［打鬥/靈幻/鬼怪］《輪迴。道》/《噬魂》我由古惑仔變咗做現代道士: 526《第二季》

莫盡離開後緊急的把莫逆召回了南陽集中地

「咩話？！佢地真係殭屍？！」莫逆聰聽到莫盡說後大感驚訝

「嗯…唔會有錯㗎啦，我用玄天鏡照唔到佢地，同埋你睇下」莫盡拿出他剛剛用我玄天鏡

玄天鏡的鏡面碎裂了

「屍氣擊碎玄天鏡…..盡哥，依幾隻野唔係講玩喎….」莫逆看到玄天鏡後也得悉事情的嚴重





「咁你知點解我會即刻叫你返嚟啦，我估莫濤四兄弟都兇多吉少㗎啦」莫盡搖頭嘆息說

「最大問題你知唔知係咩啊盡哥，佢係段氏集團主席啊！全港最大財團，醫院、銀行、酒店、超市，甚至快餐店佢地都有……」

「我都知….」

「即係我地香港原來一直比依班怪物壟斷緊….」莫逆愈想愈不敢相信

「……..」莫盡沒說話





「咁….我地依家仲同唔同佢地合作，上次就話淨係覺得佢地份人古怪姐，依家知道佢地係殭屍….」

「我…..」

鈴…鈴…叮….

莫盡正想說話時，電話響起了，莫盡猶豫的看著電話，不敢接聽

「做咩啊？係姓段個條友打嚟啊？」莫逆看莫盡這麼猶豫不決的樣子，以為是段天致電





「唉..唔係…..係凱祺打嚟」莫盡嘆氣說道

「凱祺打比你喎，仲咁愁？我幫你聽，我好耐冇同佢講過野啦」莫逆一手搶過了電話

「喂….」莫盡想阻止也趕不了

「喂～凱祺」莫逆接通電話

「你係邊個啊？佢呢？」凱祺一聽，發現不是父親

「我係莫逆叔叔啊，好耐冇見啦～你依排點啊？」莫逆還打算用長輩的身分繼續問好

「過得唔好，可唔可以比返佢聽？我有野搵佢」但凱祺並不打算跟這個叔叔多聊幾句，而且態度還是一貫地差

「呃…..好啊，我地下次再傾，你等等啊」莫逆沒癮的把電話遞回給莫盡，莫盡深呼吸一口氣才接過電話





「喂～凱祺」

「你做咩無啦啦比你部電話人啊？！」凱祺確認是自己父親的聲音後，就馬上開罵

「人地莫逆叔叔都係想同你打聲招呼姐」

「無啦啦打咩招呼姐，十幾年冇見，我有急事搵你啊」

「急事？做咩啊？！」莫盡聽到凱祺說有急事立刻變得緊張起來

「啊媽琴晚暈低咗….送入咗院，醫生驗到佢有末期腦癌…..」凱祺說出這事時，語調明顯不同了，應該不是在說謊

「…….你嗰個叔叔呢？」莫盡遲疑了一下後問





「佢一聽到醫生話要醫要好多錢就話有急事走咗啦…..如果唔係我都唔會同你講」

「得….比啲時間我，你地係邊間醫院」莫盡閉上眼，身體傾前將雙手手踭放在大腿上

「我驚啊媽唔係好多時間….你要快，同埋佢叫我唔可以同你講邊間醫院，佢唔想係見到佢咁」

「嗯…..你啊媽真係…我會諗辦法㗎啦，比兩日時間我」莫盡苦惱的說

「嗯..」

通話結束…..但莫盡卻保持著動作，一動不動

「盡哥，咩事啊？」在旁的莫逆當然第一時間關心莫盡

但莫盡依然毫無反應





「盡…盡哥…喂…」莫逆直接動手搖晃莫盡

「呼….我冇事….不過….」

之後莫盡將通話的內容告訴莫逆