［打鬥/靈幻/鬼怪］《輪迴。道》/《噬魂》我由古惑仔變咗做現代道士: 411《第二季》

房內漆黑一片，伸手不見五指，四周還不時會傳來東西移動的聲音，而且哀號不斷，極為影響心神

嗚嗄…..啊….

張九閉上雙眼在遊走，感應周遭的流動

「嗯？！」張九瞪開眼！回身一斬

嗄！！！！





然後他左手反手向後一刺，戳中目標

嗚！！！！

畫面轉到房外

「嗄…..每次聽到依啲聲，起曬雞皮」守門的師弟說

「裏面嘅全部都係惡靈，鬼王級以上，淨係佢地嘅叫聲足以擾亂人心，少聽為妙」張三說話時，拿起懷錶





「一分鐘」張三向房間喊去

砰！！嘭！！房內雜聲傳出

「九師兄會唔會有咩事㗎？」師弟緊張的問

「你入嚟日子淺？」張三冷笑一聲

暗房內





張九從腰布間拿出一個黃布袋，咬破手指，然後用血在布袋上畫出符咒，再將袋口對著剛剛揮劍的方向

「血脈。咒，收」

嗚啊！！！！！

………

「三十秒」張三再次報時

踏…..踏……踏…….

「呼… 開網」張叔手拿著四個黃符布淡定的走近門口

「哦…哦！！」師弟把紅網拉起





「兩分三十九秒，仲快過上次喎」張三收起懷錶，然後捲起自己的衣袖

「本應該可以再快啲」張九不滿自己的表現

「唔好逼自己咁緊，你已經係北門數一數二㗎啦」張三搭著張九的肩膀

「到你」張九把手上的黃符袋遞給張三

「出中庭」張三指指中庭









「喂喂喂！，九師兄三師兄係個邊練野啦」

「今次有野睇啦」

「知唔知今次幾多隻？」

「好似話四隻」

「一次過四隻？！」

「仲要隻隻都係鬼王級以上㗎」

「四隻對佢地嚟講好少事㗎咋，九師兄直情入埋「魂鬥房」到捉依四隻野出嚟啦」

張三和張九走近中庭，他們的私人練功處，瞬間便不少師弟湧來偷看，討論聲四起，看來他們在北門派也是風雲人物





這時，張英從人群中穿出，蹺起手觀看兩位師弟的練習

「北門冇乜幾多個人可以做到，你地想學野就睇實啦」張英跟身後的師弟說

張九張三走到中庭的正中央，對視而站

「逐隻定一齊放？」張九收起一劍，遞起黃符袋

「一次過啦」張三脫下右手的白色手套

「準備」張九一下將四個符袋拋高

「開始！」然後橫刀一揮，符袋應擊斬開





啊！！！！！嗷！！！！！

惡靈們的哀號變成了怒吼，他們從符袋中解放化成了黑煙，四處亂竄

「依邊啊」張三主動發挑釁惡靈

啊！！！四團黑煙纏為一團向張三衝去

張三一掌擋住，但也被撞得向後滑行數米

「化虛為實！邪靈速速現真身！」張三左腳輕輕跺地，雙指一點

面前的黑煙馬上變成實體，變成了四隻不人不獸般的奇怪生物

「點解佢地會咁嘅」

「都係鬼姐，點解變到咁」

道行、經驗尚淺的門生在旁嘩然

「你地唔知都正常嘅，師父係魂鬥房入面封印咗一隻萬年道行嘅妖，但就算封印咗，妖氣依然會散發出嚟，吸引曬方圓百里嘅怨靈、惡靈過嚟，而魂鬥房落咗咒，有入冇出，啲怨靈、惡靈吸吸埋埋啲妖氣就會變成咁，佢地依家係半靈半妖」

張英為師弟們解說

「原來傳聞係真㗎？！我以為西樓啲人話我地道觀有妖係假㗎添」

「我係依到幾年啦，我都未聽過」

「緊係啦，師父好少提起依件事，係我跟咗佢咁耐先知㗎咋」張英沾沾自喜的說

「咁師兄，你依家講咗出嚟，師父會唔會鬧你㗎」

「呃…..唔會嘅！師父平時唔講姐！唔代表佢唔比你地知嘅！」張英怯了一怯

說回張三

張三面對四隻不人不獸的惡靈，完全沒怯場

「嚟啊」張三坐好馬步，向惡靈招手

嗚嗷！！！！四惡靈同時撲出！

張三也一個前撲在四隻惡靈之間的縫隙中穿過，擦身而過之際，張三拉著其中一隻惡靈的腿，把它拉在地上，往頭部用力踩上

「嘶！！！」惡靈往張三咆哮

「嘈住曬！」張三再往惡靈臉上再補一拳

嘭！！惡靈頭撞到地上

「離苦得樂、往生淨土」張三將右手放在惡靈身上

嘶啊！！！！

張三手掌發出霹靂啪啦的聲音，繼而閃出電光，惡靈身體開始變形，直至被張三完全吸進掌心