［打鬥/靈幻/鬼怪］《輪迴。道》/《噬魂》我由古惑仔變咗做現代道士: 392《第二季》

「西狗，你係咪應該要比返個交代我？」啊烈拿著雪茄，跟西狗在堂口上對質

「交代？交咩代？我都唔明你噏乜」西狗戚眉攤手，裝作什麼都不知道

「係囉烈仔，你話啊狗帶人斬你，成件事得你講，又冇證據」支持西狗的冬叔為西狗擺脫嫌疑

「老鬼冬，出嚟行都要講證據就碌柒啦」支持啊烈的水叔就為啊烈抱不平

「你都戇鳩嘅，唔講證據，唔通我行過話你殺曬我全家又得啦喎」冬叔激動的拍枱





「收嗲啦老鬼冬，成世人淨係識鳩噏 ，你冇睇到啊烈啲𡃁死嘅死傷嘅傷咩？」相反，水叔就比較冷靜

「你唔比佢係出面得罪人，同人開完片就屈落啊狗到㗎？」冬叔開始編出一些問題，帶偏方向

原來水叔想反駁冬叔，但被啊烈截停了

「冬叔啊，其實我都有個問題問你」啊烈把雪茄桶在煙灰缸裏弄熄滅

「嗯？」原本跟水叔在爭論的冬叔轉向望著啊烈





「到底你收咗西狗幾錢呢，下下都要幫住佢，定同佢有親啊？」啊烈雙手撓起，身體向後傾

「嘩～啊烈哥，你咁講又唔啱啦，野唔可以亂講㗎，同埋好似有少少冇大冇細囉」西狗繼續裝作無辜

「係囉！你咩意思啊烈仔，即係話冬叔發錢寒！折墮到要收錢幫啲細嘅做野啊？！更何況！你都幫住烈仔啦，咁你係咪又收咗佢錢啊！」冬叔這樣說也是想挽回面子

西狗跟他在社團同是「大人」，但在輩份上，冬叔怎樣也是叔父輩，如果被出面的人說他收錢幫比自己輩分小的人辦事，顏面何存

「嗱，說話又唔係咁講啊，我地幾個老野，由細睇住烈仔大，幫佢就正常嘅，係你特別唔同姐」又一叔父為啊烈發聲





「鬼王風，又關你事？」冬斯叔不屑的看著鬼王風

「咩啊？！你可以講野我唔講得啊！」鬼王風指著冬叔

「唔係，你中意講，唔通我唔比你講咩」冬叔向鬼王風擺擺手，然後整個後背靠著椅背

「講真啊，烈仔由「細路」做到「大人」，佢有邊次做野出錯過要我地孭鑊先？每逢大時大節仲會請我地班老鬼食飯，烈仔份人係點，唔洗我講啦係嘛？」



「咁又點啊？我都由細睇住依條𡃁仔大㗎，但我唔覺得咁就要信佢囉」冬叔不屑鬼王風的話

「嘈完未啊」

一男人推開堂口的大門





「臣爺！」

「臣爺！你嚟就啱啦」

「呃…臣爺」冬叔一看到啊烈的父親臣爺，便立刻收起剛剛的囂張

「點啊？小學生辯論比賽啊？你一句我一句，大人嚟㗎嘛！比啲細嘅見到成何體統啊！」臣爺一下拍枱，在場的人都為之一嚇

除了一人，啊烈

「老野，咁你同我地拆掂佢」啊烈率先發聲

「嗯？講多次」臣爺把頭側側，將耳朵靠近啊烈





「…….，臣爺，你同我地拆掂佢啦」啊烈無奈之下只好改口叫臣爺

「我一早知咩事啦」臣爺拉長尾音，顯得他這句話別有用意

「唉，冇㗎啦，睇嚟我都係衰衰地同啊烈哥認句錯㗎啦」西狗有意無意的說出一句

「狗啊，你係咪有咩意見？我未講野喎」臣爺突然擺出友善的笑容

「冇，冇啊，邊到有啊臣爺，你話點咪點囉」西狗望著桌面，玩弄起自己的手上掛著的銅鈴，叮叮噹噹的

「狗，唔好再玩你個抽野」臣爺說

「好」西狗將視線掃向啊烈，然後再刻意亂擺一下鈴鐺，擺明是故意惹啊烈生氣

啊烈只怒不言，想起這銅鈴如害死自己的手足，眼睛死死盯著西狗，





「大家放心，我啊臣份人就最公平，從來冇話偏心邊個嘅」臣爺用食指戳一戳枱面

「依次呢件事，的確係令啊烈損兵折將，亦即係我地公司嘅損失」臣爺緩緩道出

啊烈的表情慢慢由怒轉喜，自己的老爸應該怎樣也會幫自己吧

但……

「但的確啊烈又真係冇證據證明係啊狗帶人斬佢，同門相殺係好嚴重嘅事，係違反會規！所以我估啊狗都唔會亂嚟嘅」

正當啊烈高興的時候，臣爺卻突然轉向幫西狗說話

「喂老…..」啊烈本想發難，但又要給面子自己老爸





「你啊，都唔好追究啦，你今次損失幾錢都由公司賠償」