［打鬥/靈幻/鬼怪］《輪迴。道》/《噬魂》我由古惑仔變咗做現代道士: 548《第二季》

滿身是刀傷的閻三步入啊晴的眼簾

「契爺….？」啊晴彷彿的問

「係啊契女，唔好意思契爺嚟遲咗」閻三將色餓鬼的頭和身拋遠，屍體其後自行化灰

「契爺….」啊晴又重複一句

「對唔住，係契爺今日唔好，嚇親你，你真係唔記得契爺？」閻三溫柔的蹲下，想要扶起啊晴





啊晴緩緩搖頭

「唔緊要，今日開始契爺會照顧你，唔會好似佢地咁傷害你」閻三伸出手想讓啊晴牽著站起來

「爸爸….」啊晴用猶豫的眼神望向閻三

「霍鎮海佢咁對你，唔值得你再佢爸爸」閻三這樣說，即是剛剛在九叔家發生的事，他全都知道，他一直埋藏在陳天航一行人的身邊

「嗯….多謝你契爺」啊晴最終也是伸出了手牽著閻三，站了起來





「冇事，你好乖，係佢地唔啱」閻三說著好話哄啊晴

「契爺….其實我好驚」啊晴開始放下戒心相信閻三，更上前抱著他哭了起來

而這刻，閻三露出了一個一閃即逝的笑容

「唔洗驚，契爺唔會咁樣對你」閻三拍拍啊晴的後背安慰她

「但…佢地話我係怪物…..我點會係怪物！」啊晴說著說著情緒就開始激動





雙眼亦再次變成鮮紅，

「咁係因為佢地唔識欣賞你嘅美，契爺就唔同，契爺眼中你係最好嘅」閻三立即安撫啊晴的情緒，皆因他也不知自己能否應付失控的「紅眼」

「真係嘅…..」啊晴聽到閻三的話後又莫名的冷靜了下來

「係！」閻三肯定的點頭

「…….」啊晴沉默

「嚟，以後就跟住契爺生活，你大個女，唔再需要霍鎮海」

…………

陳天航死後的，第七天





亦即是陳天航的頭七，「頭七」於習俗上是指人去世後的第七天的當晚，魂魄會於返到自己家中，家人應於魂魄回來前，為死者魂魄預備一頓飯，燒香奉祀

亦是因為這樣，英叔一行人都去到了陳天航的家中，想跟陳天航吃上最後一餐「晚餐」

「今晚打搞曬啦」英叔帶著啊烈他們跟天航啊姨說

當然，葉靈沒有出席

徐峰與霍鎮海也沒有到來

「傻啦，你地係個傻仔嘅朋友同前輩，如果佢真係返嚟，佢會想你地係到」天航啊姨說

「九叔，依邊坐啊」而洛兒就扶著九叔到餐桌面前坐下





「好，唔該你」九叔點頭道謝，自九叔心臟病化和失明後，他變得有點頹廢，好像總提不起勁一樣

「好啦好啦，係咪齊人啦？開飯啦」天航姨丈從廚房裏拿出幾盤餸菜

大家接近十人坐在一起，但又不完全相識，氣氛難免有點尷尬

直至天航啊姨主動問出一句

「係呢，其實你地係點識天航㗎？你地好似都唔係識咗好耐」

「時間真係唔長…..但𡃁仔佢份人就有一種特別嘅魅力令到人好易同佢交心」英叔說著說著就輕笑了一下並感嘆的搖頭

其他人聽到英叔話番話後都表示同意的點頭

「我一開始係啊航嘅泰拳教練，第一次見佢係喺運動場，我見到佢跑步動作有啲問題就過去提下佢，慢慢就做咗朋友」啊武第一個說出是怎樣認識陳天航





「我…我都唔知我點識佢，冇記錯第一次見面係我啊哥嘅葬禮上面，之後見過幾次面，幫我渡過咗一個人生嘅大難關，漸漸就成為咗我嘅知己」啊烈是第二個

而同時間，霍鎮海和徐峰留在九叔家中

「時間差唔多啦」霍鎮海屈屈手指指，在算著時晨

「咩差唔多霍大哥」徐峰聽到霍鎮海的話

「冇事」霍鎮海搖頭

…………

嘭！！





嘭！！！！

殮房內的一格突然傳出拍打聲