［打鬥/靈幻/鬼怪］《輪迴。道》/《噬魂》我由古惑仔變咗做現代道士: 586《第二季》

「呃…..你咁都知我想問野？」啊武抓著後腦勺，尷尬的說

「你係我隔離熠熠揚揚咁，我好難睇你唔到㗎喎」葉靈反白眼說

「呃….哈，我係想問，點解你個日係醫院要走咗去？」啊武鼓起勇氣問葉靈

「有咩點解姐，冇點解」葉靈卻逃避問題

「係咪因為面對唔到啊航死咗？」啊武再問





「…..唔知你講咩」葉靈先頓一頓，再答

「其實….係人都睇得出你同啊航之間有啲野㗎，所以….」

「喂！你唔好亂講野！佢有女朋友，我地之間冇野！」葉靈馬上極大反應的否認啊武的說話，並用桃木劍格在啊武得頸上

「呃…你唔洗咁大反應嘅，依到得我地兩個」啊武用雙指把葉靈的劍夾開，然後再說

「同埋啊航同洛兒都已經分咗手，你可以唔洗咁避諱依個話題」





「…..佢地分咗手？」葉靈剎那一刻瞪大了雙眼，但好快又壓抑住自己的情緒、表情

「幾時嘅事？」葉靈轉身繼續前行，但口裏卻是在問

「都一段時間前啦，啊航醒返之後一直都唔記得同洛兒之間嘅事…呃…又唔可以話完全唔記，記啲唔記啲，最主要嘅係唔記得對洛兒嘅感情」

「嗯…..」葉靈呆一呆後點了點頭

「咁你會唔會主動同啊航…..」





「唔知你講咩！」葉靈猜想到啊武想說的，所以先說一句，然後加快腳步拉開點距離，結束這尷尬的話題

「我都未講完……」啊武無奈的說

與此同時….

「啊逆，你唔好怪我啱啱咁樣分組，我只係做個保險」英叔跟莫逆不好意思的說

「放心啦英哥，我明喎，我自己係咩人我自己唔知咩」莫逆從容的說

「咁又唔好咁講，道不同不相為謀姐，只係有時我同老野會覺得你地南陽可以有其他出路姐」英叔是苦口婆心的說

「其實我覺得依家都冇咩問題啊，盡哥會搵人合作，的確係幫人打下假拳、幫下黑社會搞下風搞下雨，但都係靠自己雙手都搵食，冇你地所謂正派人口中咁傷天害理」

但莫逆就對南陽派的做事作風覺得沒有問題





「嗯，好啊，你地覺得冇問題就得」英叔也無謂跟他爭論，免得一會爭吵起來

「咁依家啊盡老婆情況點啊？」英叔關心起莫盡前妻的情況

「情況…其實唔係咁樂觀啊，一直靠化療同啲藥吊住條命，但盡哥又唔肯放棄」

「咁啊嫂自己點諗先？佢咁樣其實都好辛苦㗎喎」英叔再問

「唉….佢有同我講過，其實佢好辛苦，但佢見到盡哥咁努力為佢，佢都唔想放棄」莫逆十分無奈嘆息的說

「唉…..咁情況又真係難搞」英叔也無奈搖頭

而就在這時，英叔的電話響起





「喂！英叔！靈姐個尋盤有反應啦！向北啊！」

「得！收到！你地WhatsApp 分享實時位置比我啦！我跟住去！」英叔說

「好！」

「通知咗老野未？」英叔問

「靈姐打緊比啊生哥」啊武回答

「得，一陣會合！」