［打鬥/靈幻/鬼怪］《輪迴。道》/《噬魂》我由古惑仔變咗做現代道士: 549《第二季》

砰！！！

冰格從內裏被撞開，鐵門更是被撞至變形

「嗄…..嗄….」

「我係邊…….」

……….





啊武他們說著說著就索性把所有事情都和盤托出，直接天航啊姨說出了事實

「原來你地同個衰仔發生咗咁多事….我依個做啊姨竟然咩都唔知….」天航啊姨帶著愧疚的說

「Auntie 唔好咁諗，啊航係唔想你地擔心先冇同你地講嘅」啊武馬上為陳天航解釋

「嗯….咁難怪你地會咁好感情」天航啊姨說

「突然間個衰仔真係大個仔，幾有男子氣概….似足我」天航姨丈說得有點慨嘆，眼眶亦有點泛紅





「哎，我地講咗今日唔喊㗎嘛」天航啊姨盯著丈夫

「冇啊，邊有姐，我咁man，點會喊」天航姨丈用手指擦去眼角的淚水

啪！啪！啪！啪！！

這時門外傳來一陣急促的拍門聲

「呃…..仲有人未嚟咩」洛兒被突如其來的拍門聲嚇呆了





「應該冇㗎啦….」夢晞也是嚇到了

啪！啪！啪！啪！！

「會唔會係….」啊仁故意壓低的聲線說

「會唔會係啊航返嚟啊」啊烈等不及啊仁，自己先行說出

「仁，你唔好整古做怪，開門」九叔

「哦….」

「又係我….」啊仁沒趣的去開門

「唔洗啦唔洗啦，依啲等我地嚟啦」天航啊姨揚著手想叫停啊仁





「你仲唔快啲去開門！」然後她再推姨丈起來

「係！係！係！即刻去」天航姨丈立即跑去搭著啊仁，讓他回位

正當天航姨丈快走到大門時

啪！啪！！砰！！！

大門的鎖被拍開了

「嘩？！！」在場的三名女士再次被嚇壞

「呃……」而最近大門的天航姨丈也怔住了





「邊個搞事啊」啊烈站起來，純熟的把衣袖捲起

「我地咁多人係到都夠膽搞事？」英叔啊武也一起站起，行近大門

「你乖乖地坐係到，我同佢地去睇下」王奇拍拍夢晞的手，讓她安心下來

「嗯..嗯！」夢晞乖巧的點頭

「呃…..衰…衰…..」而天航姨丈指著大門緩緩說出

「衰咩啊，有衰人啊？」英叔問

「係天航….」姨丈答話

「點解你地唔開門啊….」陳天航一步一步緩緩的走進屋內





「噓，唔好刺激佢，退後」因雙眼不方便還坐在原位的九叔說

其實今天是陳天航的頭七，大家聚首一堂的原因正是等候他的回來，眾人好像都忘記了

「我都差啲唔記得我地係等緊啊航….」啊仁說

「我以為係咩人玩野咋」啊烈側側頭說

「大家唔好叫佢，唔好講佢個名，等佢坐低食飯，如果唔係佢會唔捨得離開人世」九叔說

「肥仔…..」但洛兒一看到陳天航的出現就馬上忍不住口

「唔好叫佢啊」旁邊的夢晞立刻伸手掩著洛兒的嘴巴，好讓她不再出聲





洛兒的眼淚只能默默流下

「你地…..做咩啊」陳天航看眾人臉色古怪便問

「我地返埋位食飯啦」英叔故作輕鬆的說

「好….我好肚餓啦」陳天航答上英叔的話

其他人都不敢作聲，免得說了什麼令陳天航不捨離開人世

「依幾日我好凍啊…..啲冷凍好似想凍死我咁」陳天航又說

聽到這句話後，天航啊姨、姨丈、洛兒都低下了頭，大概是為了忍著不哭嘅

而其他人大家你眼望我眼，坐在餐桌前

直至陳天航也坐下，直接拿起了碗筷的一刻，英叔才驚訝的發聲

「𡃁仔？！」英叔突然的一聲，把眾人都驚呆了

「咩事啊…英叔」陳天航望向英叔