［打鬥/靈幻/鬼怪］《輪迴。道》/《噬魂》我由古惑仔變咗做現代道士: 525《第二季》

「習維，你要記住，我當初帶你返嚟就係唔想你好似啊東咁，你係聰明人，唔需要好似佢咁」段天突然語重心長的對習維說

「呃…係嘅！Boss」習維遲疑了一下才懂段天的說話

「Boss！！咁我地依家應該點做啊！」羅東從地面叫囂

「所有野我會搵人處理，你同習維即刻返去」段天亦從天台回應羅東

「好！收到！」羅東收到命令後就真的立即離開了現場





「Boss～咁我都返走先～我會通知人即刻過嚟清理現場」

「好～」

話畢，習維就直接從天台的圍欄跨下，然後沿著外牆玻璃一直下滑，飛快地便落到地面

而他們不知道，就在剛才莫海墜下時，他把手上的畫龍戟飛擲了出去

畫龍戟是靈器，它能自主的尋找下一任主人





昨晚的事情大概就是這樣

………

莫盡跟著段天他乘坐電梯到了昨晚一戰的樓層

「依到……」莫盡一步出電梯門就感應到辦公室中殘留著的屍氣

「係咪有咩問題啊～莫大師」段天故意問他





「嗯…..我再睇睇先」莫盡當然已察覺到古怪，但他先不亂下結論，再到處看看才下定論

他慢慢一步一步前行，好快便走到昨晚莫洋被斬下頭顱的位置

他站在那位置閉上眼不動

「……..」他感覺到徒弟的魂魄曾短暫的停留在這裡，但卻又很奇怪

奇怪在於，魂魄消散了

莫盡悄悄的從工具袋中拿出了一塊玄天鏡，這塊玄天鏡外形酷似八卦鏡，一樣是八角形的外表，不過玄天鏡是呈水晶藍色的

它反影到三界六道以及妖魔鬼怪的真身

莫盡背向段天等人，然後將玄天鏡放到腰間找對位置來照著他們





玄天鏡反影不到段天等人的身影

這一刻，莫盡總算確認了段天他們的身分是三界六道以外的異物——殭屍

段天不笨，當然知道莫盡正用玄天鏡照著自己，並已經發現了他們殭屍的身分，但他不急

因為他知道莫盡一定不會當場揭破，所以大家便配合的看看莫盡打算將這場戲怎樣演下去

「嗯…段生，唔好意思啊，我今日身體有啲唔舒服，風水我地擇日再睇好嘛？」莫盡決定先找個理由離開，因為在這法具不足的情況下，他並沒有信心一個人能夠應付他們幾人

「哦～你冇事啊嘛？洗唔洗我地車你去醫院檢查一下？～」

「唔洗啦，我返去休息下就得㗎啦」莫盡拒絕段天去醫院的提議





「咁我地車你返去啦～」段天再說

「唔洗勞煩段生你啦，我自己搭的士返去就得」莫盡再次拒絕

「唉～咁好啦～既然你決定要自己走咁我都唔逼你啦～身體唔舒服返去個陣小心啲～我地再約～」

「好，再約」

「習維～送莫大師落去」段天吩咐習維

「好～莫大師依邊請～」習維一聽到段天的吩咐就馬上行動

於是莫盡就跟著習維乘搭電梯下去了

「Boss！佢啱啱….」羅東正說一半





「我知～莫盡係聰明人～我信佢唔會咁快拆穿我地～」段天已知道羅東要說什麼

「Boss～咁我地洗唔洗派人跟住佢尾？」媚娘問段天

「都好～順便幫我再查下佢個女係邊～」段天邊說邊擺出了一張陰森的嘴臉