［打鬥/靈幻/鬼怪］《輪迴。道》/《噬魂》我由古惑仔變咗做現代道士: 587《第二季》

「英叔點講？」葉靈問啊武

「佢叫我分享實時定位比佢」啊武說

「難得咁醒目」葉靈一笑

「尋盤真係搵到莫盡？」啊武問

「唔知，起碼冇好似啱啱咁亂咁指」葉靈專注的望著尋盤





「咁都跟住先啦」

最後尋盤將葉靈和啊武帶到西貢街市的外面，不過九叔未到，他們也不敢輕舉妄動，所以就在外搜視了一圈看看有沒有什麼發現

然而不知為何，他們到達後的十五分鐘左右，還未見九叔英叔的身影

「喂，九叔佢地咁耐都未到嘅？」葉察覺不妥就問啊武

「我都唔知喎，我打比佢地問下到邊」啊武拿出電話





「奇怪….」啊武苦惱的說

「咩事啊？」葉靈問

「九叔同英叔電話都唔通」啊武說

「我打比我大佬」葉靈也拿出電話試試

但結果也是一樣，全部人的電話也未能接通





「應該有古怪，我地周圍再睇下，要小心留意周圍」葉靈跟啊武說

「好」啊武點頭說好

而這時，是深夜

街上了無人煙，令氣氛更添上一層詭異

「雖然話依家係凌晨姐，但你覺唔覺靜得有啲過分」啊武看看周圍

「我覺，係冇人氣個種靜」葉靈也顯得格外留神

另一邊廂

「點？仲係聯絡唔到啊靈佢地？」九叔問葉尚生





「係啊…電話完全唔通，英叔都係」原來葉尚生也正在努力想聯絡葉靈

看來這的確不是簡單信號故障，是有人故意不讓他們聯絡大家

「生，隨時應戰」經驗老到的九叔則感應到不妥

「係！」葉尚生果斷的噠一噠手指把畫龍戟召喚了出來，然後再走到九叔面前，護住雙目不方便的他

「啊靈佢地最後嘅位置係街市出面？」九叔問葉尚生

「係」葉尚生回答

「咁入去，依到附近，入面陰氣最重」九叔說





「陰氣最重….好，來吧！」葉尚生說話突然加了句國語，看來是多年的習慣，改不了

九叔和葉尚生二人步進了西貢街市內

西貢街市還是那種舊式的街市，還未發展成為現在那種一式一樣的新街市，還是地上濕漉漉，看著就有年代感的地方

九叔他們從一個側門破門進內，內裏烏燈黑火，但又還未到伸手不見五指的那種程度

二人行到的第一檔就是一檔賣海鮮的店鋪

葉尚生拿出電話打開手電筒模式照明

「九叔有冇睇清楚啲？」葉尚生不為意的說了句

「嗯……？」短暫失明的九叔無奈地哼了一聲





「呃….唔好意思，口快快」葉尚生尷尬道歉

二人繼續前行，因為地面比較濕滑，九叔伸手搭住了葉尚生的肩膀前行

第二檔也同樣是海鮮檔

咔！！一聲！是從後方的那一檔傳來

二人馬上回頭查看

葉尚生電話的光照射到第一家那海鮮檔時，他才看到原來用來放海鮮的水缸中的水全部都被鮮血污染了

全是淡紅色的





「係血腥味」九叔也發現

「全部魚缸都係血水」葉尚生解釋說

嘩啦….突然水缸內的血水傾湧而出，水漸漸流向二人

葉尚生拉著九叔的手退後

嘩啦嘩啦….血水湧出的力度愈漸加大，開始有點噴射的感覺

嘭！！！水缸突然全數爆開，玻璃碎片亂飛

「嘩！！」葉尚生果斷的用身驅為九叔擋下所有碎片，自己身上就被劃出了幾道傷痕

「有冇事？！」九叔也緊張的問

「冇，少少損咗姐」

但葉尚生定睛一看，發現那些噴灑出來的血正凝聚一起，形成了一條「巨蛇」

「九叔！走！」不明所以的葉尚生拉著九叔拔腿就跑