［打鬥/靈幻/鬼怪］《輪迴。道》/《噬魂》我由古惑仔變咗做現代道士: 537《第二季》

「其實我係由霍大哥帶隊嘅紅眼人一役之前就知道自己中咗屍毒，只係個陣唔敢同大家講」

「你被紅眼人所傷嗰次？」九叔問

「嗯….應該就係啦」徐峰點頭

「真係….」

「我被困異常維度嘅時候被紅眼人所傷，傷口滲入屍毒但我自己個陣都懵然不知





直至到有一日，我發現我身體入面嘅另一個我異常躁動，同以往我拎起武器時嘅佢完全唔同

咁我就將自己嘅意識潛入意識界裏同另一個我見面

見到佢嗰一刻，我嚇咗一跳，佢生咗兩隻獠牙，雙眼滲發住一股強烈嘅邪氣，成個人好似癲咗咁向我攻擊

但奈何我嘅左手廢咗，根本唔係佢嘅手腳，所以只好暫時離開意識界

之後我就一直用內力將佢封係體內唔比佢出嚟，依個就係我一直唔再拎起武器嘅其中一個原因……」





「我地一直以為係因為你隻手…..」英叔說

「依個都係其中一個原因啦….」徐峰無奈的表示

「咁啱啱你隻手….回復正常？」九叔回想起剛剛的戰鬥

「哈…依個就有啲奇妙，好似你地依家見到嘅我，隻左手係廢嘅，只能夠拎得起好輕嘅野，基本上係冇力嘅

但當另一個我掌管咗身體嘅控制權之後，隻左手就會自然修復





不過當我變返做我嘅時候……隻手又會變返咁，我同佢就好似兩個獨立個體咁….毫不相干」徐峰苦笑道

「唔緊要啦峰仔！最緊要人冇事！」英叔拍拍徐峰，當作安慰

「峰，咁我問你，你咁多年嚟有冇吸過人血」九叔終於問到正話

「冇….」徐峰回答時明顯有點不確定

「咁多年嚟一次都冇？」九叔當然看得出徐峰的不確定

「呃….老野啊，依啲野我地返去先講啦」英叔不想局面這麼難看

「有定冇！」九叔這次直接舉起了劍

「喂！喂！喂！老野！你冷靜啲先啦！成日都咁樣！你做人可唔可以唔好咁死板姐！」英叔無奈又焦急的跟九叔說





「你行開，如峰仔真係一隻吸人血嘅殭屍，我地都要放過？」九叔反問英叔

「咁…咁又唔係峰仔嘅主人格係殭屍，可能佢都唔知呢！」英叔想盡藉口反駁

「廢話」九叔盯著英叔

「英哥，唔緊要，我講…

係我療傷嘅一段時間後，我發現我一直都好肚餓，好似點食野都食唔飽，仲莫名地頸渴

直至有一次….另一個我強行搶咗身體嘅主導權，我嘅意識亦都消失咗一段時間，到我醒返，我已經係一間殮房入面

而我面前嘅所有屍體，頸上面都有牙窿





就係咁….我就知道「我」變咗做一隻殭屍，但我一直都有同「我」達成協議，就係只可以吸動物嘅血，仲要吸完一定要殺，唔可以比佢地變成殭屍動物周圍走」

「嗱！咁即係冇野啦！冇事！峰仔做得好！」英叔舉起拇指，回頭給了徐峰一個讚

「咁佢搶咗主導權個次呢？你確定冇吸過人血？」九叔卻不心息的繼續問

「佢話冇」徐峰說

「佢講你就信？」

「信，因為佢，就係我」徐峰這次以肯定的態度回應

「好，你信就得，我信你」九叔說著淡淡一笑

「死老野！你下次唔好學人講笑啦！一啲都唔啱你….」英叔無奈的看着九叔





「我一直都好認真….」九叔說，但沒人聽見

「你地係咩人！企係到唔好郁！」

這時，兩個警察才緩緩走到，距離啊烈要求客務處報警已不知過了多久，大約三十多、四十分鐘吧

「走」九叔看著他們一到，便轉身想離去

「峰仔，去我地到坐下啦」英叔搭著徐峰的肩膀說

「嗯…..好啦」徐峰想了想才點頭

「我地接到報案！話依到有痴線佬！你地邊個係痴線佬啊！！」警察二人都是一手拿著盾牌，一手拿着伸縮警棍走進了天台戶外遊樂場





「我啊，我係！」百厭的英叔興起決定跟警察開個玩笑

「唔好玩啦，走啦」九叔跟徐峰一下跳到了天台的圍欄上

「好，依家嚟！拜拜啦！警察叔叔！」英叔跟警察揮手然後也跟著跳上圍欄

「你地做咩事！落返嚟先！」比較年輕的警員指著英叔他們說

咻！！！

三人頭也不回的就跳下去了