［打鬥/靈幻/鬼怪］《輪迴。道》/《噬魂》我由古惑仔變咗做現代道士: 394《第二季》

「嗱，啊狗，我唔知單野係咪真係你做，但你自己應該心裏應該有數，依家烈仔啲地盤我地係暫時保管，你唔好諗住霸曬」水叔指著西狗又戳戳枱面

「你放心啦水叔～幫人保管野我就最叻㗎啦，唔差在我可以幫你保管埋㗎～」西狗陰陽怪氣的說著

「你最好唔好同我玩野，啊叔出嚟碌咗幾十年，見唔少你依啲人，最易一朝得志就語無倫次」

「冇～點敢啊，同埋我都未得志，等我得咗先啦」

「烈仔啲地盤，我淨係要酒吧，其他歸你」水叔說





「嘩～水叔你咁大方？得唔得㗎？」西狗誇張的嘴臉說著

「啊水，你要咗最多油水個瓣，其他都冇肉食嘅就留比啊狗，講唔通喎」冬叔發聲

「有意見？咁一係你同啊狗自己分，但臣爺怪罪落嚟就你地自己孭返」水叔跟冬叔說

「咁又唔得」冬叔耍手擰頭

「咁唔該你就唔好咁多嗲」水叔說完這句後也離開堂口





「死老野，過兩日我就郁埋你」西狗心裏咒罵著水叔



一日後….

西狗的大本營

「喂～等你好耐啦」西狗熱情的打招呼





「唔好意思，啱啱教緊啲徒弟，所以遲咗少少」坐者正是南陽派掌門——莫盡

「咁又唔洗唔好意思～盡哥！等你幾耐都等啊！」

「突咁識講野啊狗哥？」莫盡坐在西狗對面的沙發，腰後靠，蹺起二郎腿

「緊係啦～冇你盡哥，我又點會趕到條仆街仔走啊～」西狗說話時，舉起手搖動銅鈴，身後原本正在玩樂的手下都停下手中的動作，呆在原地

「哈哈哈哈！！！你睇下！！」西狗笑得拍枱拍櫈

「依啲小事嚟姐，舉手之勞，不過你都應該兌現我地之間嘅約定」莫盡說

「一早準備好啦～」西狗拿出一張支票

「合作愉快」莫盡看著支票笑了，這個數比起幫拳館打假拳高了不止十倍





但突然…..

「咳咳咳！」莫盡忽然面目無光、呼吸加快、不停咳嗽

然後莫盡馬上從口袋裏拿出一支白色的東西，看上像是一支手捲煙

但煙裏面的不是煙草，而是白色的粉末，他把煙點燃，吸一口

「嗚啊…….」他噴出煙霧，煙霧在空中飄揚，慢慢呈現出一張人臉

「嘩～盡哥，原來你啱依味野㗎，早啲講啊嘛～我有好多好野」西狗從外套的口袋裏拿出了一包白粉

「哎，我唔啱依味野，你誤會咗」莫盡伸出手掌，截住西狗想把白粉遞給他的動作





「唔洗同我客氣㗎喎」西狗卻依然熱情遞給

「我話唔洗」莫盡眼神閃出殺氣

「得！好！我收返」西狗也是知道莫盡的可怕，所以馬上收起白粉

「下次我話唔要嘅野，唔好要我講第二次」莫盡盯著西狗

「好好好～」

「不過，盡哥啊，我有個小小嘅要求」西狗雙掌磨擦，「烚熟狗頭」的樣

「講」莫盡攤一攤手

「依家我班𡃁，聽話就聽話啦，不過都係唔撚夠人打，可唔可以令佢地好抽啲呢？」





「你真係想咁做？」莫盡問他



「緊係啦！好抽啲！霸嘅地盤就多啲啦」

「如果係咁，可以嘅，但你要控制得好好先得」莫盡像是有些隱瞞

但西狗卻未有發現

「得啦！我一定會小心啲㗎啦」西狗也是隨口答應

「咁你搵幾個你啲手下入面最好打嘅出嚟」莫盡站起，準備施法





「好好好！」西狗也馬上安排

「喂！同我叫啊恆、啊耀、東揚、星仔、萬君佢地全部過嚟！」西狗一頓呼叫，把身邊最能打的都叫來

「咩事啊狗哥」

「嚟！」

「即到！」

西狗的大本營是一個大貨倉，相當廣闊，手下們紛紛跑來

「另外，你叫你其他手下全部出去先」莫盡說

「哦～好啊，始終秘密啲好」西狗繼續「烚熟狗頭」的

「其他全部同我出去！唔關事嘅出去！邊個唔出去我就閹邊個！」西狗一聲令下，手下們都馬上離開貨倉

好快貨倉內便剩下莫盡、西狗和他的五個手下

「好啦，盡哥～可以開始啦」