［打鬥/靈幻/鬼怪］《輪迴。道》/《噬魂》我由古惑仔變咗做現代道士: 536《第二季》

嚓！！！徐峰斬出最後一刀

血花飛濺，但彎刀的刀刃卻是滴血不沾

徐峰再伸一腳，把閻三踢飛

「嗚呃…..」閻三被斬得滿身是傷，擋不下徐峰這一腳，被踢飛後跪下了

「嘻～我地當年唔係唔再出手～而係佢唔敢出手」瘋癲的徐峰指著自己，但大家也明白他說的「佢」就是真正的徐峰





「哈…峰仔..原來你變咗怪物…其中一個四力係殭屍…哈哈哈！！簡直係荒天下嘅笑話！」閻三跪在地上癲狂的笑說

「嘻嘻…三哥～相比之下，我係怪物定你係怪物，怪物嘅定義又係咩」徐峰一步一步走近閻三

「果然係咁….」九叔聽到閻三的說話就更加證實了自己剛才的的想法

「唔好講笑啦….峰仔點會係殭屍啊，佢身手咁好，普通殭屍根本埋唔到佢身啦」英叔不敢相信

「當年嘅紅眼人…..」九叔督了英叔一眼說道





「紅眼人……當年峰仔係依件事後又真係好似冇再出過手….」英叔被九叔一提就回憶起當年的事

「嘻嘻～三哥～我地下世再做朋友～」徐峰提起彎刀，瞄準閻三頭頂準備插去

「嗄！」閻三突然對著徐峰一聲大叫，內功從身體滲出，瞬間狂風亂舞，沙塵亦同時被吹起，擾亂了大家的視線

待大家都反應過來時，閻三已不見了影蹤

「英！追！」九叔提劍就想去追





「好！」英叔當然跟隨

「唔洗追啦～佢已經走咗，氣息亦都消失埋」徐峰卻說出一句

「走咗..」英叔說這句時好像帶點失落又帶點輕口氣的感覺

「明明差少少就…..」而九叔就感到不忿

「算啦….」英叔說，其實看得出英叔並不想對閻三趕盡殺絕

「嘻～佢走咗啦，交返比你」徐峰自言自語說道，話畢，徐峰就單膝跪地，身體像透支了一樣

「嗄….嗄….」徐峰喘著大氣，用單手撐著地

「峰仔，你點啊」九叔英叔跑上前扶起徐峰





「我冇事」徐峰搖搖頭說

「峰仔，我地幾多年冇見啦」英叔拍拍徐峰

「係….好多年啦」徐峰苦笑慨嘆道

「峰仔，你啱啱…係咪變咗殭屍？」九叔問這個問題時，也猶豫了一下

「……嗯」徐峰低下頭，像做錯事的小孩子一樣

「係幾時嘅事！」九叔嚴肅盯著徐峰，並微微的提起了劍

「喂！你做咩姐」英叔推開九叔，令其退後了一步





「我要問清楚！比外面嘅人知道四力其中一個係殭屍嘅話！成何體統！！」九叔說的其實不無道理

四力貴為各派之首，理應是各派的榜樣，但在三十年前就已經有一個閻三破壞了四力的聲譽

現在再出一個徐峰的話，四力簡直淪為一個道界中的笑話

「你唔講我唔講！邊個知姐！同埋如果峰仔係會害人嘅殭屍，佢一早就周圍咬人啦！你咁多年有發現咩？！」英叔站了在九叔和徐峰之間

「你….」九叔說話時

「你地真係覺得仲有四力嘅存在咩？」徐峰截住了九叔的話

「…….」徐峰此言一出，三人都陷入了沉默僵局

「九哥…..你想知，我可以講你知」