［打鬥/靈幻/鬼怪］《輪迴。道》/《噬魂》我由古惑仔變咗做現代道士: 410《第二季》

「航，我服你」啊武鎚打胸口兩下，再指指我

我也做同樣的動作回應

說著說著，原來飯也吃得差不多，大家都已放低了碗筷開始在閒話家常，最對得上嘴的居然是夢晞和洛兒，她倆無視我們所有人自顧自的在聊，一會聊衣服、一會聊化妝，我和王奇也雙視而笑

「好啦，都差唔多，執埋啲野，之後我都有啲正經野要同你地講」九叔突然說

「有正經野咁你地傾啦，等我地執野啦～」洛兒乖巧的說





「係囉～你地唔好阻住我地執野，走開走開」夢晞和應洛兒

「好，咁麻煩你地，我地過去客廳個邊」九叔率先走到客廳沙發坐下，英叔就坐到旁邊

「咩事啊九叔？」王奇是第一個跟上，坐到旁邊的小沙發上，葉靈就坐在英叔旁邊，我們就坐到茶几上

「以下落嚟我講嘅野，要緊記」九叔凝重的說著

「認真㗎，聽實，我地唔想你地有事啊」英叔也少有的認真





「咁凝重嘅….」啊仁說

「我張九，係北門派第七十二代嘅代掌門…..」九叔緩緩說出

「依個我地都知啊…..等陣，代掌門？」我本來以前九叔說的沒什麼特別，但想了一想才發現問題

「嗯」九叔點頭，然後再說

「我唔係名正言順嘅掌門，真正嘅掌門係閻三」





「閻三？！上次嗰個？！」我和啊仁聽到這名字都震驚了

「閻三？你地識佢？」王奇問我

「我未聽過」啊武搖頭

「我都唔太清楚佢係咩人啊，但我淨係知佢好犀利，佢上次救過我同啊仁」

「閻三….係一個天生嘅術士」九叔帶點唏噓的說

「佢一出生，隻右手天生就有收伏鬼魂嘅能力，可以將吸返嚟嘅力量據為己有，我師父亦都話佢嘅道行、修為係我地北門派有史以嚟最高」

「所以理所當然地，佢當上咗北門派掌門以及四派嘅四力之一」

「咩係四力啊？」啊仁問





「等我講啦」英叔插話

「你地當聽故仔咁聽啦……」


三十年前左右


「師父，你真係揀我地兩個做掌門後選人？！」張三不敢相信的問

「我….我唔知自己有冇咁嘅能力」張九低頭沉思般

「你地能力去到邊為師最清楚，我自有分數」師父說





「三啊，除咗掌門之外，為師已經提名你成為新四力之一」

「下？！我喎！我得咩？！」張三比剛剛更不敢相信

「比啲信心自己，你有天生嘅優勢」師父拍拍張三的右手

「咁樣會唔會對其他人唔公平？……唔係我自己嘅實力」張三看著自己的手

「隻手係你嘅，點會唔係你自己嘅實力？」

「又或者師父咁講，你有一把好鋒利嘅刀，但冇好嘅刀法都係徒然，你嘅手臂就係刀，你嘅身體承受力就係刀法」

「嗯….明白」張三點頭

「等埋另外三派嘅決定我會再通知你，你地依家返出去練功啦」師父說完便坐到神壇前打坐









「三師兄，九師兄，你地嚟練功啊？」守著「特別房」的師弟問

「嗯」二人點頭

「好，咁我開門比你地」師弟拿出鑰匙將金剛鎖打開，撕下貼在門上的符紙，然後馬上握著門旁邊的一條紅繩

「今日想要幾多隻？」張九問張三

「四隻先」張三說





「好」張九捲起衣袖，手拿雙劍，推開房門

嗚…….嘶……

門一打開就傳來令人毛骨悚然的哀號悲叫聲

「拉網」張九步入房間

「好！」師弟聽到指令將手上紅繩一拉

颯的一聲，一幅紅網從門頂落下，把房門給封住了

「今次幾耐？」張三拿出一個懷錶問張九

「三分鐘」聲音從房內傳來

「好」張三開始計時

滴答…滴答…..