［打鬥/靈幻/鬼怪］《輪迴。道》/《噬魂》我由古惑仔變咗做現代道士: 514《第二季》

「呃…哈」而啊仁則因為啊晴的一句「傻佬」就已經變得面紅耳赤

「嘩～你搞咩啊，塊面紅到咁」啊晴看到啊仁的反應也忍不住笑了

「啊…好柒啊….」啊仁輕聲的自言自語

「唔係啊～我覺得幾q啊」啊晴卻聽到了啊仁的話

「咁細聲你都聽到？！」啊仁驚訝的望著啊晴





「緊係～我隻耳仔天生就好靈㗎」啊晴得戚的說

「咁即係以後唔可以係你面前講你壞話啦～」啊仁故意這樣說

「咁就緊係…咩啊！係唔可以講我壞話啊！」啊晴一巴掌打在啊仁的身上

「好好好～我考慮下唔講」

「仲要考慮？！」啊晴再次提起手，裝作要打啊仁





「唔考慮到得，不過你仲記唔記得你差我一樣野」啊仁終於說出了想說的話

「唔記得喎～有野咩？」啊晴扮作不知道

「你上次話下次再見到面就比電話我㗎喎」

「唔記得咗lu ～」啊晴眈天望地的故意避開啊仁視線

「咁奸㗎咩？！我等咗幾日就係為咗…..」





啊仁說到一半時，才發現啊晴正用她那清澈的眼睛看著自己

而隱約間，啊仁好像看到啊晴的眼珠是淡紅的，但眨一眨眼後又變回了那動人的棕色

「等你….」啊仁呆一呆才把話說完

「咁…咁…」啊晴聽完啊仁說的話後顯得有點面紅

「呃….我….」現在二人都有點尷尬

過了兩秒

「你拎部電話嚟啦～」啊晴主動伸出手

「呃…哦！好！」啊仁馬上從褲袋拿出電話給啊晴





「嗱～依個係我電話啊」啊晴把電話還給啊仁

「其實～我仲有一個小小嘅要求」啊仁對著啊晴不斷眨眼

「你想做咩啊？」啊晴雙手抱胸，整個人退後一步

「喂啊！你當我係咩人啊！！」

「點知你姐～咁你想做咩啊」啊晴笑說

「我係想問…..你全名係咩？」啊仁吞吐的問

「嗯～我嘅全名」啊晴點著頭





「我叫張仁！」啊仁自己先主動說出名字

「老規矩～下次再有緣見到面，我再話你知～」話畢，啊晴就突然轉身跑走

「喂….」

「拜拜啦～傻佬，我聽日都會嚟買野食啊～」啊晴回頭對著啊仁一笑

「喔….我….我諗我中意咗佢」啊仁看到啊晴的回眸一笑後，心中最後一道防線也被打破了，他徹底愛上了啊晴

叮….叮….鈴

這時啊仁的電話響起了

「死！咁耐㗎啦？！」啊仁看一看時間，才發現自己經已出來了這麼長時間





「喂！啊仁你去咗邊啊！冇事啊嘛？！」啊仁接聽電話後英叔就不斷問

「呃….我…啱啱好多人排隊啊，我依家返緊嚟㗎啦！」

「哦！冇事就得啦，你出去咁耐，唔知你去咗邊姐，快啲返嚟啦」

「好啊好啊，好快！」啊仁掛斷電話後就走到馬路邊截了一輛計程車回象山