你諗多咗啦！！！」梁玥嘉一見到宋千辰send過嚟嘅message，瞬間就羞紅了臉頰，「你唔好亂諗嘢呀宋千辰！」

「係你講得太奇怪」宋千辰仲要打咗幾個笑喊嘅emoji

「係你諗太多，你地啲男仔個腦係咩構造，淨係識諗呢啲嘢」梁玥嘉回覆道，臉上掛着嘅笑容害羞又尷尬，心中覺得幸好唔係親口講，冇比其他人聽到，比人聽到嘅話就真係尷尬

「你再唔瞓嘅話，聽日又要釣足一日魚」宋千辰第一時間轉移話題

宋千辰行出睡房，將房門虛掩着然後行去廁所，拎起風筒吹頭

梁玥嘉坐起身，想將枱燈開著，梁玥嘉本來真係怕黑嘅佢習慣咗喺瞓嘅時候先借閂上燈，因為窗簾都有一點點透光，但宜家佢又宋瞓得著，所以打算開番枱燈





「做咩用視訊打比我？」宋千辰望住放喺洗手盆隔離嘅手機，本來右手拎住風筒，左手撥馬頭髮嘅佢騰出左手拎起手機㩒咗接聽，「嘉嘉？」

梁玥嘉忽然聽到喺手機裏頭傳啵宋千辰嘅聲音，頓時耷低頭望向手機螢幕，見到本來嘅聊天版面變咗做視訊通話模式嘅版面

「咦？做咩變咗視訊嘅？」梁玥嘉拎起手機、盯着螢幕，擺出一副疑惑嘅表情

「你打過嚟㗎喎⋯」宋千辰將手機放咗喺鏡下面嘅膠籃中，手上仍然拎住風筒吹緊頭

「應該係Hi錯制⋯」梁玥嘉將枕頭立起嚟放好，然後默默地背靠着枕頭坐，仲不忙用手梳一梳凌亂嘅頭髮

宋千辰將風筒閂上，放番好喺鏡旁邊嘅層架上，順手地拎起放喺層架最底層嘅梳梳頭；宋千辰望咗手機嘅螢幕一眼，見到梁玥嘉，嘴角漸漸上揚

宋千辰拎起手機行番房，梁玥嘉整個人頹廢地斜着坐





「你坐好啲啦，睇到你個雙下巴啦！」宋千辰望住手機螢幕笑了笑

「我邊有雙下巴⋯」梁玥嘉伸手摸摸自己嘅下巴，「番埋今個星期就放假啦～」

「咁咪好，又可以喺屋企Hea兩個星期。」宋千辰推開房門，將手機放到床上靠住床頭板立起嚟，宋千辰趴喺床上面，連拎手機都懶

「諗起都覺得開心～」梁玥嘉一臉興奮地講道，「呵～欠⋯」

「眼瞓就去瞓啦，你聽日唔好唔知醒呀，唔好累我遲到。」宋千辰側身灘喺床，將手機拎到自己面前，「2點都嚟緊啦！」




IG Link: https://www.instagram.com/nd_cotttocandy/?hl=zh-tw