［打鬥/靈幻/鬼怪］《輪迴。道》/《噬魂》我由古惑仔變咗做現代道士: 513《第二季》

我們將他拉到沙發旁再把他撲倒在沙發上

「喂啊！你地底搞咩啊」不知所以的啊仁拼命掙扎

「嗱！張仁！依家唔係事必要你講，但你所講嘅將會成為呈堂證供！你啱啱到底發生咩事！點解你個樣會咁姣」因啊武的右手不方便，所以只負責壓着啊仁的身體，讓他不能動彈

而我和啊烈就負責進行搜身，地氈式搜索他身上所有能藏東西的地方

「你地友仔搞咩啊」英叔一頭霧水的看着我們





「英叔啊！個死仔買完飯返嚟之後就有啲唔妥！笑淫淫咁，一定有啲野㗎」我一邊對啊仁「上下其手」，一邊回頭跟英叔說

「所以依家我地決定搜佢身，睇下佢有冇收埋啲咩」啊烈接着我的話說

「收埋野咁曳？！我又搜！」英叔聽到我們說的話後居然也飛撲了上來

「啊！！…..你係咪想砸死我啊….」啊仁被壓我慘叫並瞪大雙眼

「唉，冇眼睇」九叔看著我們一群人抱在一團，無奈的搖頭





「算啦九叔，咪鬼理佢地啦，我地開飯食住先」葉靈表面當然也是同樣的無奈，但心底裏卻是在暗笑

「報告英叔！犯人張仁身上咩都冇！」我站起身做出敬禮的動作

「報告！我都冇發現！」啊烈跟著我一起做

「哦！咁收隊食飯啦！」英叔也不再壓著啊仁，開始走往餐桌

「喔～收隊」啊武在後笑說





「收隊！！食飯！」最後便是我和啊烈也走到飯桌

「你地搞咩啊……」啊仁衣衫不整，頭髮凌亂，像剛剛被人侵犯完一樣

「嚟啦啊仁，食飯啦」英叔卻像沒事發生過一樣

「呃……唉…嚟啦」啊仁疲憊的撐起身，像喪屍般的走過來坐下

「啊～啊仁，不過你個樣又真係有啲唔同，紅粉緋緋咁樣 ，睇嚟好快就要桃花㗎啦」英叔不知是真的看得到啊仁的面相還是安慰他，所以才這樣說

但剛好就是這句，直擊到啊仁的心裏

「連英叔都咁講！今次仲唔到我有拖拍？！
」啊仁在心裏想著





就此之後，接下來的日子啊仁都會搶著買飯的工作去做

不知不覺就過了一個星期，大家的傷也好得七七八八，需要特意去買飯的機會逐漸減少，啊仁亦變得更為主動

重點是，在上次一別後，啊仁就再沒有遇見啊晴

「哎！係咪買飯啊？！等我去買啦！」

「嘩～啊仁，依排搞咩咁主動啊」英叔覺得到啊仁的不同

「下？！呃…..有咩？！冇啊！」啊仁緊張的抓頭

「嗯，古古怪怪喎你～」英叔用著大細眼，質疑的眼光看著啊仁

「冇啲咁嘅事！我去買啦！」啊仁為免再被問下去，就果斷衝出了門口





坐小巴往荃灣的啊仁好快便去到了路德圍，他在路德圍逛了幾圈也是不見啊晴的身影，他決定先去買飯，之後再轉幾圈

拿著外賣的啊仁失落的站到一邊

「又話下次再見就比電話我…..呃人嘅」正當啊仁打算離開路德圍時

「喂～你個樣做咩咁頹啊」突然一把聲音出現，將啊仁從失落中拉回來

「啊晴？！」啊仁突然變得龍精虎猛

「咦～我頭先好似見到有人等緊我喎」啊晴用著調皮語調問啊仁

「等…等你？冇啊，邊個啊」啊仁立即裝作若無其事一般的





「哦～冇啊，冇人等，咁我走啦～」啊晴點點頭就轉身

「呃….唔好啊」啊仁一時情急就伸手捉住了啊晴的手

「唔係話冇等緊我咩～咁我咪走囉」啊晴繼續耍弄啊仁

「唔…唔係啊…唉…係啊，我等緊你」啊仁最終也是低下頭認了

「你真係傻佬嚟」啊晴笑著搖頭